#انقلاب_حياة
#الحلقة_السادسه
الكاتبه مرام حمد
Meroo Ahmad
🌹"«قراءة ممتعة»"🌺
خش يوسف واضح علي وجه علامات التعصيب
الحاج سالم: خلاص ياولدي كل شي نصيب توا نلغو كل
يوسف ابتسم💔: وعلاش نغلو كل شي بكل العرس حا ايتم ونفس الموعد مايتغير شي
فاطمه: كيف وهم اتصلو و لغو كل شي
يوسف.:العرس بيتم في نفس الوقت
الحاج سالم: شنو يعني غيرو رايهم
يوسف: لا ومعاش حد يدكر سريبهم
فاطمه: كيف عرس بلا عروس
يوسف: من قال مفيش عروس
قدم يوسف جيهة بابا
يوسف: عمي محمود انا طالب ايد حياة بنتك علي سنة الله رسوله
بابا : والله شن انقولك انت واحد مافيش زيك ينشد بيه الظهر بس الراي راي بنتي
انا قاعده مزال تحت تاثير الصدمه
الحاج سالم افرح: هدي ساعه المباركه والله كنت نبيك تاخد وحده من بنات عمامك اكيد اموافقين ما بتلاقه خير من ولد عمها
يوسف: لا ياجدي نبيها هي اتكون اموافقه مش حانخدها غصب عنها والراي الاول والاخير ليهم
بابا: انا بنسبه ليا اموافق مابنلقا خير منك لي بنتي
بس انا ايهمني رايها
يوسف ضحك بوجع :شن عليها توا نسالها
قدم يوسف ليا
يوسف 💔: زي ما اسمعتي يا بنت عمي طالب ايدك ونبيك زوجه ليا طول العمر شن رايك
انا كنت مصدومه ماتوقعت ننحط في موقف زي هذأ
كان باين علي وجهي علامات الصدمه طول جا في بالي عادل 💔
العيله كلها ساكته اتراجي فيا انتكلم كانه كلهم ايقولولي وافقي لو رفضتي يوسف بينكسر الكل متوتر
يوسف: ساعه بيش اتفكري اتردي عليا
غفران اتغير في الجو والتوتر الي فيا: غير اصبر خليها تستوعب كلامك بعدين اطلبها بكل رومانسيه زي الافلام وقعمز ركبه ونص وامسك ايدها واطلبها عشان اتوافق
يوسف: تي اختك كان بندير هدا كله بنيبس وانا وامقعمز علي رجلي وهي ما تنطق كلمه
ماما: ها يابنتي شن اموافقه القرار ليك
انا متوتره مش عارفه شن نبي: القرار لي بابا الي يبيه بابا نمشي عليه هو الموس وانا الحم
الحاج سالم: اصليه يابنتي فعلا تشبهي لي امك ماتطلع من راي هلها
بابا افرح: خلاص يوسف لحياة وحياة ليوسف
انقلب القصر من حزن لي فرح كامو فرحاننين واجد ماعدا شخص كان ايشوفلي بحقد
قعدو الكل ايبارك وانا مزال مش مستوعبه شي
كلهم كانو ايهدرزو وايخططو انا كنت شارده في عالم تاني كيف يعني بنتزوج عمري ما تخيلت نتزوج من غير حب صح كان عندي مشاعر لي عادل ومابدلته بيهم بس حاسه روحي مش متريحه لي الزواج ماحبيت نكسر كلمة بابا وانصغره قدام العيله بالخص من جيت مازعلني ادير اي حاجه لتسعدني بس يوسف ما ايحبني وعلاش اختارني انا بس ليش مش ياسمين افكار واجده ادور في بالي كش لقيه ليهم جواب
حور:كنك ساكته حيوته
انا: بنرقا فوق
حور: به توا نمشي امعاك
انا: لالا نبي نقعد ابروحي
حور:زي ماتبي
مسكت ارقيلات وصبيت
ماما:قعمزي
انا: لالا بنرقد ناعسه
ماما: به براحتك غير ردي بالك انتي ماشيه ع الدروج راك اطيحي
يوسف رفع اعيونه فيا: امتي بتنحي الجبس
انا: بعد اسبوع
يوسف: اكويس قبل اسبوع الفرح
انا تجاهلت كلامه ومشيت
