بويه يمه..... انتو حسراتي الجبيره
الروحي تنجر من اجرها 💔😔
...........
تمتم : وصلت لبيت تماره الفجر فتح الباب مرتضى ضل صافن ع زين سلمت عليه وهو اخذ زين وراحو كعدو وحدهم انا رحت لتماره صعدت لغرفتها شفتها منتهيه وبس تبجي كبل حظنتها وضلينه نبجي سوه اجن خواتها همين سلمت عليهن وكعدنه نبجي نزلت البيت هوسه كمت نظفته كله سويتلهم اكل محد اكل بس جبرتهم ياكلون ولو شويه كلت احجي ويه تماره احاول اطلعها من الجو شوي اجه مرتضى كلي تعاي تمتم
تمتم : ها مرتضى
مرتضى : راح نجيب التوابيت هسه وراح يجون النسوان حاولي تنزلين البنات جوه يكعدن لا يضلن فوك
تمتم : اي تدلل بس زين راح يروح وياك
مرتضى : اي راح يجي وياي ....صدك كلي اريد احجي وياها
تمتم : وينه
مرتضى : هسه اكله اصيحله يدخل
تمتم: ها زين
زين : شوفي خلي هذن الفلوس يمج خاف تحتاجون شي اوك ودير بالج ع نفسج ولفي شالج عدل ولا توصلين يم الباب واذا تردين شي اتصلي علي لو ع مرتضى اوك عمري
تمتم : تمام محتاج شي
زين : سلامتج
تمتم : زين باسني بخدي وراح ضليت صافنه مصدومه الله ياخذك زين ع هلحركه صعدت فوك حجيت ويه البنات خلييتهن ينزلن وضلن يجن النسوان شوي شوي وهنه بس يصرخ ويبجن حتى اصواتهن راحن شوي واتصل علي زين
كال فتحي الباب خل ندخل رحت كبل فتحت الباب ودخلو التوابيت للبيت البنات احتاريت الزم منو البنات ملخن نفسهن واصوااتهن اختفن والنسوان
.......... فوك ما يهدنهن يزيدن لحد ما كال مرتضى شيلو يلا بس نريد وحده ويانه بالمغيسل كالت تماره انا اروح ايمان كلتلها وياج كللهن يلا صعدن لبسن ونزلن راحو واستمرت ايام الفاتحه والبنات بعدهن النار الي بكلبهن ع اهلهن.......ما انطفت امي وخالتي اجن للفاتحه وراحن ما كدرن يتحملن كبار وصارت خنكه كتلهن روحن لا تضلن لا يصير بيجن شي بالليل حاجيت تماره ع زواجهم
تمتم : تماره تزوجي وروحي يم مرتضى بعد منو بقالج هنا حتى تضلين لا تسوين هوسه ولا شي
تماره : ما اعوف خواني شلون
ايمان : اخذهم يمي
زهراء : انتي اخذي نور وانا اخذ حسن
تماره: لا نور اخذها وياي ما اخليها وبعدين انا ما اتزوج هسه ادور سنه اهلي يالله
زهراء : شبيج تماره مخبله وين تضلين هنا وحدكم تماره روحي ويا زوجج احسن لا تبقين هنا
تماره :- خل يتعدى كم شهر ع الاقل لا تضغطن علي هسه فدوه
ايمان : يروحي ما اضغط عليج بس نحجي لمصلحتج
زهراء :انا راح اضل يمج لحد ما ترحين لبيت زوجج
أنت تقرأ
صـرت فصليـه للشـيـخ ♡(^o^)
Ficção Geralأغلقتُ التلفاز أطفأتُ جهاز التكييف تنقلتُ بين غرف البيت كلها شيدتُ جدراناً عازلة أسكتُّ الأهل فـ الجيران فـ الحيّ فـ المدينة ، فـ العالم .. لكن دون جدوى كان صوته في رأسي ! ........ قصة بنت تم أخذها فصليه لشيخ بعد ان قام والدها بعمل حادث و قتل...
