صـرت فصليـه للشـيـخ ♡(^o^)

part♡♬10

آبــو تمـآرة:  آلله كريم منا لبعد كم يوم
مرتضى:  رجع الجهاز لتمارة و افتح غرفتها لتحبسها صح هية مو على ذمتي بس اني اعتبرها مرتي واخاف عليها اكثر منك انت ابوها....
ابو تمارة:  شيخ شنو من حجي هاذا اني لازم بنتي تحاجيك و تريدني ارجع جهازها وافتح غرفتها لا تحلم
مرتضى:  ترى انت تدري بيه احبها وانت رجال مثقف و تفتهم اني شكد احبها
وكلتلك كم يوم ونجي نخطبها  رجع الجهاز الها و افتح الباب ليصير بيها شي و هسة الساعة 3
لازم اروح اني على ما اوصل للعمارة با 5 يلا تصبحون على خير
ابو تمارة:  اي فتهمت شيخ وانت بخير توصل با السلامه
 رحت صعدت با السيارة وعبدالله وياي  و بالي يم تمارة.....
وصلت للعمارة با 5 وربع دخلت لبيتنا....
 لكيت امي تصلي
مرتضى:  السلام  عليكم
ام مرتضى:  وعليكم السلام ورحمة الله
مرتضى: تقبل الله حجية
ام مرتضى: منا ومنك ومن جميع المسلمين
مرتضى: حجية اني تعبان و نعسان من اكعد اكلج شصار
ام مرتضى: انشالله يمه تصبح علىخير
مرتضى: اجمعين يارب
صعدت للغرفتي....
 واني كلبي صاير قطع تعودت على تمارة....
 كل ما اصعد الكاها تنتظرني احضنها وانام  وهسة بقيت احضن ملابسها لان بيهن عطرها....
اخخخ منج تمارة شيخ شكبرني...
 هيج يصير بيه من بنيه مراهقة واني شكبرني
  اتحسر عليها وعلى عطرها شلوون بيه
 يمته ترجعيلي والله شتاقيت انام واحضنج....
نمت واني افكر بيها.... من التعب كعدت با 2 الظهر
نزلت لكيت البيت فارغ الحجي
والحجية نايمين
 و عبدالله با المدرسة دوامه ظهري........
ما اكلت شي كبل سبح و لبست دشداشة و شماخ
و رحت للديوان الشيوخ يردوني
علمود مشاكل بلعشيرة و من هاذا الحجي
رجعت با 10 للبيت 
مرتضى:  السلام عليكم
ابو مرتضى: و عليكم السلام
مرتضى: شلونك يابه
ابو مرتضى: على الله
مرتضى:  امي وين اني جوعان
ابو مرتضى: امك با المطبخ روحلها
 رحت للمطبخ لكيت امي كاعدة على الطاوله تسوي دولمه لباجر على الغدا
ام مرتضى: هلا يمه الله يساعدك
مرتضى: ويساعدج يمه
ام مرتضى: جوعان يمه
مرتضى: اي والله جوعان ليوم ما اكلت با الديوان ما اشتهي
ام مرتضى: يلا يمه شتريد اسويلك
مرتضى: اي شيي اسد بيه جوعي
ام مرتضى: راح اسوي بيض وطماطة تريد
مرتضى: اي شي من ايدج حلو
ام مرتضى: خوش راح اسوي
سوت العشة امي
وتعشيت و كعدت يمها
هية و الوالد نسولف و من هاذا الحجي......
شوي وصعدت لغرفتي سبحت ونمت 
.
.
. أليس عشقاً أن تكون قد أوجعتها و أوجعتك ولازلت تريدها وتريدك ،🕊♥️
.
.
.
.
مرت الايام و تمارة اخبارها مكطوعة و كلشي ماعرف عنها وميت خوف.
تعدت الاربعين مالت اخوي. سوينا ثواب و رحنا للنجف و رجعنا بعد يومين
حياتي ماتسوة بدونها 
مالي خلك شي كاضيها من الشغل للديوان وهيج صارت حياتي مشاكل العشيرة و الفصول و الدنيا مكلوبه علي و مامهتم الشي بس تمارة ابالي  مرت الايام و بيوم من الايام
رجعت للبيت با 10 با الليل
مرتضى: الله يساعدهم
ابو مرتضى: ويساعدك بويه
مرتضى: شون صرت حجي  متأذي مو صح
ابو مرتضى: اني بخير..
تعودت على الكرسي وتعودت لا احترك و لا امشي .........
مرتضى: لا تخاف حجي راح ارجع حقك و اندمهم
ابو مرتضى: شتحجي بويه مو سدينا السالفة والله يرحم اخوك اجة يومه
و الله اخذه
مرتضى:  كلبي محترك و النار ماطفت بكلبي
ابو مرتضى: تتعود يابه تتعود يلا اصعد لغرفتك ارتاح
مرتضى: تصبح على خير
ابو مرتضى: وانت بخير
نمت و كعدت و يوم عادي مابيه شي ليوم عندي خفارة وباجر ارجع  رحت ورجعت.ثاني يوم با 3 الظهر
نمت و ما حسيت على روحي لحد با 7 ونص با الليل كمت صليت و نزلت للحجية 
مرتضى: يمه شتاقيتلها
ام مرتضى: ادري بيك يمه بس اتحمل
مرتضى: يمه حياتي طلعت ماتسوة بدونها
تم مرتضى: تعال ياروح امك
خليت راسي على رجليها وهية تمشي ايدها على شعري
ام مرتضى:هوا هاذا الحب يمه
مرتضى: يمه انتي ماسولفتيلي شلون تعرفت
 على ابوي وشلوت تزوجتو 
ام مرتضى: يوووو سالفة طويله
مرتضى: احجيلي شلون والله ماعندي شي اسويه
ام مرتضى: جنا با سنه 1980 من تعرفت على ابوك
جنت اني اخبز ويه امي الله يرحمها و
 نبيع للجوارين
يجون يدكون الباب علينا اني وامي و ننطيهم خبز
و هيج جانت حياتنا
و ابوي جان ضابط
 يروح اسبوع مرات يلا يجي للبيت  ........ و ما اشوفه هواي بس احبه واموت عليه هوا مثل العافيه الي 
واني جان عمري 19 مبطله من المدرسة جنت  مشت الايام لحد ما اجو اهل ابوك لمنطقتنا و بنو بيت جبيرر كلش من بعيد تشوفه من كد ما عالي و بيوتنا ناصيه
 كل المنطقة تخاف منهم  و مرة دا امشي بلشارع اني وامي و شفنا مرت الشيخ  بيبيتك يعني
شافتني و سألت امي
علي كالتلها هاي الحلوة منين
كلتلها امي هاي بنتي  ردت عليها الله يحفضها  وسوالف نسوان و تطورت علاقتنا
 ويه بيت الشيخ و ضلينا نخبزلهم اني وامي لحد ما ابوك مرة شافني دا اوصل
الخبز الهم ونعجب بيه و ضليت كل ما اروح اوصل الخبز احجي وياه
 لحد ما خطبني وصارت قسمه
لان ندري بيهم خوش ناس و همة يدرون خوش ناس اهلي تزوجنا
و توفة جدك الشيخ و صار ابوك الشيخ  و حملت وصار اخوك الكبير وبعده انت  وهيج قصتنا
.............
مرتضى:  حجية يمته نروح نخطب تمارة
ام مرتضى:  العدة مالتها بعدها ماخلصت
مرتضى:  شوكت تخلص
ام مرتضى:  بعدهواي يمه
اجاني اتصال من ابو تمارة..................
ابو تمارة:  السلام عليكم شونك شيخ
مرتضى:  وعليكم السلام بخير
ابو تمارة:  جايبلك بشارة
مرتضى:  خير انشالله
ابو تمارة:  تمارة حامل
مرتضى:  شنووو...........
ابو تمارة:  با الخير ابني  و طلاقكم يعتبر باطل
مرتضى:  تحجي صدكك
ابو تمارة:  والله
مرتضى:  الله يبشرك با الخير مثل ما فرحتني
ابو تمارة:  الطفل الصالح انشالله
مرتضى:  شلون دريتو حامل
ابو تمارة:  البارحة بس تتقيأ و انغمى عليها اخذناها للمستشفى سولها تحليل و طلعت حامل
مرتضى:  يا الله اني هسة جايلكم خليها تحضر نفسها راح اجي عليها  باجر
ابو تمارة:  انشالله
مرتضى...........
اتصل علي ابو تمارة و كلي هية حامل و الكاع ماشالتني من الفرح
و كلت لامي فرحت و هنتني
 و كلتلي الطفل الصالح انشالله  ......... 
واخيرا راح ترجعلي تمارة و ترجع لحضني شتاقيت لكولشي بيها......  بسرعة لبست بنطرون اسود و قميص بيجي
و رحت صعدت بسيارتي واني فرحان
اريد اشتريلها سوارات و حجل من الصايغ
جبتلها سوارات يخبلن و حجل يجنن
تخيلتها لابستهن و كاعدة كبالي
بسرعة عدلت الغرفة لان صايرة وصخة
حسيت نفسي بنيه بس كولشي يهون علمود حبيبتي
نمت و كعدت الصبح بدلت ملابسي وسبحت
نزلت للحجية
مرتضى: صباح العسل و العافيه على حبيبتي امي
ام مرتضى: صباح الخير يمه شنو ها المزاج الحلو اليوم
مرتضى: لج يمه العصر
اروح اجيب تمارة من اهلها
ام مرتضى: واني اكول مزاجك متعدل الله يسهل عليك يمه
مرتضى: مشكورة حبيبتي يمه
  مشى الوكت بسرعة و صارت با 2 ونص الظهر
سبحت و بدلت لبست بنطرون بيجي و قميص زيتوني
 و ساعة سودة وحذاء زيتوني كشخت كشخة معدله
.........
نزلت لسيارتي و كلت للحجية راح اروح اجيبها اندعتلي ارجع با السلامه   ورحت
صعدت با السيارة منطلق و فرحان راح نرجع سوة ما ادري بعد كم ساعة شنو راح يصير بيه و شلون راح يتغير مصيري ........
.
.
.
من البارت الجاي راح تصير مواقف تغير حياة مرتضى و تمارة انتظروني با البارت الجاي حبايبي
....... 💙😍