.
.
.
.
.
.
.
.
.
.
.
بعد انتهو من موضوع الغداء وتين مشت الغرفة ورقدت حبه كانت تعبانة بس مستحيل تتم ليها عشرة دقايق وترتاح فيها جاتها ليلى زي القدر المستعجل وقالت
ليلى : قومي على حيلك وكمان راقدة قومي قلت ليك
وتين : يمه خليني ارتاح شوية ما قادرة اقوم
ليلى : ان شاء الله دايما ما قادرة انت احسن لي منك البنات الشغالات انت اصلا ما منك فايدة
وتين : امي انت عايزة شنو بس بدل الموال دا
ليلى : وبتردي علي يا قليلة الأدب ( وقت هي قليلة الأدب مش انت الربيتيها ولا ما كدا 🤔) طيري جيبي لي موية
وتين استغفرت ومشت ( هسي بدل الشوشرة والكلام ال مافي داعي ليه دا لو قالت ليها جيبي لي موية وسكتت مش احسن) المهم جابت ليها الموية ومشت رقدت ليها زي نص ساعة وسمعت صوت عربية ابوها بررا طوالي قامت على المطبخ سخنت الاكل ورصتو جاء ابوها شال الغداء ومشو اتغدو عدّا الوقت ودخل الليل وكلهم نامو يلا احلام سعيدة
_____________________________________________
بعد اسبوع 💙
حبوبة فرح : يا حنين جهزتي الاكل
حنين : ايوا يا خالتي كلو جاهز بس باقي نرصو على الصواني
حبوبة فرح : طيب يا بتي الله يديك العافية.... يا وتين امشي لابوك خليه يتأكد من الناس ديل وصلو ولا لسة.... ( دقيقة عشان ما تجوطو 😂 مر الاسبوع و الليلة السبت الساعة 10:30 صباحا وفاطمة وسندس الليلة جايين 🙊😂 يلا نرجع)
وتين : حاضر يا حبوبة لمن وصلت لحسام سمعت الباب بدق وعرفت انو ديل خالاتها ورجالهم كلمت ابوها ورجعت لحبوبة
المهم عدوهو سلام واحضان وما ادري ايش حبوبة تحضن دي وتفك دي وشوق وبكاء وبتاع 😂 بعد خلصو مشو غيرو هدوم السفر وغيرو لأولادهم.....
وتين وحبوبة وحنين وليلى مشو رصو الاكل وخلاص الرجال مشو الصالون و النسوان ف البرندة
مرّ الوقت ( نسيت اقول ليكم بكرا عيد ميلاد وتين 🙈 وتيننا ح تتم ال 18 سنه 🙈💜)
__________
الساعة 12:00 صباحا والليلة الأحد
حسام : جاء وشايل ف يدو علبة هدايا دخل لوتين ولقاها صاحية كانت مستنية امها تجي تعيد عليها بس ما جاتها وجاها حسام ( ف نفسها قالت الحمد لله انو عندي ابو زيك يا ابوي)
حسام : وتيني انا 😍 كل سنه وانت بألف خير يا روحي
وتين قامت باست ابوها ع راسو وحضنتو وقالت ليه
وتين : وانت بخير يا احلى بابا ف الكون اممممم جبت لي شنو 🙊
حسام : فتح الصندوق طلع منو اسورة وخاتم دهب و ورقة
وتين : الله يا بابا حلويييين ربنا ما يحرمني منك... لاحظت للورقة دي شنو ياابوي
حسام : اتفضلي شوفي دي شنو
وتين شالتها ولقت مكتوب فيها انها اتقبلت في جامعة القضارف ادارة اعمال ( هي كانت ادبية) فرحت شديد وبقت تنطط من الفرحة...
حسام : خلاص بتي كبرت وداخلة الجامعة 😔💜
وتين : الحمد لله اني ما بعيدة منك يا ابوي ما كنت ح امشي
حسام : نومي هسي عشان بكرا اوديك السوق تشتري حاجاتك
وتين : حاضر يا ابوي تصبح على خير
حسام : وانت من اهل الخير حبيبتي
الصباح :) :)
وتين قامت جهزت ولبست الخاتم اللي جابو ليها امس حسام ولمّت الاسورة ف دولابها لمن طلعت برا لقت يس طالع المدرسة
وتين : صباح الخير
يس: صباح النور
وتين : ما نفسك تقول لي كل سنة وانت طيبة
يس : بالله هو عيدميلادك الليلة... كل سنه وانت طيبة ياخ + ماشة وين من الصباح كدا قاشرة
وتين : يا ود قاشرة شنو دي عباية استقبال عشان رجال خالاتك في البيت فما صح اقعد ساي لازم اكون لابسة طويل + وانت طيب 🙊
كل واحد مشى ف اتجاه... حبوبة جابت الشاي وقعدت مع بناتها وحفيداتها ومرت ولدها وبهناك جدو مع ولدو ورجال بناتو شربو شاييهم وكل زول مشى على شغلتو.....
حسام و وتين طلعو السوق وتين اشترت عبايات وجزم وطرح وشنطتين لمن رجعو
وتين : امي تعالي اوريك جبت شنو
ليلى : اها يا ست الحسن
وتين بقت بتوري في امها الحاجات وهي مبسوطة
ليلى : هسي ف داعي للبَذَر دا كلو غايتو حسام مكمل قروشو كلها عليك 😏
وتين من الزعل لمت هدومها ومن غير اي كلمه طلعت على غرفتها رتبت حاجاتها ومشت صلت الظهر وجات اخدت ليها نومة زي نص ساعة بس صحت وكانت...........
يتبع
كسرات صغيرات كدا 🙊💕
1_ امس كان ف لخبطة ف الخالات قلتو 😂 عشان كدا ح اختصر ليكم ادوار الخالات كلهم على اتنين بس وح اذكر ليكم المهم 🙊 اها كدا كيف 🌚💜
2_ برضو ف ناس بتسأل من يس.. يس لسة صغير ودورو ح يظهر قدام بس امشو معاي واحدة واحدة طيب
3 _ معليش على الشحتفة بس انا حاصلة علي ظروف عشان كدا ما بقدر اكتب ووقت القى فرصة يادوب بكتب ليكم حلقة واحدة 😔💔 عفراء ما عندها ذنب ما تزعلو هي بس بتنشر لي الرواية 😔 اعفو لي ياخ
#اقتباس
ثم يأتيك الله بأشد ما يتمناه قلبك عوضاً عن أيام ثقال وجبرا عن قسوة العالم 😴💜
