RoaaMohammed682
.
.
.
.
.
ليلى : وتين يا بت قومي على حيلك دا شنو النوم دا ما بتفتري انت حياتك كلها نوم نوم نوم تنومي السهر قومي 😡
وتين : بسم الله يا امي مالك🥺 ورفعت راسها لقت الساعة 6 صباحا ( شكلها بداية سوداء لا بياض فيها الله يعينك يا وتين)
ليلى : وليك عين تسألي كمان يا قليلة الأدب والترباية قومي تقوم قيامتك قومي قلت ليك
وتين : والعبرة خانقاها صوتها م قادرة تطلعوا كويس... حاضر يمه جاية وراك
قامت وتين عملت روتينها الصباحي وعلى المطبخ عشان تعمل الشاي وبالمرة تجهز الفطور
في المسافة دي نتعرف عليها وباين انو ف حساسية بين الام وبنتها
انا وتين حسام الدين احمد عمري 17 سنة امتحنت الشهادة ادبي وجبت 89.8 مستنية القبول بس عشان اطلع من البيت اقصد الجحيم دا💔 ابوي حسام الدين عمرو 45 سنة شغال اعمال حرة والحمد لله حالنا ميسور جداً 💞 امي ليلى عبد الكريم امرأة صعبة ونوع النسوان اللي لازم كلمتها تمشي و عايزة تكون مسيطرة دايما عمرها 37 سنه واخوي يس اصغر مني وهو واحد ما عندي غيرو عمرو 13 سنه
نرجع...
عملت الشاي ومشيت على ابوي وجدي عبد الكريم وحبوبة فرح في الصالون صبحت عليهم كبيت الشاي وشربنا وامي دورت حوارها اليومي والأذى النفسي اللي بتسببو لي يوميا ( طبعا مستحيل ام تعمل كدا ف بنتها دا ف نظركم يعني بس كملو للنهاية و ح تعرفو😉 )
ليلى : وتين امشي نظفي البيت كلو من اولو لآخرو واعملي الفطور والغداء وغسلي العدة م القى لي ملعقة وسخانة سامعة ولا م سامعة وفي باقي هدوم م اتكوت تطيري تكويها بعد تخلصي😠
وتين : حاضر يمه
حبوبة فرح : يا ليلى يا بتي دا م كتير عليها🤔 وبعدين الشغالة قاعدة خليها هي تنظف وتكوي و وتين تطبخ
ليلى : لا يا امي انا قلت وتين يعني وتين وانتهينا
وتين عاينت لابوها نظرة زول مكسور💔 وبتحمل معاني كتيرة هنا حسام اتدخل
حسام : وتين الليلة م ح تعمل اي حاجة وبعدين يا ليلى طولت م ضقت الاكل من يدك وتين دي مرات ما بتظبطو لينا ولا شنو يا عم عبد الكريم😉 والمرة الشغالة يا ليلى تجيبيها من بيتها واولادها عشان تقعد تتفرج يعني م حرام عليك كدا دا تعب ساي بالنسبة ليها وكدا انت ح تقطعي رزقها
ليلى : حسام انا.....
قاطعها
حسام : ليلى انتهى خلاص ومعاها حِميرة كدا لمن ارتبكت فلانة
وتين : لا لا يابا خلاص انا بعمل القالتو لي امي م مشكلة
حسام : وتين تعالي وراي من غير نقاش....
وتين : سمح
طبعا حسام ولا عايز يقول ليها شيء ولا حاجة عايز يخارجها بس من الورطة دي 😂
عدا اليوم بخيرو وشرو وجاء الليل خلاص والناس كلها نامت ما عدا زولتنا دي تفكر ساااااي
وتين بينها وبين نفسها سرحت في روحها لمن كان عمرها 6 سنوات
فلاش باك 🖇️
وتين : ماما ماما شوفي رسمتي حلوة ؟
ليلى : عليك الله يا وتين ابعدي من طريقي م رايقة ليك
وفي نفس اللحظة جاء يس كان عمرو سنتين يادوبو فكان بيتعتع ف الكلام
يس : ماما ثوفي
ليلى : حبيبي انا يا سلااام رسمتك حلوة شديد انت بعدين ح تكون رسام كبير يا يس❤️
وتين هنا نزلت منها دمعة زي النار لانو دي م اول مرة امها تتعامل معاها كدا وهي بتحبها شديد بس م حاسة بي حب امها ليها بالعكس حاسة انها بتكرهها.... من بعيد حبوبة فرح شافت الموقف دا جات سريع لوتين مسحت ليها دمعتها النزلت دي وساقتها معاها غرفتها وبدأت تتكلم معاها
ح فرح : وتيني... ليه كنتي بتبكي يا حبيبتي
وتين : حبوبة انا رسمت رسمة وعجبتني شديد جيت اوريها لماما بس هي قالت لي ابعد منها وما شافت الرسمة💔 لكن لمن جاء يس هي شالتو وحضنتو وقالت ليهو رسمتك حلوة مع انو رسمتي احلى🥺 من حقتو لي ماما م بتحبني زي يسوني اخوي يا حبوبة 🥺
حبوبة فرح : لا لا م تقولي كدا ي وتين ماما بتحبكم الاتنين زي بعض بس عشان يس لسة صغير وانت ما شاء الله عليك بقيتي عروسة وكبرتي ولا شنو يا حلوة وحضنتها عليها وباست راسها
وتين : حبوبة انا بحبك شديد وتاني لمن ارسم ح اجي اوريك انت اول وبخليك تعلميني ارسم اكتر
ح فرح : وانا كمان بحبك يا صغيرتي... حااضر طوالي ح اعلمك
بااك🔏
قشت وتين دمعتها لمن سمعت الآذان بيأذن عاينت للساعة لقتها 3:30 صباحا
وتين : الليلة سجمك يا وتين حجة ليلى لو عرفتك م نمتي للآن ح تموتي ف يدها احسن اقوم اصلي لي ركعتين مسافة الآذان التاني يأذن وجرت جري اتوضت وصلت قرأت ليها صفحتين من القرآن وكان الآذان التاني اذن تمت صلاتها والسرير جاك زول نامت ليها ساعتين وجات حجة ليلى صحتها ( حسيتها ليلى الضاهر المرة دي 😂😂😂) لكن م صحتها ساي.....
نتم في الحلقة الجاية كونو بخير 💜
