.
.
.
.
.
.
.
حسام : لا العرس ح يكون ف وقتو
وتين : طيب يا ابوي البتشوفو بس وباستو ع راسه وطلعت مشت غرفتها ولقت ليلى وفاطمة وسندس وحنين وحبوبة فرح كلهن قاعدات وبيتفقو ع الحاجات اللي لازم تتعمل من ريحة وبخور وفطور عريس وجوطة العرس دي وهل ح يكون ف رقيص وحفلة وكدا ولا لا ف ليلى سألت وتين
ليلى : اها ح ترقصي ؟
وتين : لا م ح ارقص وما عايزة اعمل حفلة يا امي دلوكة ساي وخلاص
ليلى : اجي
حبوبة فرح : ليلى دا عرسها هي ودا قرارها هي
وتين : اي انا عايزة كدا... قعدت معاهم شوية تاني قالت ليهم عايزة انوم خلتهم ف كلامهم داك وشخخخ نامت 😴
________________________________
بعد مرور شهر 💃🏻🌚
وتين لبست توب الجرتق وجرت الكحل ع عيونها ومرطب شفايف ع خفيف ( البت اصلا سمحة يخواني ما شاء الله وهي ما بتحب المكياج) جات امها وخالاتها وعماتها مرقوها للناس الدعوة كانت مرطبات يعني العرس كان بسيط حد البساطة بالعصر مرقوها لاهلها باركو ليها وجو اهل سند بالمغربية كدا باركو ومشو...
هنا بقو بنات خالاتها وخالاتها يحنسو فيها يعملو حفلة وهي قالت لا وحتى سند كان رافض الحفلة المهم لبست زفاف اتصورت بيه مع سند وساقها لاهلو غيرت الفستان ولبست التوب تاني جرتقوهم ورجعت اهلها غيرت وشالت هدومها وحاجاتها وودعتهم ومشو الفندق سند قال ليها
سند : ح نسافر برا
وتين : لا م عايزة 😭 ( كانت خايفة على ابوها لانو لسة صحتو م مستقرة شديد ف كانت خايفة تحصل عليه حاجة وهي بعيدة)
سند : ليه
وتين : م عايزة ابعد ابوي لو حصلت ليه حاجة احسن اكون قريبة
سند: يعني م ح تزعلي
وتين : لا ابدا
سند : طيب يلا نصلي ركعتين
وتين : طيب
وابتدو حياتهم بركعتين حلوين وتمو الباقي خيال 🙈😂.... تاني يوم بالليل وتين قالت لسند
وتين : سند انا مصدعة و والله شاي الفندق دا ما ركب لي خلينا نمشي ناس خالتي فاطمة بيتهم قريب نشرب لينا شاي ونجي
سند : طيب يلا..... وفووووو 🏃🏻♂️🏃🏻♀️ مشو شربو عندهم الشاي ورجعو الفندق والصباح سافرو الخرطوم
نزلوا ف فندق ف الخرطوم وسند كان قال ليها ح اشتري ليك غرفة نوم من افخم مكان وفعلا ف يوم طلعو ع محلات الاثاث الفخم كلو ف الخرطوم م خلو مكان بس ما لحقت تختار لانو ماف واحدة عجبتها ورجعو ع كدا.. بعد 11 يوم سند انقطع فبقى ما عندو قروش يقعد بيها ف الفندق فقال ل وتين
سند :وتين نمشي نقعد مع اختي (.....) كم يوم ونرجع
وتين : طيب ( جواها كانت زعلانة بس اصلو خشمها ما فتحتو)
سند اتصل ع ابوهو يرسل ليه قروش بس ما رسل وللآن السبب شنو ما معروف.. المهم مشو قعدو عند اخت سند وكان زوجها متوفي وهي قافلة بيتها لانو كانت مدة شهر مع عرس سند. وكدي ففتحت ليهم غرفة قعدو فيها وما كان فيها مروحة 💔 طبعا وتين م متعودة على كدا فكانت متضايقة من الحاصل دا بس سكتت ساااااي.... ومرقت مع عمتها لففتها اهل ابوها كلهم وكذلك سند لفى معاها لاهلو كلهم واتعرفو عليها وهكذا اشياء...
لحدي ما جاء يوم سند قال لوتين نمشي كسلا ودي كانت اول مرة وتين تركب بص سفرياتها كلها كانت بالعربية ( ف الحلقات السابقة لمن ابوها تعب كتبت انها سافرت بالبص 😁💔 لا هي كانت بتسافر بالعربية 🙊) وما كانت عارفة انو بجيها دوار سفر دايرة تموت ليه ف الشارع من التعب والطمام 🤢
اها يلا لمن وصلو القضارف وهم ف طريقهم لكسلا لاقاهم عمران وادى سند قروش و واصلوا السفر لحدي ما وصلو كسلا
نزلوا ف فندق ف نص السوق ولي التعترهم وصلو الصباح الظهر قامت حرب 🙆🏻♀️🤦🏻♀️ كانت ف مشكلة كبيرة بين قبيلتين من الكسلاويين فإذا بهم اطلقو النار و وتين بقت تبكي
وتين : سند رجعني لاهلي بس م عايزة ياخ
سند : اهدي حبيبي اهدي ماف حاجة ح تحصل ليك انت ف امان
وتين ما خلت دمعة ( دمعة دجاج 🌚😂)
المهم عدو ليهم فترة ف كسلا برضو ورجعو القضارف ( يلا جينا للوجع) سند كان مكلم وتين انو لمن نرجع ح يكونو فرشو لينا شقتنا بس لمن وصلو لقو شقتهم ما مفروشة 💔 فنزلوهم ف شقة اخو سند لانو مرتو كانت ف النفاس مع اهلها وهي يا يمه بيتها يهز ويرز مسكينة وتين غايتو.. طبعا نسيبتها حجة ثريا بتحبها شديد وكانو صحبات عديل ف يوم وتين بعدما خلصت شغلها( ف شقتها ما عندها مطبخ فكانت بتنزل تطبخ تحت) لقت ثريا عايزة تتوضأ للصلاة بس ما قادرة تحصل رجولها لانو عندها تليف ف الرئة وبتتعب شديد وتين بقت تغسل ليها رجولها كل م تكون عايزة تتوضأ وحتى الحمام بتحممها هي اها حجة ثريا قالت ليهم وتين بقت لي اكتر من بناتي وتشيل وتشكر في وتين...
ف يوم خميس والخميس طبعا معروف الراجل بجي منتهي وبكون عايز يرتاح مع مرتو وكدي 🙊 اها سند كان جاي من الخلاء وتعب وفتر وتين قالت النعمل ليه دلكة وادلكو وحاجات النسوان ديك الساعة 12 طق طرق وتين جهزت الدلكة وحاجاتها وجهزت روحها وسند كان بيصلي قيام ليل يسمعون ليك خبتي ف الباب كو كو كو كو سند سلم من الخلعة ولا اتلفت لوتين جري فتح الباب يلقاها اختو الكبيرة اسمها هنادي عاينت لوتين لقتها بفستان النوم قالت ليها
هنادي : الليلة مخمسين 😒 ورررب ف سرير النوم وبالعرض قالت ليهم عايزة احضر المسلسل ( ما قدرت عليها المرة باولادها 🙄💔) هنا وتين بقت لا شايفة يا سامعة لمت دلكتها ديك ودخلت غيرت فستانها ولبست ليها توب وقعدت ف البنبر وسند قعد ف كرسي التسريحة تحت حجة ثريا بتكورك لبتها لانو ما قادرة تطلع السلم صعب عليها وقت ماف رد قامت رسلت ليها بتها سامية البت طلعت وقعدت مع امها بدل تقول ليها ارح حبوبة بتناديك ( سامية اكبر من وتين بسنتين) يلا وتين الزعلها انو هنادي من بدأت المسلسل وهي نايمة لمن انتهت سامية بتها صحتها قالت ليها
سامية : يمه ارح المسلسل انتهت
وتين قالت يعني لو حضرتها والله م ازعل لكن خربت علي اي شيء بعد نزلوا هم طوالي نامو....
بعد كم يوم قالو انو زوجة اخو سند جاية بيتها خلاص وطبعا هي واصلها الكلام انو حجة ثريا بتريد وتين وانو وتين ما شاء الله حاجة ف قمة الوووووووبعللييييييي ونار الغيرة شعللت فيها اها ف يوم وتين مشت لابوها وبقت تحكي ليه الحاصل معاها وعرف انو وتين للآن م عندها غرفة نوم 💔 فقال ليها
حسام : اصبري يا بنتي ونسابتك هم اهلك التانيين وحجة ثريا وعمران هم امك وابوك ونسيبتك ما تطلعي لو ما وريتيها ولو جبتي حاجة اقسمي ليها معاك لو بتتقسم صبحي عليها وبوسيها ف راسها واعتبريها امك واصبري ف النهاية هم اهل راجلك يا بتي 💜
وتين : حاضر يا ابوي وجاء سند ساقها ورجعو بيتهم المرة دي دخلت شقتها خلاص لفتهم جابو ليها...........
يتبع
كسرة 🙊
اعفو لي والله انا مارة بضغوطات عجيبة والحمد لله عشان كدا ما بلقى وقت اكتب 😭 بس شيلو معاي الصبر وادعو لي 😔♥️
# اقتباس
كن أنت الشعلة التي تضيء الدروب للناس ♥️
