((كان حلمي قتلهُ))...

Part 5

و رجعت الكم بقصة ((كان حلمي قتلهُ))

#الكاتبة_نمارق_الاسدي

#الكاتبة_نمارق_ميثم

#الكاتبة_N

لما الانتقام.. ✨🖤

_______________________________

Part 5

ناديه ...بهذا الأسبوع خفت لا هذا الضابط بعد ميريدني ..بس بعدين فكرت وكلت لا هيج معاملات طول يله يقبلوها ..بس من خابرني بعد مرور اسبوع عرفت هو شخص واصل الي كمل المعامله بأسبوع...

لان هيج معاملات اقل شيء شهر او شهرين ..واتفقت وياه وكتله يجي باجر علمود يسلمني المعامله ونتفق على وقت الجلسه للمريضه ...

_____________

مهند: صار ثاني يوم رحت اخذت إجازة زمنيه من المركز ورحت على الدكتوره ..واجيتها بدون موعد لان الدكتوره متفقه ويه السكرتيره مالتها دخلت راسن للعياده ...

نادية: مرحبا استاذ

مهند: مرحبا دكتورة

نادية: تفضل استريح ..شنو تحب تشرب

مهند: لا شكرا ست اني جاي علمود نتفق عسريع لان مثل متعرفين ورايه دوام بالمركز فبسرعه اريد نخلص

نادية: عراحتك

مهند: تفضلي هذا التقريروبس وقعي عليه ..وصدك ترى كالوا لازم احد يكعد وياكم بالجلسه فكلت اني اكعد وياكم

نادية: بس اعتقد هاي حقوق مريض واسرار ميصير حضرتك تعرفها

مهند: والله همه ما قبلوا إلا بهاي الطريقه حاولت وياهم بس مارضوا شسوي بعد

نادية: اوك هاهيه ان شاء الله باجر ساعه 7:30 بليل اجي

مهند: اي حلو هذا الوقت علمود اني هم مخلص دوام ..يله لعد اتفقنا ..اتوكل اني

نادية: عراحتك ..مع السلامه

مهند:طلعت من يم الدكتوره ورجعت للمركز خابرني علي يريد يطلع ويه امي وسميه ..رجعت للبيت واخذت اجازه لباجر لان جنت كلش محتاجها للأجازة كلش تعبت هاي الفتره بالتفكير بهاي القضيه ....

لو هاي الدكتوره الي مدتروح من بالي مادري بشنو اضل افكر ...من وصلت للبيت رحت نمت وكعدت الصبح جانت امي دسوي ريوك واختي ساعدها كعدت وياهم اكلت ....

خلصنا ريوك كتلهم اني اليوم ماخذ اجازه خل نطلع ..فاخذتهم وطلعنا افترينا وتغدينا ورجعتهم للبيت ..نمت كعدت ب7:00 وحضرت نفسي علمود الجلسه اتصلت على الدكتوره ...

مهند: مرحبا دكتورة

نادية: اهلا استاذ مهند

مهند: دكتورة اجي عليج اذا ما اسبب ازعاج الج لان انتي متندلين الموقع مال السجن

نادية: لا شكرا انطيني العنوان واني اجي

مهند : تمام براحتج ..العنوان(...)

نادية: مع السلامه

مهند: مع السلامه...

طلعت من البيت ورحت لسجن و انتظرتها والله وصلت بنفس الوقت الي حددته ..اخذتها وقدمنا التقرير وطلبنا المتهمه رزان دخلوها للغرفه احنا جهزنا الادوات مالت الجلسه وبدت ناديه تسالها :

نادية: مرحبا شلونج

رزان:....

نادية: حبيبتي اني طلبوا مني اساعدج وهذا واجبي انو اساعدج بكل شيء ..بس ساعديني لازم وحده تساعد الخ بس اني مساعدتي الج اكثر مما انتي رح تساعديني

رزان:....يتبع .
.
.
.
.

انتظروني بالبارت القادم من قصه ((كان حلمي قتلهُ)) احبكم😍💕