صـرت فصليـه للشـيـخ ♡(^o^)

part♡♬3

حـيآة  جديدة :-( ☘️

. استمتعوا ☘️
.
تمارة.............   رحت لغرفتي واني ميته من البجي  و الطم و اكول يربي لا تخليهم يأذونه اني قابله اروح
كملت ملابسي و حضرت الجنطة مالتي و اخذت وياي قرأن علمود يحميني 
نمت و كعدت الصبح ماما تكعدني و حسيت هاي اخر مرة ماما تكعدني من النوم 😔😔💔
ام تمارة: 😔😔 كعدي بنيتي صارت با 2 وانتي لهسة نايمه و همة با 5 يجون عليج 😔
تمارة: ماما اني لصبح يلا نمت من القهر 😔😔
ام تمارة: انشالله ما يأذونج و تعيشين وياهم مرتاحة
تمارة: يممه شلون اعيش مرتااحه واني فصليه و بعيده عنكم و لا دراسة ولا شي 😭😭
ام تمارة:  يمه كافي بجي كومي اكلي شي و تحضري
تمارة: ماشي
كمت واني بدون روح بس جسد ما احس  بشي دخلت سبحت واني ابجي و ما اشتهي اكل شي  و راح اروح وبابا ماشايفته 😔😔😔💔 دا احس  سجينه داخله بكلبي  و خايفه من حياتي الجديده و شلون اعيش فصليه بين ناس ماعرفهم 😔 كملت و تجهزت و كعدت يم ماما اني وجنطتي و خواتي يمي و ابجي و حسن واكف يباوع علي ويبجي  و اختي زهراء الي ابغداد  اول ماسمعت الخبر اجت للبصرة و صلت الصبح و اجتنا للبيت
تمارة: اريد اشوف ماما رنا [ مرت ابوي]  خلوني اشوفها قبل ما اروح 😭
زهراء: امشي اخذج الها
رحنا اني و زهراء لماما رنا و تلكتني من الباب تصرخ و تبجي اني حضنتها و ابجي
تمارة: ماما راح يجون ياخذوني بعد نص ساعة 😭💔
ماما رنا :ولج يمهه راح ياخذونج فصليه و بعد ماشوفج 😭 شلون بينا بدونج ولج تماااارة
تمارة: يماااا ماريد اروح بس علمود بابا راح اروح وياهم  و مايأذوة
ماما رنا: يمه ديربالج على نفسج اكلي وشربي و حاولي تتعودين عليهم
ضلت ماما رنا توصي بيه و ماما هماتين وصتني انو احاول ما اسوي شي خطئ و ادير بالي على نفسي

اجت لحظة انو اعوف اهلي واروح  فصليه للعمارة  اجو علي و دعت امي وخواتي و اخوي و عمامي ودعت اهلي و الناس الاحبهم و اني ابجي و لازمه عبايه ماما ماريد اروح 
بس غصب عني لازم اروح وياهم 💔
صعدت با السيارة وية مرتضى و كعدت كدام ماقبل اكعد ورة
 و الدنيا سودة بعيني حسيت رايحة اموت

مرتضى........ رجعت للبيت و سوينا الفاتحة و الناس تجينا و تتحمد السلامه للشيخ و ابوي صار مشلول يعني اني صرت شيخ ابداله و لزمت الديوان  خلص اول يوم الفاتحة و با 3 طلعت اني وعمامي بسيارتين رحنا للبصرة وصلنا با 5 ونص البنيه الهسة مادري بأسمها و ماشايفها  و دخلنا لبيتهم و اسمها تصرخ و تبجي وتصيح ماريد اروح اني نقهرت كلت شذنبها بعدها طفله....... المهم نطونا 18 مليون و البنيه  طلعنا للباب و جانت اول مرة اشوفها  عفت كولشي وركزت على جمالها ماشاء الله تجنن موبنيه شحلاتها 
...... ههههه صحيت على نفسي و هية لازمه عباية امها و تبجي كلتلها يلا ستعجلي و هية تباوعلي وتبجي من جمال عيونها و حلاتها حتى وهية دا تبجي تجنن وعيونها ضاربه عليهن الشمس رغم هنه بنيات با الشمس عسليات  و بيهن دموع بحيث يخبلن طلعنا للشارع و ردات تصعد با الكراسي الخلفيه مال السيارة و اني اشرتلها تكعد كدام و صدك كعدت كدام
 مرتضى.........
صعدت با السيارة و هية تبجي  و مشينا و هية تباوع من الجامه لأهلها وتبجي  والله نقهرت عليها
نطيتها كلنس تمسح دموعها.......
مرتضى:  لزمي هاذا كلنس كافي لتبجين
تمارة:  شكرا
تمارة...........  نطاني كلنس وكال لتبجين و اني ماكدرت اسكت و بقيت ابجي لحد ما وصلنا لبيتهم و اباوع اله بيت كبييير و فخمم احلا من بيتنا رغم بيتنا طابقين و كبير و ديكورة الخارجي حلو بس بيتهم احلا بهواي واني  اباوع اله و حديقة خارجية كبيرة و الدنيا مكلوبه السيارات من بداية الشارع للبيت و الزلم واكفين لابسين شماخ و دشاديش و نصهم مغطين وجهم  مايبينون و اني اباوع و ميته خوف و اتراجف
مرتضى:  وصلنا هاذا بيتنا بوجهج للباب فتهمتتي واني جاي وراج و لا ترفعين راسج و تباوعين للزلم
تمارة:  اوك بس عفيه دخلني للبيت والله خايفه
مرتضى:  على صخام وجه ابوج طبعا تخافين  يلاااا نزلي لا تضلين تحجين زايد 'بصريخ'
تمارة: اوك 😭😭😭
مرتضى............ وصنا للبيت و عمامي و الناس ملتمين على البيت مالنا  لان بيت الشيخ  وتمارة واضح على وجها خايفة و مرتبكه كالت وصلني للبيت لان اخاف واني تذكرت اخوي وعطت بيها وهية ضلت تبجي وتتراجف مني  نزلت و دخلتها للبيت
تمار....... دخلت للبيت و النسوان تارسات البيت و لابسات اسود واني هم لبست اسود كلت عيب ما البس اسود و ابوي السبب بوفات ابنهم  احس نفسي اني القتلت ابنهم النسوان كولهن يباوعن علي بنظرة خوفتني واني وحدي هنا  لا اهل ولا سند و خايفة من الي حيصير بيه و خفت يطلعون مو زينين وياي  و شفت مرة كبيرة كاعدة على تخم القنفات و تبجي وحواليها النسوان يبجن و يتصارخن 
كلت اكيد هية هاي ام مرتضى رحت سلمت عليها و ابوس براسها  و اكلها سامحيني والله ما الي ذنب بالي صار والله اني مضلومه و ماسويت شي 😭😭😭😭😭
ام مرتضى: اني الفصليه مو صحيح
تمارة:اي اني الفصليه[  كلبي يأذيني من اكول فصليه]
ام مرتضى: ماشاء الله عليج بنيتي حلوة ربي يحفظج ادري بيج مامسويه شي يمه و ادري ابوج بيه ضغط و ماتقصد يدعم علي ابني 💔😣
تمارة: اسفة حجيه والله اسفه
ام مرتضى: يمه لا تتأسفين ما الج ذنب بألي صار هاذا قضاء و قدر  المهم يمه صعدي للغرفة الي با الطابق 2 على اليسرة هاي غرفه مرتضى  صعدي خلي غراضج هناك
تمارة: لا حجيه ماريد اضل وياه بغرفه وحدة اني فصليه مو زوجته واضل بنفس الغرفه وياه
ام مرتضى: انتي بأعتبار مرته صرتي لازم بنفس الغرفة
تمارة: حجيه والله ما اكدر اضل و ياه بنفس الغرفه 😭 حبابه خليني بغرفة وحدي
ام مرتضى: خوش يمه راح اخلي وحدة من البنات تدليج على غرفه ضلي بيها
تمارة: مشكورة حجيه
ام مرتضى: الشكر لربج بنيتي 

 يتبع...................
.
.
.
.