السلام عليكم ^-^
رجعت لكم ببارت جديد واحداث جديده
لطفا لو اعجبكم البارت صوتو لي ولاتحرموني من تعليقاتكم الحلوه (:
******************
رهف:هبه اهلي منعوني اسافر
هبه كانت تمشي بالغرفه من التوتر من سمعت ذا الكلام رجولها مو قادره تشيلها من اللي سمعته جلست بالارض وتحاول تجمع نفسها تتكلم : هههههه وش هالكلام اعرف انه مقلب ياحبك للمقالب ماتتوبين انتي اعرفك
رهف : هبه وربي مو مقلب امي وابوي قالو مافي سفر تكفين هبه مااقدر هذا حلمي
سكتت هبه مو قادره تتكلم او تنطق بحرف كل اللي قدرت تسويه انها تسمع بكاء رهف
هبه : طيب ليه وش السبب وش صار
رهف : اليوم لما كنت بالجامعه ........(وحكت لها اللي صار معها بالتفصيل )
__________
ام رهف: يمه قوليلي وش صار معك ؟
رهف لاحياة لمن تنادي
الى ان قال ابوها : الحين هذي هي بنتك اللي تقولين عنها انا واثقه فيها ومدري ايش هذا واهلها معها بتقتل بنت الناس كيف لو هي بعيده عنا؟؟
ماابي اسمع كلمه ابي اسافر وانتي ياامها لاتحاولين تقنعيني بالسفر من الاول وانا مو موافق
سمعت رهف هالكلام ومثل اللي انكب عليها مويه باردده من شدة الصدمه تعلقت عيونها بابوها وهي منصدمه من اللي سمعته
رهف:ليش انا وش سويت وش ذنبي انا وش دخل سفرتي
ابو رهف : لاابد ماسويتي شي بس كانت في بنت بتموت بسبب وحشيتك معها
رهف نزلت بلوزتها حتى تبان رقبتها :وهذا وهذا وش بنتك كانت بتموت لو مادافعت عن نفسها يبه هم هجمو علي
اسال كل بنات الجامعه عن ذي البنت اسالهم عن حركاتها ووحشيتها
مع هذي البنت اذا ما داف......
صارخ ابوها: خلاصصص ولاحرف سفر مافيه وكلمتي مااثنيها
رهف : يمه تكفين عالاقل انتي صدقيني
ام رهف راحت من دون ولا اي كلمه جابت المعقم واللزق وبدت تنظف جرح رهف
ام رهف: يمه الحين هي سوت لك كذا
رهف : يمه تعرفيني انا مااحب اتكلم بشي صار لي بس ايوا هي اللي سوت كذا تكفين سوو اي شي تبونه فيني الا السفر هذا حلمي يايمه افهميني الله يخليك
كانت تقول هالكلام لدرجه ماحست بحرق الجرح اللي برقبتها من الم قلبها بسماع هالخبر واللي زاد عليها كلام امها
ام رهف: انا خلاص ماعد يطلع بيدي اسوي شي لابوك
تعرفينه عنيد وعصبي وبس يحط شي براسه مابغيره
رهف : حتى انتي حتى انتي وبدت تنزل دموعها بصمت لين خلصت امها وراحت غرفتها ودقت عالوحيده اللي ممكن تفهمها وتصدقها وتسوي لها المستحيل .
_____
هبه
كان شعور مره سيء اني اسمع باللي صار برهف وهي بعيده عني
صح اني ولامره قابلتها ولامره لمست يدها ,وجهها,شعرها
بس افديها بروحي واصدقها وانا مغمضه ومستعده اسوي لها المستحيل
بعد ماسمعت الخبر منها ولاول مره اسمع بكاءها حسيت بحرقه بقلبي
ليش يسوون فيها كذا ؟
وكيف انا اقدر اساعدها؟
لو كلمت امها بتقتنع؟
وابوها كيف بقنعه؟
كانت كل هذي الافكار تدور براسي كان تفكيري مشوش لدرجه الصداع
كلمت رهف وهديتها حتى نامت وهي تكلمني وجلست افكر انا وش اقدر اسوي ومن استشير بهذي الحاله؟
**********
رن جواله
1:الو
2:اهلين
1:وش صار بالموضوع اللي قلت لك عنه؟
2:جبت لك معلومه مهمه لدرجه ماتتوقعها
1: وش هي قول يلا وش تنتظر
2: وافقو لها عالبعثه ,جامعه بامريكا
1:بامريكا؟؟
2: ايوا
1:ومتى طيارتها ؟
2: مابعد يحددون بس حسب معلوماتي مع نهايه الفصل الاول لجامعتها عشان تلحق الفصل الثاني وتجهز امورها هناك
1:يعني معي شهر وشوي لسا
2: لا معك اسبوعين بس حتى اتاكد من موعد سفرها
1:تمام , لاتقطعني من الاخبار مستحيل اخليها تسافر برا
2:مع اني مو فاهم صلتك فيها ووش تبي منها لكن ابشر لك اللي تبي
1:اللي ابيه منها شي مااحد بياخذه منها الا انا
2: لاتبدا لي بالطلاسم الحين انا بسوي اللي علي وانت تصرف بس انتبه على نفسك
1:تمام يلا باي
سكر جواله وهو يفكر كيف بيمنع سفرها و كيف يبي ينتقم
************
أنت تقرأ
ابرياء مأسورين
Actionتحكي عن 4 اصدقاء التقو بعد اختطافهم وتم تثبيت اكثر من تهمه عليهم كيف بيطلعون منه التهم؟ وش بيسوون؟ وهل بيضلون اصدقاء طول العمر؟ كل ذا تعرفونه بالروايه .
