ابرياء مأسورين

البارت -4

السلام عليكم ورحمة الله
رجعت لكم ببارت جديد
تاخرت عليكم بالبارت اعذورني 
نبدأ:

**********
بعد مرور يومين :

التقو بكافي عالعصر
طلب له كوب قهوه ساده وجلس ينتظر الاخبار اللي يبي يسمعها عشان ينفذ خطته
هبه كانت سبب في اذيه اكثر من شخص عزيز عليه و لازم ينتقم منها و من اللي سوته فيهم هذا دين عليه ولازم يوفيه
طبطب عكتفه :بوش شارد للحين ؟
:اخيرا جيت وش صار وش عرفت ابي شي مهم يكون
2: ماعرفت الشي الكثير للحين
1:وش عرفت قول اللي عرفته
2: موعد سفرها مابعد يتحدد من الجامعه وشكله بيطول على مايحددون الوقت عشان كذا بتواصل مع اصدقائي بامريكا واستفسر متى بدايه فصلهم الدراسي ..... الخ
1:تمام زين اللي بتسويه, لازم مااخليها تسافر باي شكل كان
2:اهه ماادري وش اللي ببالك ,عرفت شي ثاني ممكن يفيدك
1:وش هو ؟!
2:في بنت كانت تكلمها بالجامعه تسميها توامي اتوقع اسمها رفعه او رغد ماادري
1:اي المهم !!
2:المهم انه ذي البنت طلع لها منحه بنفس اليوم اللي قبلو فيه بعثة هبه
1:اي وش كمان؟
2:بس ذي البنت توامها اهلها منعوها تسافر لسبب مابعد اعرفه
1 همممم هو يفكر
2:اي صح في بعد . انه بنفس المكان والجامعه اللي هبه فيها
1:صدفه غريبه
2:ايوا
1: اممممم بما انه توامها ونفس الجامعه ف اكيد هبه فرحت لهالخبر ,وقلت اهلها منعو صديقتها فيعني هبه الحين ...
2:منهاره؟؟
1:لا هبه ماتنهار بسرعه اكيد الحين تفكر بخطه تسويها لصديقتها
2:مستغرب منك كيف تعرفها كل هالمعرفه
1:هذي سالفه من الماضي , وتنهد بحزن
2: انا مااعرف وش فيك لكن صدقني لو جيت تبي تقول و تفضفض اعرف دايما اني موجود و بسمع لك باي وقت واي مكان واللي يصير عليك يصير علي

ابتسم له ابتسامة رضا
1:لازم نسوي شي ونمنعها تسافرفي خطه ببالي بسويها 

2:وش بتسوي؟
1:ابيك تجيب لي رقم اهلها
2:اهل من ؟!
1:اهل من يعني اكيد اهل هبه 
2: عندي احساس انك بتدخل بشي خطير , بس انه خلاص بجيب لك ياه 
بس انتبه عاللي تسويه 
1:انت جيبه وماعليك

**************
جالسه بغرفتها تدور وتفكر من يوم ماالغو جامعه رهف وهي ضايعه ماتدري وش تسوي لمن بتقول كيف بتوصل لها كيف بتساعدها
الف سؤال براسها وماله جواب .
افتحت اختها الباب وشافت حالتها 
وفا: وش صاير؟
هبه : ولاشي مشكله صغيره  بس
وفا : شوفي صح انا مااحب اتدخل وكذا ومااحب الشي اللي يقولون عنه اخوه ومااعرف ايش 
بس حالتك ماتدل على شي صغير 

هبه :شي مابيهمك لانك ما تعرفين اساسه وش وبتضيعين معي فيه 
وفا :اعند منك ماشفت بس انتبهي على نفسك 
وطلعت
هبه : هههههههههه من متى وفا تقول كذا والله جالسه تصير اشياء غريبه بالحياه 
_______
جالس على مكتبه يكلم زبون ويرسم الديكور اللي وصفه له 
بعد ماسكر : اوووف زباين تطلب الشي وماتفهم وش جالسه تطلب كيف بضبطه وهو مو راضي اي تغيير شي يشيب الراس 
طلب له فنجان قهوه يروق فيه 
رجع رن جواله 
: افففف رجع يرن 
الوو خير وش تبي قلت لك بدون اي تغيير مارح يضبط الشغل
2:..................
ابو هبه : الو؟
2: .........
ابو هبه : الوو من المتصل ليه ساكت؟
2:اهلين مابطول الكلام كلمتين ورد غطاهم عجبك اهلا وسهلا ماعجبك حنا بنتصرف بطريقتنا
ابو هبه : من انت ؟ وش جالس تقول ؟
2: ماعليك من انا ,بقول اللي عندي واسمعني زين 
....................................
ابو هبه : خير ان شاء الله على اي اساس تقول هالكلام باابن***يا ****** ....... طوووط 
سكر بوجهي ابن اللذين اوووف من وين جا هالشي على راسناا الحين ابدا مو وقته 
__________