((كان حلمي قتلهُ))...

Part 1

رجعت الكم بقصة جديدة ((كان حلمي قتلهُ))

#الكاتبة_نمارق_الاسدي

#الكاتبة_نمارق_ميثم

#الكاتبة_N

بداية الحكاية.. ✨
__________________________________

Part 1

......:نعم تفضلوا
.....:حالاً حندز سيارة الاسعاف
....:بس العنوان بسرعه
.
.
.
.
.
.
.
وصلت سيارة الاسعاف شالوا الميت وأخذوا للمستشفى و اعلنوا عن وفاة الميت ...وصار صياح بالمستشفى من قبل ام الميت و خواته واخوه وابوه ولكن كانت موجودة زوجته تبچي بصمت بدون اي ردة فعل ...

بعد ما حللوا او شرحوا جثة الميت عرفوا الأطباء انو الميت مات بالسم من قبل مادة (الزرنيخ) الي كان يأخذ منه بجرعات مستمرة لمدة اسبوع الى ان وصل السم الى القلب والدماغ وسبب بتوقفهم ادى الى وفاه الميت ....

اهل الميت تخبلوا لمن سمعوا هذا التقرير رفعوا قضيه بأن يردون يعرفون منو تسبب بقتل ابنهم ....

______________

....يا هله بالمحقق مهند باشا

مهند:يمه منك علي دعوفني بحالي كلش ضايج من هاي القضية الجديدة

علي: وليش ضوج خيووو انت كدها بس صدك شوكت حتبلش بالتحقيق

مهند: اليوم ان شاء الله بس هسه شويه و أبدي ادخل واحد واحد واحقق وياهم

علي: لعد اروح اني وسلملي على اختك

مهند: ولك ولا جوز على الاقل احترمني

علي: اوووي ليش بله احترمك اذا اختك صدك خطيبتي

مهند: يوول بس مو هيج شبيك

علي: هههههه يمعود ترى مرتي بس بقى اخذها لبيتي هههههههه

مهند: راح اكوملك ههههه....

طلع علي من الغرفه وقريت شويه من القضيه الي رافعيها اهل الميت او المقتول (عباس...) بدأت بأول شخص اهله يشكون بي ...

بدأت بأول شخص اهل الميت يشكون بي الي هو صديقه ..سئلته بعض الاسئله وجانت اجابته وحده (اني صايرلي فتره مبتعد عن عباس لان اتغير عليه ) هذا جان جواب صديقه ..

اما جيرانه وهم كالوا احنا مالنا دخل بيهم بس احد بيوت جيرانه جان بيته كلش قريب على بيت الميت عباس وجان جوابه (احنا جنه نسمع صوت صريخ كل ليله يعني باليل يسمعون بچي وصريخ مال مره ) ..

اجت بالي بس زوجته الي لحد هسه ما دخلتها للتحقيق ..طلبت من السكرتير مالتي يجيبها الي باجر لان تاخر الوقت ولازم ارجع للبيت لان امي تضل قلقانه عليه ...

رجعت للبيت لكيت خطيه امي منتظرتني هيه واختي سميه ..رحت لغرفتي بدلت ونزلت يم امي واختي وكعدنا اكلنا ..

امي سالتني :

ام مهند:شبيك وليدي منو مضوجك

مهند:لا يالغاليه مابيه شيء بس شويه قضيه صعبه اليوم استلمتها ليضل بالج يمي

ام مهند:براحتك وليدي ..الله يوفقك بعد قلبي

سمية:اهووو بس هو هيج تدعيله اني هم اريد

ام مهند: يمه بعد قلبي اني شعندي غيركم يروحي انتي

مهند: ولج سميوو سلم عليج علي

سمية(بخجل):صدك ..الله يسلمه

مهند:يله لج عود خجلت كومي سوي جاي عدلي مزاج اخوج يله

سمية:مو يدلل اخويه الصاك

مهند...شمرت المخده عليها كامت تضحك وتركض ..ضحكت على ضحكتها ...والله كلش احب اختي احسها بنتي لان ابويه مات وعافها عليه من جان عمري 16 وهيه جان عمرها 5سنوات اني الي ربيتها وتعبت عليها تاليهل يجي علي وياخذها على الجاهز ههههه.....

شربت الجاي وصعدت بغرفتي ونمت نبهت امي و سمية انو يكعدوني من وقت علمود اروح للدوام والحك على تكملت التحقيق ...

وصلت لهناك وكتلهم يجيبون زوجته ..

جابوها وهيه ابد مجانت معارضه على اي شيء وبدات احقق وياها :

مهند:اي نعم سولفي انتي الي قتلتي زوجج

رزان (زوجة المجني عليه عباس):.....يتبع .
.
.
.
.
.
.
.
.

.
.

انتظروني بالبارت القادم من قصة ((كان حلمي قتلهُ)) احبكم 😘😘😍😍 يله رايكم بلقصة 🤔🤔😉🤗😘😍