.
.
.
.
.
.
.
اها وتين نامت ليها ساعتين كدي وجات حجة ليلى الضاهر صحتها والمرة دي قاليك الصحيان ساي لاااااا لااا المرة دي بي كواريكو وسكليه
ليلى : الليلة ووووووب عليك يا ليلى الما ربيتي وووووب عليك وسجم خشمك يا ليلى يا بت فرح الليلة كر عليك والرماد كالك
وتين من الخلعة وقعت من السرير وقامت جارية اظن لو م لقاها ابوها ف وشها كان ركبت الظلط البت دي
حسام : بسم الله يا وتين مالك جارية كدا حبيبتي
وتين : المات منو يا ابوي وامي مالها بتكورك كدا في شنو يا ابوي وريني ؟
حسام طوالي حضنها وبقى يربت ع ضهرها وبيردد عليها آيات من القرآن لمن حسّى انها هدت قال ليها
حسام : بسم الله عليك يا ماما ماف حاجة انت اصلا عارفة امك بتصحيك كيف م تتخلعي كدا بسم الله على قلبك حتى يهدأ
هنا وتين دموعها صبت مطررر 😢
وتين : ليه يا ابوي ليه امي بتعاملني كدا ليه هي ما بتحبني زي يس ليه دايما بتفضلو علي وحتى لو هو غلط انا بتحمل مسؤولية غلطو ليه يا ابوي آآه آآه يا ابوي وأغمى عليها بين يدين ابوها 🥺
حسام : وتين وتين حبيبتي فتحي عيونك وبقى زي المجنون يا عم عبد الكريم يا خالتي فرح يا مؤمن ( دا خال وتين) شالها وداها غرفتها وجو لاحقنو كلهم حتى الست ليلى 🙄😑 حبوبة فرح دي ختمت عليها المصحف وبخو الريحة ورشوها بالموية ما خلو شيء وانت يا وتين م صحيتي ف النهاية حسام قال ليهم
حسام : لازم نمشي المستشفى مؤمن جهز لي العربية مسافة نلبسها والحقك
مؤمن : طيب وفرررررر جرا بسرعة البرق
جدو عبدو : فرح جيبي العباية حقتها ولا التوب سريع
ح فرح : سمح ابوي انا وجرت جري حتى هي جابت العباية والطرحة سريع لبسوها ومشو
تخيلوا الست ليلى م مشت معاهم وفي سرها قالت ان شاء الله تموت وف العلن قالت ليهم
ليلى : ها تلقوها بتمثل ساي م عندها حاجة ومشت غرفتها ولا سألت فيها تاني
في المستشفى....
حسام شايل وتين وجاري بيها زي المجنون ومؤمن وحاج عبدو بيفتشو على الدكاترة وحجة فرح دي بس تبكي وتدعي ( حنينة شديد حبوبة دي الله يخليها) المهم لقو الدكتور ودخلوها غرفة ف المستشفى عملو ليها فحوصات وركبو ليها دربين اتضح انه عندها هبوط شديد ف الضغط
الدكتور : منو ابوها فيكم ؟
حسام : ايوا انا اتفضل يا دكتور
الدكتور : تعال معاي برا
طلعو برا الغرفة 🚶♂️🚶♂️
الدكتور : من متين وهي في الحالة دي
حسام : والله الليلة الصباح
الدكتور : واضح انها اتعرضت لصدمة او اتخلعت شديد
حسام : ايوا فعلا كان ف كواريك الصباح جنب البيت وصحت مخلوعة ( وهو في نفسو اصبري لي يا ليلى ح أدبك بس تفتح عيونها)
الدكتور : عموما هسي ماف شيء خطير شديد تكمل الدربات دي حتى نقدر نحدد حالتها وان شاء الله بالعافية عليها
حسام : تسلم يا دكتور اللهم آمين
وكل واحد مشى ف طريقه حسام اول ما دخل طوالي حبوبة بقت تسأل فيه : مالها بتي يا حسام كويسة
حسام باس حبوبة على راسها وقال ليها : اطمني ماف اي حاجه بس هبوط عشان قامت مخلوعة من النوم بسبب كواريك ليلى
ح فرح : ليلى الله يهديها ح تقتل البت بالطريقة دي 😡😡😡😡
ج عبدو : عاين لوتين كدا وقال الله يستر عليك يا بنتي
مؤمن : طيب يا حسام انا ح ارجع البيت اغير وطالع السوق لو احتجت حاجة اتصل علي وربت ع كتفو
حسام : طيب يا مؤمن تسلم
وطلع مؤمن وبقو قاعدين مع وتين ابوها وجدها وحبوبتها.... جدو عبدو وحسام ماسكين سبحهم ويستغفرو وحسام متوعد ل ليلى بحاجات كتيرة اما حبوبة فرح بس قاعدة جنبها وبتقرا ليها وتمرر يدها على جسمها كلو يعني بتحصن فيها وتدعي ربنا يقومها سالمة
.
.
.
بعد مرور ساعتين ع نفس الوضع وتين فتحت عيونها وشايفة مكان ابيض شوية شوية شافت حبوبة جنبها وحبتين تاني شافت ابوها وجدها قاعدين بعيد شوية منها حسام انتبه ليها فتحت جاء جاري عليها
حسام : وتين كيفك يا ماما حاسة نفسك كويسة ؟
ح فرح : حبيبتي انت كويسة وتين.. وتين.. وتين
لا رد من وتين بس الغريبة انها بتتنفس بس عيونها ف الفراغ م التفتت عليهم ولا حتى عارفة هم بيقولوا ف شنو..... حسام ف اللحظة دي اتجمد بعد مسافة حتى استوعب وجرى نادى الدكتور كشف عليها من جديد وقال......
يتبع ف البارت الجاي.... كونوا بخير 💜
