((كان حلمي قتلهُ))...

Part 6

ورجعت الكم بقصة ((كان حلمي قتلهُ))

#الكاتبة_نمارق_الاسدي

#الكاتبة_نمارق_ميثم

#الكاتبة_N

من القاتل الأساسي.. 💔✨

_______________________________

Part 6

نادية: حبيبتي اني طلبوا مني اساعدج وهذا واجبي انو اقم بمساعدتج بس لازم انتي هم ساعديني ..و اوعدج مساعدتي الج رح تكون اكثر من مساعدتج الي بس جاوبيني ..

رزان: ...(بس كامت تبجي )

نادية: البچي مرح يفيد اذا متحجين ولا حترتاحين لازم نتخلص من الماضي بالكلام لازم تتخلصين من كلشي علمود ترجعين لأهلج ...

وهنا زادت بالبچي اكثر وكالت :يا اهل ها كولي يا اهل الي باعوني لو الي تبروا مني لمن تخلصت من السم الي جان يكتلني كل يوم بطريقه شكل ..

ولمن تخلصت من هذا السم صرت اني العاااار على اهلي اني اعتبروني صخمت وجه اهلي واني كل الي سويته قتلت الي قتلني وقتل روحي وكبريائي وكرامتي وسنين عمري كلها ..محد ما فكر يحاسبه لمن قتل روحي ...(وضلت تبچي بهستريه)..

.
مهند: خلص اهدئي ..انطيتها ماي شربت شويه هدئت
نادية: زين ليش ما نتساعد اني وياج و ننتقم من الي اذاج وقتل روحج ..سولفيلي بلكي اساعدج ..
.
.
.
رزان: اني بنيه حالي من حال اي بنيه اهلها يفرقون بينها وبين أخوتها اني جنت اخر وحده لاهلي وقبلي كله ولد ( اربع ولد) واني الخامسه بنيه بس كانما عند اهلي الله ابتلاهم بيه جنت اكوم بكفخه واكعد بكفخه الخدامه يمكن احسن مني ..

بلتواسيل قبلوا اكمل دراسه لحد السادس اعدادي وكعدت بالبيت اخدم اهلي و زوجات اخواتي وشحدي اذا فتحت حلكي بكلمه ..واني بطبعي كلش هادئه وما احب المشاكل فجنت دائما اسكت على المشاكل الي يسوها زوجات اخوتي ..

لحد ما اجوني خطابه واني عمري19 سنه كلت اي اجاني الفرج رح اخلص من اهلي بس ما جنت ادري المضموم الي قبلت بالرجال الي اجه عليه وتزوجت بس هم طاح حظي ما جنت ادري اذا ازوج هم رح يصير ويايه نفس ما جنت عند اهل والمشكله اسوء من اهلي.....

كلت بلكي ارتاح اذا ازوجت بس طاح حظي اكثر ..جانت امه تكوم ترزل بيه تكعد ترزل بيه وابوه جان ماله دخل بأحد ياكل وهو ساكت وينام وبس ..اما خواته جانن مثل الحيايه عليه ..وكضيت سنتين من عمري اني ما عندي اطفال طلعوا عليه اشاعه انو ما ميصير عندي اطفال ..

مره رادوا يزوجوا عليه بس هو هواي جان يدافع عني كدامهم ويكول الي رب العالمين يريده بي صالح ..جنت دائما اتقوى بي الى ان اكتشفت روحي حامل وكلهم باركولي بالحمل بس من وره خشمهم جان ما عاجبهم ..

مره من المرات نزلت من الدرج وجان بي دهن او زاهي مادري بس جان الدرج يزحلك وكعت وزحلكت من الدرج وهنه اجن شافني وضلن واكفات خواته ويعاينن عليه واني دا انزف ولا تحركن من مكانهن يمكن لو جنت حيوانه جان اهتموا بيه الى ان اغمى عليه وحسيت بعدها روحي اني بالمستشفى والكل فوك راسي وجان الم مو طبيعي ببطني...

كمت اصيح واعيط جابوا الي ابره مهدئ وجان زوجي واكف بعيد عني وعيونه حمر مبين جان يبجي ولا واحد من اهلي شفته موجود شكد احتاجيت امي بهاي اللحظات بس للاسف ماكو احد منهم ...

اصعب شيء تعيشه المره لمن تحس روحها معدها سند بالحياه واقرب الناس الها تبروا منها لا عتب على الغريب ...

كالتلي مرت حمايه انو اهلي ما قبلوا يجون الي وجانت هاي مرة حمايه الوحيده زينه ويايه وكلتلي اكثر كلمه انهت حياتي انو صار عندي طرح مو طبيعي لان جنت نازفه هواي ادى الى ان يشيلون (الرحم ) يعني بعد ميصير عندي اطفال هاهيه انحرمت من كلمه ماما ( وهنا رزان انتهت بالبجي)...

تعرفين شنو يعني هذا الشعور يعني ولا يوم بحياتي حسمع كلمه ماما تعرفين يعني شنو يعني انتهت حياتي المن عايشه اني للضيم والقهر لو لخوات زوجي بوقتها كلبت المستشفى عليهم ....يتبع
.
.
.
.
.
وجان ارجع الكم بقصه (كان حلمي قتلهُ)... طبعا كلش اعتذر على هذا الانقطاع.. وتعرفون اني ليش انقطعت علمود اوضاع إلى جان يمر بيها وطنا لكن هسه رجعت الكم بالقصه لان ملل وحجر منزلي لذلك كلت خل اونسكم وانتظروا باليل هم بارت هديه مني الكم 😍😘😘❤️احبكم 🌹🌹🌹