.
.
.
.
.
.
.
.
وتين من الزعل لمت هدومها ومن غير اي كلمه طلعت على غرفتها رتبت حاجاتها ومشت صلت الظهر وجات اخدت ليها نومة زي نص ساعة بس صحت وكانت الساعة 3:30 مشت صلت العصر ومشت لابوها
وتين : ابوي
حسام : عيوني
وتين : ح نمشي نسجل متين ؟
حسام : بعد بكرا الصباح ان شاء الله بكرا عندي شغل كتير ماف طريقة
وتين : طيب ان شاء الله
اخدت ونستها مع ابوها وطلعت ع غرفتها شالت تلفونها وبقت تتصفح فيه ( وتين كان عندها صحبات فعشان كدا ما كانت شغالة بالتلفون كتير) دخلت نزلت ليها كتابين مسافة نزلوا المغرب أذن مشت صلت....
نادتها حبوبة فرح عشان يحضرو المسلسل سوا واثناء ما هم مندمجين كدا جاتهم حنين
حنين : وتين الليلة خالك مافي جيبي حاجاتك بعد تخلصي عشان تنومي معاي فوق
وتين : خلاص تمام بس اصلي العشاء واجيك
حنين قعدت معاهم شوية وطلعت فوق بعد مسافة وتين لحقتها ودخلت الغرفة ع طول نامت
__________________________________
الساعة 2:45 صباحا
وتين جارية بس وقفت لانو اتفاجأت بالاسد اللي قدامها و وقعت وهنا الثعبان اخد فرصتو والتف حول جسمها كلو وتين كانت عايزة تصرخ بس حاسة صوتها ما طالع وبقت مخنوقة ما قادرة تتنفس
حنين : رشت عليها موية وبقت تصحي فيها وتين وتين بسم الله
وتين : ااه حنين انا وين ها انا وين بسم الله بسم الله 🥺💔
حنين : هاك اشربي الموية دي شكلوا كابوس
وتين شربت الموية وما قدرت تنوم تاني من الحلم اللي شافتو دا قامت اتوضت وصلت ركعتين لحدي م الصبح اذن صلت ونزلت تحت... عملت حاجاتها الروتينية اللي كل يوم عليها ومر اليوم زيو زي اللي قبلو
______
والليلة وتين ماشة تسجل ف الجامعة
حسام : يلا يا وتين عشان ما نتأخر
وتين : حاضر يا ابوي جيت جيت
حسام طلع دور العربية بعد دقيقتين وتين لحقتو وطلعو ع الجامعة خلصو اجراءاتهم و وتين ح تنزل بداية الاسبوع طوالي دراسة رجعو البيت وعملت اللي بتعملو كل يوم
.....
مرت الايام و وتين الليلة نازلة الجامعة اول يوم ليها
وتين : ابوي صباحك انا
حسام : يا احلى صباح كيفك
وتين : الحمد لله
حسام : جاهزة لاول يوم
وتين : ايوا بس حاسة نفسي متوترة شوية
حسام : ههههههههههه عادي دا كلو بروح ..... ما اوصيك على نفسك طيب
وتين : حااااضر يا بابا.. يلا نمشي
حسام كان بوصلها الجامعة ويجيبها من الجامعة بقى دا الروتين اليومي لوتين تمشي الجامعة تجي راجعة تذاكر تنوم تصحى الصباح وهكذا لحدي ما جات نهاية السمستر الاول ف سنة اولى وامها وابوها سافرو الخرطوم ففي الفترة دي وتين كانت بتمشي الجامعة براها وكان ف شاب طويل اسمراني عيونو كحيلة ورموشو ما شاء الله طويلة وكثيفة كان كل يوم الصباح لمن يكون طالع شغلو بغسل عربيتو او يتمرها وبصادف وتين وهي ماشة الجامعة لدرجة انو حفظ مواعيدها ال بتجي فيها وبقى مراقب وزولتنا ولااا هببت ليه اصلا ولا شافتو 😂 المهم وتين انزنقت مع الامتحانات والليلة اول يوم ف الامتحانات مشت الجامعة ( حسام وليلى لسة ف الخرطوم) وامتحنت كويس لمن طلعت من الامتحان جاها تلفون من ناس البيت قالو ليها ابوك..........
يتبع 🙊🎶
كونو بخير الى ان نلتقي 🧡🎶
