عندما كانت الحياة جميله 💙🎗
.
.
.
.
.
ام تمارة: حبيبتي تمارة يمه كعدي تأخرتي على المدرسة كافي نوم ولج.........
تمارة: ها ماما عفيه بس ربع ساعة واكوم عوفيني
ام تمارة: يا ربع ساعة صارت با 7 كعدي يلا اني رايحة اكعد حسن و نور
تمارة: اوك حجيه راح اكوم
...... كعدت من النوم على صوت ماما تكلي كعدي علمود اروح للدوام..... كمت من فراشي عدلت السرير و دخلت للحمام سبحت بسرعة و لبست ملابس المدرسة ونزلت للمطبخ اتريك
تمارة: صباااح العسل يا عسل انتو
ام تمارة: هلا بنيتي صباح النور يلا كعدي تريكي لا تتأخرين
ابو تمارة: صباح النور حبيبتي شلونج وية الدراسة
تمارة: الحمدالله صف الرابع اعدادي سهل مو صعب و مدبرتها
ابو تمارة: انشالله تنجحين بنيتي
تمارة: شكرا حبيبي بابا
حسن: صباح الخير
ردو عليه: صباح النور
تمارة: حساني تعال تريك ياروح اختك
حسن: اجيت
نور: صباحكم انيي 😂😂
ام تمارة: صباحنا عسل يعني؟ 😂
ابو تمارة: اي بنيتي نور العسل يلا تريكي بسرعة
تمارة............. تريكنا و كملنا و بابا و صلني للمدرسة لان ماعندي خط اروح وياه و لان اكره افتر هواي لان ارجع تعبانه...... دخلت للمدرسة سلمت على صديقاتي زينه و زينب
دك الجرس و درسنا انتهى الدوام على خير و بابا اجة علي رجعنا للبيت
دخلنا اني وبابا سلمنا على ماما واني ركضت حضنتها وبست خدودها الحلوات
تمارة: ها ماما شمسويه غدا
ام تمارة: مطبك دجاج يجنن
تمارة: الله شكداحب اكل ايدج
ام تمارة: ياروح امج صعدي غيري ملابسج و نزلي على ما يجون نور و حسن
تمارة....... صعدت غيرت ملابسي و نزلت اساعد ماما با الغدا و صبينا على ما اجو حسن و نور
تغدينا وغسلت الصحون و صعدت انام بغرفتي با 4 العصر سمعت صريخ ماما ونزلت اركض و لكيت ماما تعيط هية و نور اني خترعت و كلتلهن شنو صاير ليش تبجين
ام تمارة: ولج لحكيي ابوج دعم واحد بسيارته و الولد توفى 😭😭😭😭 وابوج هسة با السجن
تمارة: شتحجيين ماما شنو با السجن
كعدت ابجي و اعيط ويه ماما و اختي ......... شوي و اجة عمي الكبير ابو احمد
تمارة: عموو بابا اخذوه للسجن _ واني ابجي _
ابو احمد: ميخالف بنيتي اليوم يجون عشيرة الولد المتوفي با الليل و نقرر شنو راح يصير
تمارة: راح يعدمون بابا مو صح 😭😭😭😭
ابو احمد: لا شدا تحجين عمو دا ننتظر اهل الولد يجون و نشوف شيصير .
........ ابو تمارة: طلعت با السيارة اريد اروح للشغل فجئه دخت و حسيت ضغطي ارتفع ما ادري و دعمت ولد شاب و الولد مات ركضت بيه اخذته للمستشفى و عرفو اني الي دعمته صارت هوسة و الولد وحدة با البصرة و اهله با العمارة
اخذوني للسجن واني مامستوعب الي صار بس كالو لاهل الولد اتصلو عليه و راح يجون للبيت مالتي با الليل لان العمارة قريبه على البصرة و يوصلون و يقررون شنو راح يصير بيه
تمارة........ اجو بيت عمامي النا و اهل ماما و كلها تبجي على بابا و خايفين شنو راح يصير بيه
عند مرتضى
........ جنت كاعد يم الشيخ ابوي با الديوان واجاني اتصال كالو علي اخوك اتوفى اثر حادث سياره اني وجهي ضل فالت و خفت احجي لأبوي لان مريض و عنده قلب ركاض طلعت من الديوان واتصلت على عمامي اولد عمامي و رحنا لبيتنا كلنا لأمي و البيت نكلب كلاب و الناس كلها التمت ابيتنا لان معروفين با العمارة و صارت هوسة و راح ابن عمر كل لأبوي و بسرعة ابوي تخربط و نقلوه للمستشفى و امي كطعت روحها من البجي و الصريخ ودينا خبر لأهل الرجال الدعم اخوي و كلنالهم با الليل احنه يمكم صدك طلعنا خمس سيارات و رحنا للبصرة................
يتبع...........
أنت تقرأ
صـرت فصليـه للشـيـخ ♡(^o^)
Ficção Geralأغلقتُ التلفاز أطفأتُ جهاز التكييف تنقلتُ بين غرف البيت كلها شيدتُ جدراناً عازلة أسكتُّ الأهل فـ الجيران فـ الحيّ فـ المدينة ، فـ العالم .. لكن دون جدوى كان صوته في رأسي ! ........ قصة بنت تم أخذها فصليه لشيخ بعد ان قام والدها بعمل حادث و قتل...
