((كان حلمي قتلهُ))...

Part 7 الأخير

ورجعت الكم بقصة ((كان حلمي قتلهُ))

#الكاتبة_نمارق_الاسدي

#الكاتبة_نمارق_ميثم

#الكاتبة_N

ممن تريد الانتقام (الانتقام الحقيقي!!)...

_____________________________

Part 7 والأخير

رزان : بيوم الي عرفت انو شالوا رحمي كلبت المستشفى عليهم اجت ثاني يوم مرة حمايه الزينه وكالتلي ام زوجي و خواته كايلين لزوجي انو يطلعني من البيت لان بعد ما اخلف ويعزلني بيت وحدي ومنطقه بعيده عنهم وكايليله انو اني ردت اطرح نفسي وما خليتهم يتقربون عليه لحد ما اغمى عليه وعود همه خطيه مخابري ...

بوقتها كمت ابجي بصوت عالي وهيه تهدئ بيه ..كمت اكرهم كلهم لان حرموني من حقي بالحياة ..من صرت زينه اجى زوجي واخذني لبيت وحد وبعيد عن اهله ارتاحيت شويه من المشاكل والتهيت بنفسي وكمت ارتب حياتي ...

بس هم صار نفس بيها ..زوجي بدا يتغير عليه كام بس يرزل وميعجبه العجب وحتى هجرني فتره واخر شيء طكت روحي ورحت واجهته ..

.
رزان: ليش هيج تعاملني حرام عليك كافي طكت روحي من معملتك الطايح حظها ويايه

عباس: اسكتي نفس ما اسمع منج

رزان: ترى مليت من هاي العيشه وديني لبيت اهلي

عباس: هههههههه ضحكتيني يا اهل الي باعوج الي لو الما اذكروا بتهم يوم الي صارت عقيم وبعد متخلف بله انتي كولي بعد شسوي بيج هااا اشو حتى اطفال بعد متخلفين

رزان: حرام عليك ليش تعيرني بهذا الشيء ..ولا تتنابزوا بالالقاب هذا قول الله تعالى ليش هيج بسبب منو هيج صار بيه غير بسبب اهلك الي ميخافون من الله الي حرموا انسانه من حقها الي الله انطاهيا الها مو همه الي كتلوا ابني

عباس: هششششش حسج ما اسمعه انتي كتلتي ابني وانتي هيج سويتي حتى متحبلين مني لان انتي متحبيني

رزان: شهل حجي عيب عليك اكو وحده تحرم نفسها من حقها

عباس: انتي مالج دخل بيه بس عليج تعيشين وتسكتين اصلان زين مني مبقيج لحد هسه ويايه

رزان: خلف الله عليك طاحظ الزمن الي خلاني بعازتك ....وهنا لزمني ملخني كطعني تكطع وعافني وطلع وراها ....

كمت احسه صار انسان تافه وكام يخوني وكل يوم يرجع لوجه الصبح كرهته وكرهت عيشتي وياه ..كام يبسطني بطالعه والنازله وحتى كام يجيب أصدقائه للبيت ويريد مني اخدمهم واحضر اله والاصدقائه الاكل او الزقوم مالتهم ..

الى ان مره الصبح جنت دا أتفرج على التلفزيون وطلع تقرير عن ماده (الزرنيخ) جنت ما احب هيج شغلات بس هاي الماده لفتت نظري لان اول مره اسمع عنها ومن خلال المعلومات الي قريتهن انو اذا تعددت الجرع بيها رح يتأخر السم يله ينتشر بالجسم وقله من الأطباء يله يعرفون انو هذا الشخص ميت بهاي الماده الا الي دارس عنها واذا الجرعه جانت وحده بكميه كبيره حيموت الشخص راسن ....