صـرت فصليـه للشـيـخ ♡(^o^)

part♡♬15

احبك من تجي معلعل
شحلاتك من تكلي ولايتي بحضنج
و اسويلك وطن من ديره ضلوعي واكلك نام يمدلل
.
.
. استمتعو ♥😔
.............
تمارة؛ رضاوي حبيبي اكعد شنو هاي الهوسه
مرتضى؛ صباح الورد حبيبتي
تمارة؛ صباحي انت يروحي بس اكعد اسمع شنو الهوسة الجوة
مرتضى؛ لا تهتمين  ليوم ابوي جايب ذبيحة بمناسبه سلامتي
تمارة؛ هاااا لعد يلا حبيبي خلي انزل اسويلك ريوك
مرتضى؛ لا معليج تريكت
تمارة؛ شوكتتت
مرتضى؛ من الساعه با 5 الصبح
تمارة؛ لعد هسة كم الساعه
مرتضى؛ با 4 العصر
تمارة؛ عزاااااااا شكد نمت اني لعد
مرتضى؛ نمتي تقريبا 15 ساعه
تمارة؛ ياااا صخام والله عيب هسة شتكول علي عمتي  اووووف منييي
مرتضى؛ هية كلتلي لا تكعدها خليها نايمه و انتي حبيبتي العلاج مالتج اصلا يخليج تنعسين و منا حامل  اكيد تنامين هواي
تمارة؛ اوففف مني  زين اكولك اني جوعانه 
مرتضى؛ خلي اوصيلج على اكل من المطعم شنو تريدين تاكلين حبيبتي
تمارة؛ مادري بس مشتهية مركه فاصوليا
مرتضى؛ هههههههه تمام هسة اطلب
تمارة؛ وك حبيبي
كمت سبحت بسرعه و نزلت
تمارة؛ مساء الخير عمتوو
ام مرتضى؛ مساء النور بنيتي صح النوم
تمارة؛ اسفه يمه والله مادري شلون نمت هلكثر
ام مرتضى؛ ميخالف حبيبتي هنه بنات هاذا الوكت يتدلعن  ههههههههههع
تمارة؛ لا والله اني مو هيج بس ماعرف شسالفه
ام مرتضى؛ ميخالف بنيتي  
ساعدتها شوي و كل شوي تصيح.علي انو ما اشتغل لان تخاف علي  و مرتضى موصيها هم  شوي واجة مرتضى للبيت
مرتضى؛ السلام عليكم
تمارة؛ وعليكم السلام حبيبي و حضنته لان محد يمنا
مرتضى؛ لا ترحين للمطبخ لان كبال الباب مال المطبخ اكو زلم فتهمتي
تمارة؛  وك فتهمت
مرتضى؛ ديربالج على نفسج و لا تشتغلين هواي
تمارة؛ وك حبيبي فهمت
راح مرتضى و بقيت ويه عمتي  شوي واجو بيت عم مرتضى  واجت انور زوجة مصطفى
طبعا من دخلت للبيت لحد ما كعدت هية تخزرني مدري شبيها عيونها ناطات علي
تمارة؛ عمه هاي انوار شبيها وياي ليش تخزرني
ام مرتضى؛ يمه لان انتي مرت الشيخ و هية رادت مصطفى يصير شيخ بس ماراد هوا  من غير انو تعاركو بسبب مرتضى و راحت لاهلها  لذالك حاقدة كلش فا ديربالج منها
تمارة؛ دخيلك ياربي الله يعدي هاذا اليوم على خير
ام مرتضى؛  ان شاء الله يمه

رحت كعدت با الصاله و شوي شوي ضلن نسوان يجن مادري منين البيت نترس منهن
انوار؛ هلاو عيني شبيج تشوفيني و تغلسين علي

تمارة؛ هلا بيج حبي مامغلسه و داعتج هستوني شفتح و جيت اريد اسلم وانتي سبقتيني

انوار؛ يلا عيني مصار شي

تمارة؛ تعاي كعدي عليمن واكفه
كعدنا ع القنفات و اكيد انوار مو انوار اذا ما تذكرني انو اني فصليه 🙂🙂🙂

انوار؛ اي عييني اهلج شلونهم

تمارة؛ الحمدالله بخير

انوار؛ اكلج عيني اهلج شو نطوج فصليه بسرعه ها عيني لو ميردوج شسالفه ياعيني