بعد أن ترك حمزه ادم وذهب خلف ساره
ذهب ادم للطبيب مره آخره وأخبره بما حدث وان زينه قد استعادت وعيها لثواني ولكنها سرعان ماغابت عن الوعي مره اخرى
الدكتور: دي حاجه كويسه مدام فاقت يبقى مجرد ساعات وتستعيد وعيها مره تاني.
في أثناء حديث ادم مع الدكتور دخل والد زينه حتى يستطيع معرفة حالة زينه ولكنه تفاجأ بأدم مع الطبيب
ابراهيم : ايه ده انت هنا انا كنت جاي اشوف حالة زينه ايه بالظبط.
ادم : اه طبعا اتفضل حقك اتفضل يادكتور اشرحله حالة زينه.
نظر الطبيب لادم نظرة استفهام بمعنى هل اخبره كل شئ
فقال ادم يلا دكتور قول كل حاجه ده والدها ولازم يعرف حالتها كويس
الطبيب: تمام اتفضل حضرتك واخذ الطبيب يشرح حالة زينه بالتفصيل لوالدها وكان على وجه ابراهيم علامات غضب وعدم تصديق وماان انهي الطبيب حديثه حتى انتفض ابراهيم من مكانه وقاله اه يعني البت مش نافعه تاني متقولها كده احسن يادكتور ثم نظر لادم يعني انت دمرت مستقبلها يعني هتفضل قعدالي طول عمرها ااكل اشرب وانا بقول امتي اجوزهم واخلص من همهم دلوقتي مين هيرضي بوحده معيوبه مبتخلفش هاه قولي يابيه ياخراب بيتك يابراهيم يامصيبتك في بنتك ياابراهيم وأتى حمزه وساره وفتحيه وكل من في الخارج على صوت ابراهيم دخلت فتحيه في ايه يابراهيم حصل ايه مالك الحقيني يافتحيه البت خلاص مستقبلها ادمر بقت مش نافعه تاني.
فتحيه: يعني ايه انا مش فاهمه البنت حصلها ايه بالظبط ياابراهيم
ابراهيم : مش هتخلف خالص وعندها كسور تقعدها شهور مين هيصرف على الي في المدارس دول
فتحيه : وهي غير مصدقه مش هتخلف يالهوي وأخذت تصرخ أيضا.
وكانت حنان والدة ساره تبكي ايضا وغير مصدقه ماسمعت
ثم وقف الطبيب : لو سمحتوا ياجماعه ميصحش كده احنا فمستشفى هنا لو سمحت اتفضل هنا يااستاذ ادم وانت ياستاذ ابراهيم والباقي انتظروا بره من فضلكم اخذ حمزه من بالغرفه الي الخارج وتركهم.
جلس الطبيب وتنهد قليلا ثم تحدث الي ابراهيم بص يااستاذ ابراهيم انا عارف ان الي حصل لبنتك مش سهل بس احنا نبص للجانب الكويس ان الي خبطها ابن حلال واكيد مش هيراضيك ويعوضك انا بقول انك تتفاهم مع استاذ ادم وشوفوا هتوصلوا لايه مع بعض في أثناء حديث الدكتور مع ادم وإبراهيم دخلت الممرضه مسرعه دكتور لو سمحت الحاله الي عملت الحادثه فاقت ذهب الطبيب مسرعا وخلفه ابراهيم وآدم ومن بالخارج أيضا ذهبوا معهم ليروا ماذا حدث ولماذا ذهب الطبيب مسرعا
دخل الطبيب الي غرفة العنايه المركزه وبدأ فحص زينه ثم قال : حمدالله عالسلامة انتي سمعاني كويس اومأت زينه براسها بمعنى نعم
الدكتور : طيب تمام اسمك ايه
ردت بضعف وقالت زينه ماشي يا زينه ارتاحي دلوقتي
خرج الطبيب فذهبوا جميعا اليه تمام هي فاقت دلوقتي هنخرجها على اوضه تانيه لو سمحتوا محدش يتكلم معاها خالص ولا يقولها حاجه عن اذنكم.
ذهب ادم لحمزه
بقولك ياحمزه اتصل بالدكتوور عبد الرحمن وقوله يبعتلنا عربية إسعاف عالمستشفي دي انا هنقل زينه من هنا
حمزه ليه ياادم ماهي كويسه هنا.
ادم : اسمع الي بقولك عليه انا مش مقتنع باي حاجه اتقالت هنا ولا في اهتمام ده انا دخلت العنايه المركزه عادي جدا ولحد حتى قالي انت رايح فين وبعدين بص عالمكان انا مش عارف دي مستشفى ازاي
حمزه : بس هما قدروا ينقذوها ياادم ومعنى كده ان كفائتهم عاليه يمكن المكان مش اد كده بس الدكاتره اكيد كويسين
ادم : ماشي بس برضو انا عاوز انقلها من هنا واشوف رأى دكاتره تانيين ومكان يكون في رعايه واهتمام اكتر من كده شويه
حمزه: ماشي ياادم تمام هبلغ دكتور عبد الرحمن وارجعلك
عاد حمزه وأخبر ادم انه سوف يتم نقل زينه وان الدكتور عبد الرحمن هيظبطلهم كل حاجه وهيبعتوا ينقولوها على اخر اليوم
ادم : تمام انا هاروح أبلغ الدكتور علشان يجهزوها وابلغ أهلها كمان.
في غرفة الطبيب
الدكتور : ليه كده يااستاذ ادم هو احنا قصرنا معاها فحاجه
صدقني احنا موفرينلها الرعايه والاهتمام وكل حاجه وملهاش لازمه انها تتنقل
ادم معلش يادكتَور انا عارف انكم عملتم الي عليكم وذياده
بس احنا عندنا المستشفى الي بنتعامل معاها وحابب انقلها هناك علشان فيها دكاتره متخصصين في مواضيع النسا وعمليات الرحم من بره وانا حابب اخد رأيهم وعاوزهم يشوفوها
الدكتور : بص صدقني الدكاتره الي عندنا من أساتذة النسا
بس تمام من حقك تطمن خلاص انا هبلغ الممرضه يجهزوها
خرج ادم من الطبيب وذهب يخبر والد زينه بما سيحدث.
في استقبال المستشفى
كانت تجلس ساره وامها
ساره: بقولك ايه ياماما متروحي ياحبيبتي ترتاحي شويه
انتي مش حمل القعده دي كفايه كده اهي الحمدللة زينه فاقت
وان شاء الله تبقى كويسه يبقى ملهاش لازمه القعده دي.
حنان : برضو يابنتي عوزاني امشي واسيبها هي زينه دي صاحبتك انتي وبس.
دي بنتي برضو الي مخلفتهاش وعاوزه اكلمها واطمن عليها
مش عاوزاها تعرف الي حصلها وهي لوحدها عاوزه اكون جمبها واخدها فحضني واطمنها يمكن اقدر اخفف عنها ولا حاجه
ساره : ماهو ياماما الدكتور قال محدش يقولها حاجه دلوقتي
علشان خاطري ياماما وبعدين صحيح انتي عندك معاد دوا دلوقتي ومينفعش متخدوش بصي خلآص انا هطلبلك عربيه تيجي توصلك ماشي
حنان: اه منك عرفاكي دماغك ناشفه ومش هتسكتي بس انتي كمان محتاجه تريحي شويه وتغيري هدومك
ساره : ماشي ياماما اول ماقدر ادخل لزينه واطمن عليها هبقي اجي اغير واعمل كل حاجه تمام ياست الكل
حنان باإبتسامه تمام ياقلب ست الكل
اتي حمزه وقاطع حديثهم لو سمحتي ياانسه ساره
التفتت ساره فوجدت حمزه فنهضت سريعا في ايه زينه حصلها حاجه.
حمزه : لا لا خير اطمني مفيش حاجه انا بس كنت هبلغكم ان ادم هبنقل زينه مستشفى تانيه خاصه بتاعت واحد صاحبنا.
ساره : ليه يعني ومالها المستشفى دي وبعدين هي زينه هتستحمل انها تتنقل من مكان لمكان
حمزه : اولا هو عاوز يطمن اكتر على حالتها لان هناك في دكاتره كبار ومتخصصين وهو عاوز يطمن منهم اكتر ويشوف حكاية الرحم دي كمان وبالنسبه لموضوع انها هتستحمل ولا لا احنا روحنا للدكتور وبلغناه وآدم دلوقتي راح علشان يبلغ والدها
حنان: والله ربنا يكرمه يابني شكله قلبه طيب وابن أصول والله مقالش خلاص اهي فاقت وساب لأهلها قرشين ومشي
مهتم بيها كأنها تخصه
ساره : ايه ياماما ماهو السبب في الي حصلها دي أقل حاجه يعملها اصلا.
حنان : لا يابنتي الي بيعملوا ده بيقول غير كده شكله انسان محترم وعنده ضمير مش كل الناس بتقدر تتحمل غلطها وتعترف بيه وتواجهه زي ماهو عمل هو عارف انه غلط وان كل الي حصل ده بسببه وضميره مأنبه واهو بيحاول يساعد على قد مايقدر
حمزه : والله تسلمي عالكلام الحلو ده فعلا والله ادم مهتم ولو في حاجه اكتر من كده يعملها هيعملها
ساره بغضب فهي أصبحت لاتطيق ادم ولا سيرته بعدما فعله معها
ماما يلا علشان اطلبلك العربيه علشان توصلك
حنان : يابنتي مدام هينقلوها مكان تاني يبقى تعالي انتي كمان ارتاحي ونجيلها الصبح عالمكان الي هترحلوا
ساره : لا ياماما انا عاوزه ابقى جمبها مش هسيبها
حنان : ماانتي لازم تريحي شويه علشان تقدري تكوني جمبها وتلاقيكي مكالتيش حاجه كمان من الصبح بصي ياساره مفيش كلام تاني هتروحي معايا وتيجي الصبح مش عاوزه كلام كتير.
حمزه : انا اسف اني بدخل بس والدتك معاها حق انتي لازم تروحي ترتاحي وتيجي الصبح وبعدين المستشفى مش بتسمح بالمبيات غير لو حد هيحجز غرفه مع المريض. روحي دلوقتي وابقى تعاليلها الصبح وانا هبقي اديلك العنوان.
ساره : خلاص ماشي بس لما تخرج زينه هبقي امشي.
*****************************
في إحدى الشقق المفروشة
أنت تقرأ
للقدر وجه اخر
عاطفيةعندما يقع الإنسان اسيرا لنفسه وظلمها وتجعله يبطش بكل من حوله وتجعله لايفرق بين الصواب والخطأ بمجرد انه خدع من اقرب الناس اليه جعل الجميع بعيونه في محل شك واتهام فهل ستكون له الفرصه للبدء من جديد ام سيظلم نفسه ويظلم من يحب
