((كان حلمي قتلهُ))...

Part 3

ورجعت وياكم بقصة ((كان حلمي قتلهُ ))

#الكاتبة_نمارق_الاسدي

#الكاتبة_نمارق_ميثم

#الكاتبة_N

أفكار وقلب مشوش.. ✨💞

___________________________

Part 3

مهند :رجعت بيه افكاري لمن خطبت الي حبيتها وماتت على ايدي بسبب مرضها الي خفته عني وجانت حيل حلوه ايه من الجمال الله يرحمها ...
.
.
جنت دا احقق بغير قضيه وجانوا كاعدين محققين ويايه فجأة يدك الفون مالتي (احنا عدنا من يصير تحقيق لازم نغلق الفون ونحقق )

اني نسيت اغلقه وجان المتصل علي ..كلش خفت كلت اكيد امي لو سميه بيهم شيء فأعتذرت من المحققين الي كاعدين وفتحت الاتصال مال علي :

مهند:ولك شكو امي بيها شيء لوسميه بيها شيء احجي شصاير

علي: يابه شبيك الناس تسلم اول مابيهم شيء ..بس دا اكلك لكيت الحل لسالفتك

مهند: الله يطيح حظك واني متت عسبالي امي لو سميه بيهم شيء ...وبعدين تعال هنا يا سالفه هاي

علي: يا شبيك مال المتهمه رزان

مهند:والله ..شنو الحل

علي: اتصلت على معارفي واعرفت اكو دكتوره نفسيه يكلون كلش زينه وحتى علاجها بسرعه لان جانت عدها بنيه صغيره مريضه وهيه عرفت مرضها بس ما قبلوا يكلون شبيها البنيه

مهند: يا الله ..الله ويدك زين شنو اسمها وعنوانها

علي: اسمها الدكتورة (نادية حسام) ماخذه اختصاص بلامراض النفسيه وعنوانها (....) مهند: مشكور خيووو ما قصرت

علي: تدلل حبيب شعندي غيرك انت واختك

مهند: مرح تبطلها الافد يوم اكسرك يله ترتاح يا خبل ههههه

علي: يله اني عندي طلعه ويه الحب فدا استأذنك اخذها ونطلع بس لتجي ويانه منريد نفرات زايده

مهند: ههههه دولي اخذها واطلع بس لتتأخرون اضل بالي يمكم

علي: ادلل يله باي

مهند: باي .....غلقت الفون من علي ورجعت لغرفه التحقيق وكملت التحقيق ورجعت للبيت وره شويه اجى علي وسميه خطيه تعبت من الدراسه اخذها وطلعوا .....

صار ثاني يوم اخذت هويتي ومفاتيحي وسلاحي وطلعت على عنوان الدكتوره ناديه حسام وصلت لهناك ورحت على السكرتيره كلتلها اريد احجي ويه الدكتوره موضوع مهم
السكرتيرة :العفوا سيدي بس عندك حجز مسبق لو لا

مهند: لا اني اجيت دا ادريدها بموضوع عمل

السكرتيرة: لحظة سيدي بس اشوف الدكتوره فارغه لو لا

مهند: عراحتج بس استعجلي ترى اخذت بسرعه اجازه من المركز واجيت فما فارغ

السكرتيرة: اوك لحظة....ست ناديه اكو ضابط يريد يلتقي بيج

السكرتيرة: اي ست يكول موضوع عمل ادخله ..اوك
دكتوره ..تفضل سيدي الدكتوره فارغه

مهند: دخلت للغرفهمال الدكتوره جانت كلش جبيرة ..سمعت صوت الدكتورة من الحمامات وتورطت يابة مو صوت كول عصفور  يغرد ..

تخربطت احوالي من حجت ويه دتغسل بالحمامات:

نادية: لحظة أستاذ بس اغسل واجي

مهند: على راحتج دكتورة ..بعدها اجت جنت اسمع صوت الحذاء مالتها واجت وكفت مقابيلي مو بنيه تخبل كلش شعرها لحد رقبتها ومسرحته وحاطه فيونكه على جانت شعرها ولابسه تنوره جلد سوده قصيره وتشيرت وردي وصبغ أظافرها وردي والحذاء وردي ..

مدت ايدها صافحتني ..
ناديه: مرحبا سيادة الضابط

مهند: اهلا دكتورة

نادية: تفضل استريح شتحب تشرب

مهند: جاي بلازحمه عليج علمود ابلش بعرضي عليج

نادية: الووو..نور جيبي جاي للضيف ونسكافيه الي
مهند ...هيه تحجي بالسماعه واني معت على صوتها ..بعدين استرجعت نفسي وكلت اني ضابط عيب هلتصرفات

نادية: وهاي وصل الجاي والنسكافيه ..تفضل استاذ احجي

مهند: اني عندي متهمه اريدج تعرفيلي حالتها ..

نادية: اممم متهمه وشنو قصتها

مهند: اجانا تبليغ للمركز اكو ميت اهله رادوا يعرفون شنو سبب وفاته وجان سبب الوفاة هو السم ميت بالسم بمادة الزرنيخ اهله رادوا يعرفون منو الي قتله وبعد إجراءات التحقيق من جبنا زوجته لتحقيق اعترفت على نفسها انو هيه الي قتلته وجانت كلما تكول هيج تنار عصبياً بحيث تملخ بنفسها من الاذيه ..

نادية: اي عادي هاي اعصابها انهارت لان شيء فوق طاقتها صار ..زين وهسه المطلوب مني شنو

مهند: الحقيقه اني عندي احساس يكلي انو هيه مظلومة بالحكم مالتها واريد بالمعالجه النفسيه من قبل حضرتج انو تعالجيها على الاقل يتخفف الحكم الها ونعرف الحقيقة الي خلتها تقتل زوجها والسبب ...

لان بالمحكمه ما قبلوا يخففون حكمها واني الصراحه تعاطفت وياها لان هيه بعدها صغيره على القتل ....

نادية: اممم ليش شكد عمرها وشنو حكمها ؟؟

مهند: ....يتبع .
.
.
.
انتظروني بالبارت القادم من قصة ((كان حلمي قتلهُ)) احبكم😘❤💕
.