ابرياء مأسورين

البارت- 10

مساء الورد
عندي الساعه 12:34م مااعرف متى بنزل البارت 🙂
شلونكم طمنوني عنكم 💙💙

في ناس رح تقرا وتمل ....اعرف لاني طولت بالفكره الاساسيه للروايه بس من هالبارت واللي بعده بيبدا
&&&&&&&&&&

( امواج)
من اسبوع تقريبا واختي متغيره مدري شفيها ولها كذا يوم تلح تبي نطلع نغير جو وما عادت زي اختي اللي اعرفها احسها هدت و مدري كيف الافلام صارت قليله وتقعد عالجوال كثير وتكلم صديقتها كثير ومن اجي تسوي  نفسها تسولف بشي ثاني واللي استغربت منه صايره تنام بدري وتقوم بدري تتفقد جوالها
امي مبسوطه انها تغيرت بس انا مو مرتاحه حتى ثامر فيه شي غريب يناظر لرهف بنظره غريبه ودايما يهمهم ويفكر ...مدري هم المتغيرين ولا انا اللي فيني شي
اليوم قررنا نطلع لبست وجهزت نفسي وامي جهزت اغراض الطلعه وخلصنا كان باقي رهف ننتظرها راحت امي عندها تشوفها لقتها نايمه ووجهها تعبان تقول تعبانه مابطلع روحو انتو
امي قالت قومي نوديك مستشفى شفيك ما رضت قالت بس انام برتاح مو اول مره يصير معي  كذا
انا بالنسبه لي اول مره اشوف اختي بهالحاله خفت عليها ومنها اللي صدمني تقول مو اول مره ! كيف مو اول مره وانا ما افارقها ولا مره شفتها كذا تعبانه ولهذي الدرجه
بعد نقاش طويل مع رهف قال ابوي خلوها ترتاح وحنا نطلع مابنتاخر عليها
وطلعنا ....

**********
: هبه يلا بنروح
هبه : قول لامي مابتروح
فاروق : طيب
راح يقول لها وجت امها
: ليش ما بتروحين؟ شفيك مطلعه كتبك؟
هبه : يمه عندي امتحان نسيت اذاكر له والمشكله انه الدكتور يقول لاتنسين وضافو ماده اليوم
ام هبه : طيب اطلعي معنا مابنتاخر وارجعي ذاكري
هبه : لا ما يضبط اعرف نفسي برجع تعبانه وبنام واختباري بكرا ما يمدي ما ابي انقص فيه

ضلت ام هبه تفكر وتناظر لها وهبه مسويه انها مضيعه الكتاب وينه وينه 😂
طلعت الكتاب وقعدت : ها يمه وش صار
ام هبه : ماادري بقول لابوك اشوف
راحت قالت لابوها قال :هي اللي كانت تبي تطلع اذا الحين عندها اختبار وبتذاكر اقعدو وبنطلع بعدين
فاروق وعمر وعبود : لااااا بابا خلينا نروحح
ابو هبه : اختكم عندها امتحان بس تخلص نروح كلنا
فاروق : لااا بابا خلينا نروح اذا قعدنا بنزعجها خليها تدرس بهدوء وحنا نروح ولما تخلص نطلع كلنا مابنخسر شي
ابو هبه : لا خلاص اقعدو
وفا : جد يعني اول مره فاروق يقول كلام صح اذا قعدنا بنزعجها ورايحين جايين عندها مابتركز وامي تقول مادتين وهي جامعه يعني صعب عليها
ابو هبه : كذا رايكم؟
الكل قالو بصوت واحد اي كذا
( طبعا هبه عارفه ابوها مابخليها لحالها بالبيت صارت معها من قبل فقبل مايطلعو حطت اخوانها وقالت لهم المكان حلو والعاب وكذا وتشترون ووناسه ومن هالكلام ولعبت بعقلهم وبالنسبه لوفا هي تعرفها تحب الطلعات هذي فتطمنت من ناحيتها )
وبكذا نجحت خطتها وسلمو عليها ووصوها تدرس عدل وطلعو ...
قفلت الباب وركضت عالجوال جات تبي ترن عليها جوالها رن وردت
: رهف طلعو خلاص
: وانا بعد راحو
:يممممه كنت خايفه ماتضبط معنا
: ولاا انا اختي شاكه فيني تخيلي وثامر يعرف بالسالفه
: كيف شاكه يعني
: سويت اني مريضه وتناظر فيني وتفكر ههههههه
: انتبهي وش بتجيبين اغراض
: شوي ملابس واوراق السفر يعني شنطه صغيره وشنطة يد وش نبي زياده ذكريني
: ماادري انا بعد بحط مثلك اييي صح وش صار عالحجز
: ههههههه تم امره
: بالله كيف وانا اخر من يعلم احكيلي
: الحين مافي وقت جهزي اغراضك واطلعي ومن نوصل احكيلك كللل شي بالتفصيل
: تممممام يلا اشحني جوالك قبل مانروح واخذي فلوس
: اووك يلا بااي
(( توضيح ))
طبعا هبه ورهف مو ساكنين بنفس المنطقه ولا مره التقو ببعض المطار قريب على منطقة هبه نص ساعه بس بالنسبه لرهف بعيد عنها تقريبا ساعتين وتخاف تركب تكسي لحالها بهالوقت تكون الشوارع فاضيه كلهم الموظفين بشغلهم ،ابن خالها واقع بحبها وهي تعرف هالشي وماتعتبره الا مثل اخوها ف اضطرت تستغل هالشي لصالحها وهي مو من حركاتها الاستغلال بس انجبرت ،قالت له وطلبت منه يوصلها بدون لا يسالها اي سوال او يقول لاحد شي وهو بدوره وافق واتفقو يروحو قبل موعد الطياره باربع ساعات
..........
كيف ابن خالها واقع بحبها ووافق يوديها للمطار تسافر بدون علم اهلها ؟؟
هنا يجي دور شخصية رهف الثانيه ولسانها الحلو وكلامها قدرت تقنعنه بكل سهوله ومايخلى الامر من اسالته ووعدته لما توصل تتصل عليه وتفهمه على كل شي وقالت له انه لو ماصار هالشي هي بتصير مدمره ويكون هو السبب وبكذا اتفقو
————————
خلينا نرجع يوم لورا ،....
قامت الصبح الكل نايم راحت على مكتبه وفتحت كمبيوتره الشخصي وبدت تدور على حجز ضلت حوالي نص ساعه تدور ولانها اول مره بحياتها تحجز لحالها وتسافر لحالها كان التوتر عندها فللللل و كانت تبي احسن العروضات امكانياتها ماتسمحلها وماتبي تصرف من ابوها كثير عشان مايلاحظ بسرعه
لقت عرض سفر بسعر معقول عالساعه 4:30 العصر  توكلت على الله وحجزت والدفع كان على حساب ابوها
طبعا كل هالشي بكفه وكلمة سر حساب ابوها بكفه ثانيه
رهف : يارررربي وش بيكون كلمة سره
جربت اشياء كثير اسمه ورقمه وتاريخ ميلاده وجربت رموز يحبها او ارقام وكلها بائت بالفشل
قعدت عالكرسي وسندت راسها وتدور بالكرسي وتفكر ....
وقفت فجاه وخطرت على بالها كلمه وكتبتها وغمضت عيونها عدت للعشره وفتحتهم وهنا كانت الصدمه
/ تمت العمليه بنجاح 
توسعت عيونها وقامت تنط وفرحانه ماتبي احد يسمعها وجلست
فجاه صارت تضحك على تفكير ابوها
اللي صار :
هي وتدور وتفكر تذكرت ابوها كيف كان اغلب وقته يحرج امهم قدام عيالها وهي تستحي وتعصب عليه
قالت ليش مايكون كلمة السر شي متعلق بامي
وفعلا كان تفكيرها صحيح ابوها كان يحب رقم 27 اللي هو اول يوم التقى فيه بساره ورقم 9 كان يوم اعترافه بحبه ورقم 30 كان تقدمه الها وانرفض ويوم1 لما تقدم الها ثاني مره وانقبل يوم 6 كانت خطبته ويوم 24 يوم زواجه
كل هذي الذكريات كانت مسجله بدفتر صغير لقته رهف وقرته
اول مره دخلت الارقام لحالها وغلطت ثاني مره جربت حركة ثانيه قرتها مره فبرنامج واللي كانت بين كل حرف والثاني رقم دخلت اسم امها والارقام وكان بهذا الشكل
s27a9r30a1624
وبكذا كان كل شي جاهز
طلعت من الصفحه وصورت الرساله بجوالها وحذفتها من الكمبيوتر وسكرته قامت بتروح ولا تسمع يد الباب تنفتح ...