صباح الخير ... يمكن يكون مسا الخير 😅
شلونكم طمنوني عنكم
ان شاءالله يكون البارت اللي قبل اعجبكم
احترت اخلي الروايه قصيره او طويله اعطوني رايكم بهالشي
وفي شي ثاني ..
تحبون الروايه على جزء واحد او جزئين ؟
ووووو
شنو هو النوع المفضل عندكم بالروايات ؟
مممم بس والله
البارت الحالي تقريبا مافيه احداث كثيره بس فيه اشياء رح تفهمون علاقات الشخصيات ببعض تقريبا
اتمنى ينال اعجابكم
يلا نبدا ....
__________
قبل سنتين ....
كانت مريضه بفيروس معدي خطير نوعا ما حجروها بغرفه لحالها بحيث ماتعدي احد من اهل بيتها الاعراض ماكانت عليها بذيك الخطوره وكانت تقضي وقتها عالجوال والانترنت اكثر شي ....
مر اسبوع على هالحال وطفشت وملت ما تقدر تطلع برا انحبست بغرفه بين اربع جدران كانت صعبه عليها ....
حتى بيوم فتحت الجوال و قوت قلبها و قررت تحادث احد من النت
اهلها كانو يمنعوها من هالشي فيه اشياء مو زينه عقولتهم
فتحت برامج التواصل الاجتماعي و دخلت بقروب كان متفاعل بشكل مو طبيعي وكله سوالف وضحك ومزح ومختلط بس كان في حدود للاحترام
حبت المجموعه كثير ودخلت كان تفاعلها قليل بس تواجدها كان تقريبا شي اشبه بالادمان والموجودين لاحظو هالشي عليها بس خلوها براحتها لانها جديده
يوم ورا يوم فتحت القروب لقت هي وكم شخص الموجودين ويسولفون بهدوء وهي تشاركهم الحديث ومبسوطه فيهم
بقت هي و وحده لحالهم هي ضلت ساكته ما تعرف شنو تتكلم شنو تسوي
جت اللي معها تكلمت .،
الحلوه المجنونه : هبوش انتي وين ساكنه؟
هبه : بالسعوديه وانتي؟
الحلوه المجنونه : انا بالسعوديه بابها
هبه : انا بالاحساء ، والنعم
ضلو ساكتين وهبه كانت رح تسكر بس سبقتها وسالتها
الحلوه المجنونه : كم عمرك؟
هبه : عمري 18 وانتي كم؟
الحلوه المجنونه : انا اصغر منك بسنه 17
هبه : العمر كله ، انتي اسمك الحلوه المجنونه شنو اسمك الحقيقي؟
الحلوه المجنونه : ههههههه مابغيتي تسالي اسمي رهف
هبه: عاشت الاسامي
رهف: عاشو احبابك
ضلو ساكتين هبه حست الوضع غلط قررت تستاذن منها وتروح بس رهف سبقتها مثل كل مره
رهف : مممم امي تبيني بروح واجي تبين شي مني؟
هبه : لا سلامتك وانا رايحه بس سبقتيني 😅
رهف : هههههه يلا مو مشكله المره الجايه انتي بتسبقيني
هبه : مااتوقع بس ان شاء الله هههههه يلا مع السلامه
سكرو اثنيناتهم ....
*******
عند هبه /
من وقت ما دخلت القروب شفت اشياء كثيره بنات مسويين نفسهم شباب وشباب مسويين نفسهم بنات وشغلات مقرفه بس المشرف كان يطردهم بس الدنيا مليانه بكذا معقوله رهف وحده منهم. ؟
بس ما ادري حسيتها وحده عفويه وحيويه بس كانها مغروره؟؟
لا لا ما سوتلي شي ليه اقول عنها كذا
بس مدري احس حبيتها وما حبيتها لسا اليوم اول يوم اكلمها بشكل فردي
اشوفها كثير متفاعله مع شباب وبنات مممم احسها خفيفه؟؟!
لا ما ابي اظلمها ماسوت شي البنت مسكينه
اووووف خلاص بكرا نشوف شنو اللي مخبا خلني انام تعبت من الجوال
أنت تقرأ
ابرياء مأسورين
Aksiyonتحكي عن 4 اصدقاء التقو بعد اختطافهم وتم تثبيت اكثر من تهمه عليهم كيف بيطلعون منه التهم؟ وش بيسوون؟ وهل بيضلون اصدقاء طول العمر؟ كل ذا تعرفونه بالروايه .
