كانت زينه وساره في طريقهم الي العمل
ساره :ايه ياختي السواق ده ده هيوصلنا بكره الصبح لو فضل علي الحال ده.
زينه : هنعمله ايه يعني ننزله ونسوق احنا
ساره : ايه يابنتي الغتاته الي انتي فيها عالصبح دي
زينه : والنبي لتسبيني في الي انا فيه مش فيقالك خالص
ساره : يابنتي ليه يعني كل ده واشمعنا يعني النهارده مدايقه قوي كده ايه الي اتغير النهارده عن قبله منتي كل يوم في الموال ده
زينه : اهو انتي قولتيها كل يوم في الموال ده انا تبعت ياساره تبعت قوي انتي عارفه يعني ايه تكوني موجوده فبيت الكل بيكرهك وبيعاملك أسوأ معامله ياعنى فتحيه اهي اسمها مرااات ابويا وممكن تكون بتكرهني علشان انا كنت بنت ضرتها لكن بابا ياساره بابا بيكرهني ليه انا عمري محسيت انه بيحبني عمره مخدني فحضنه وطبطب عليا حتى وانا صغيره عمره معاملها انا ماما وحشتني اوي ياساره وحشني حضنها وحشتني حنيتها عليا وحشني كلامها ليا الي كان بيخفف عني اي حاجه وحشه.
انا تعبت ياساره تعبت اوي نفسي ارتاح من الي انا فيه نفسي. يارب خدني وريحني من العيشه دي يارب.
واجهشت زينه بالبكاء فاسرعت ساره واحتضنتها وأخذت تملس على شعرها وتقولها
اخس عليكي يا زينه اوعي تقولي الكلام ده تاني والله هزعل منك وبعدين الي بتقولي ده حرام على فكره ربنا كده هيزعل منك ده اختبار ياعبيطه ربنا بيحط كل واحد فيه علشان يشوفوا هيصبر ولا هيعمل زيك كده يقنط من رحمته عليه وميستحملش الاختبار وبعدين يعني شفيني انا اهو قاعدين انا وماما لوحدنا مقطوعين من شجره زي مبيقولوا وماما تعبانه اوي زي منتي شايفه وخايفه قوي انها ممكن فيوم تسيبني.
ففرت منها دمعه هاربه ولكن سرعان ماتحكمت بنفسها فهي تريد أن تخرج صديقتها من الي هي فيه لا ان تذيد عليها
فقالت بس انا عندي امل فربنا وبحسن الظن بيه انه مش هيخيب رجائي فيه وانها هتكون كويسه و هيباركلي فيها.
زينه : عندك حق استغفر الله العظيم يارب سمحني انا عمري مهقول كده تاني فعلا ربنا مفيش ارحم ولا احن منه
ساره : خلاص ياحبيبتي خلصتي فقرة فضفضه علشان احنا وصلنا
زينه: ضحكت وقالت ايوه ياختي خلصت وفيها ايه يعني لما افضفض وهو انا ليا مين غيرك ياسوسو ياحبيبتي.
ونزلا من الميكروباص ودلفا الي محل عملهم
*****************************
في مدرسه الاعداديه بنات
دخلت فاطمه ومنه
فمنه في الصف الأول الإعدادي وفاطمه بالصف الثالث الاعدادي.
فاطمه : يلا يامنه ادخلي انتي علشان تلحقي الطبور.
منه: طيب وانتي ايه هتستني البرنسيسه زي كل مره
فاطمه : ياستي وانتي مالك بيها هي صحبيتي ولا صحبتك ايه الارف ده
منه : ارف ماشي يافاطمه عالعموم احسن والله انتي متستهلي غير وحده زيها ان شاء الله هتلبسك فمصيبه تأخذك انتي وهي
فاطمه : وقد غضبت كثيرا بقولك ايه. يامنه ادخلي يلا دلوقتي ولا عوزانا نمسك فبعض قدام باب المدرسه
فدخلت منه ولم تعقب على اختها ولكن نظرت لها نظره هي كفيله عن أي كلام يقال
ثم وقفت فاطمه في انتظار صديقتها هايدي او دودي كما تحب أن تنادي
فوصلت عربيه ملاكي اخر موديل ونذلت منها هايدي
فاطمه : وعلى وجهها ابتسامة عريضه صباح الخير ياهايدي
هايدي : صباح النور ياختي
فاطمه مالك في ايه ياهايدي بعدين يافاطمه بعدين يلا بينا ندخل دلوقتي علشان الجرس خلاص
********************************
في قصر ادم
نزل ادم سريعا وهو يرتدي بدله سوداء غاية الفخامه فمن ينظر اليه يظن انه خارج من غلاف إحدى المجلات
ادم وهو يدق باب غرفة جدته
جدته : ادخل ياحبيبي تعالي وقد أنزلت المصحف من يدها
ايه ياحبيبي خلاص هتخرج
ادم : ايوه ياتيته بس انا كنت عاوزه افكرك النهارده معادنا في المستشفى اوعي تنسى
جدته : مخلاص بقى ياادم ايه لازمتها ياحبيبي منا زي الفل اهو شفتني بشتكي من حاجه غير شوية السكر والضخط
ادم وهو يضحك وهو السكر والضخط حاجه بسيطه ياتيته معلش ياحبيبتي علشان خاطر ادم حبيبك ويلا ياستي كمان
انا هاجي اخدك واوصلك بنفسي ها ايه رايك بقى
جدته : ماشي ياحبيبي الي تشوفو
ادم : يبقى تمام هخلص واعدي عليكي نروح سوا قبل ادم يدها وخرج.
*******************************
في شركة الصيرفي لتصنيع السيارات اكبر شركه مصنعه للسيارات وقطع غيارها.
أنت تقرأ
للقدر وجه اخر
Romantikعندما يقع الإنسان اسيرا لنفسه وظلمها وتجعله يبطش بكل من حوله وتجعله لايفرق بين الصواب والخطأ بمجرد انه خدع من اقرب الناس اليه جعل الجميع بعيونه في محل شك واتهام فهل ستكون له الفرصه للبدء من جديد ام سيظلم نفسه ويظلم من يحب
