• Lovely •

Хоргодох газар нэгээхэн ч үгүй

Чамайгаа алдсан эхний өдөр

Тэнгэр нурж , дэлхий сүйрч буй шиг санагдаж урсах нулимсаа хорьж дийлэлгүй дэмий л чинийхээ зургийг ширтэн сууна.

Чамайгаа үгүй болсонтой огтхон ч эвлэрч чадахгүй нь.

Хайрт минь , гуйя...

Энэ бүхэн тоглоом байсан гээд хүрээд ирээч?

Чамгүй өнгөрөөсөн 7дохь өдөр

Өрөөндөө бүгэх болсоор хэд хонолоо.
Хоолойгоор минь юу ч давахгүй , үг дуугарах ч хүсэл алга.

Хэрэв чи минь захидалдаа " Заавал амьдраарай , үхэж болохгүй шүү! " гэж бичээгүйсэн бол өдийд би аль хэдийн чинийхээ араас явах байлаа.

Чамгүй элээсэн 24дэх өдөр

Би өнөөдөр өрөөнөөсөө гарсан.
Хэдий хүсээгүй ч ээж , аав минь надад санаа нь ихэд зовж буйгаа хэлцгээн гуйсаар байсан болохоор аргагүйн эрхэнд гарсан юм.
Гэвч өрөөнөөсөө гарах төдийд дурсамжууд минь нүднээ үзэгдэж , чихнээ сонсогдож , чамайгаа улам ихээр санасан.
Тэгээд л урсах нулимсаа хорьж дийлэлгүй буцаад өрөөндөө орж ирсэн.

Чамайгаа санан нулимс дуслуулсаар угтсан 54дэх өдөр

Би өнөөдөр чамайгаа зүүдэлсэн...

Зүүдэнд минь чи урьдын адил намайг тэврээд " Бүх зүйл сайхан болно оо " хэмээж байсан.

Чи минь үгүй болсноос хойшхи 94дэх өдөр

Өнөөдөр чи минь над дээр ирснийг би хэнд ч хэлээгүй ээ , хайрт минь.

Хэрэв хэлчихвэл чи дахиж ирэхгүй байхвий гэдгээс айсандаа огтхон ч үг цухуйлгаагүй.

Чи минь надаас явснаас хойшхи 123дах өдөр

Чи минь дэргэд байхгүй болохоор
Нулимс ч гарахаа больж , чиний тухай дурсамжууд минь бүдгэрч эхэлсэн.
Үргэлжид чамайгаа санаж , чинийхээ тухай бодож суудаг атал одоо хэчнээн хичээгээд ч зарим нэгэн зүйлсээ санаж чадахгүй байна.

Жонгүг аа, би чамайгаа мартмааргүй байна шүү дээ!