لايك قبل ماتقرو علي خاطر نحذف الي مش متفاعلين
#انقلاب_حياة
#الحلقه_العاشره
الكاتبه مرام احمد
Meroo Ahmd
🌹"«قراءة ممتعة»"🌺
(قبل ما نبدا في الحلقه في هلبا يسألو فيا من هو الشخص المجهول وشن قصته وشن اسمه بس قصته بتقعد مجهوله لعند حلقة الاخيره نعرفوه من وشن قصه وشن علاقته بيوسف وليش يكره يوسف وعلاش يبي ينتقم منه وايخرب حياته كله كله نعرفو حلقه الاخيره هل اينفذ انتقامه 💔نعرفو السر الكبير الي قادر ايدمر العيله كلها اولهم يوسف وحياه)
اسامه: اتصلت بنقولك قراري مستحيل نتراجع عنه
غفران: شن
اسامه: حكيت امعا شاهين وخطبتك منه وبكرا اهلي بيجو يطلبوك رسمي وجاي عمي ومرت عمي
غفران بصدمه: شن اتقول انت اتبصر
اسامه ابتسم: وراسك حبيبتي ما انبصر بكرا بتقعدي ليا غصبن عنك
غفران: من قالك انوافق
اسامه: ومن خدا رايك انتي مادم خوك اموافق نعرف كيف انخلي بوك ايوافق انتي ما ايهمني رايك
غفران: تحلم شكلك بابا مستحيل ايواقف لو انا رافضه لذلك فوته الموضوع ماتعبش روحك
اسامه: من قال انتي مش امرافقه عارفك اموافقه غير اتكابري بس
غفران: اسامه اطلع من حياتي خلاص معاش نبيك افهم
اسامه بغضب: مش انتي اتحددي نطلع من حياتك ولا نقعد لانه خلاص فات الوقت انا حياتي كلها انتي بس ماتقدريش اطلعيني من حياتي لانه مصيري مربوط بمصيرك وقاعد وراك وراك زي ضلك مش حا انسيبك حتي لو طلبتي مني وهي كلمه وافهميها انا انحبك مستحيل انسلم بيك بسهوله بترضي غصبن عنك فاهمه عارفك مزال حامقه مني وخدا بخاطرك علي صار قبل عارف روحي احمار وكلب ونذل بعد خنتك ومن حقك تزعلي واتعامليني هكي بس صدقيني تغيرت وانا حانتبتلك كلامي حتي الفرصه مش طالبها منك انا نعرف كيف انصلح اغلاطي وانصححها ❤️
غفران:كنك ماتفهم انت
اسامه: فاهم وعارف زين شن اندير كل شي لمصلحتنا ومستقبلنا و امعا الوقت توا ايحن قلبك عليا 🥺
غفران:اسامه ماتعصبنيش من قالك انا مزال انحبك ونبي نتزوجك انا في حياتي شخص تاني غيرك
اسامه: اسكتي بلا كذب انا عارفك لو في حد فحياتك حق ره ماردتيش عليا وماتقعديش اطولي في الهدرزه امعايا عارفك امرايفه علي هدرزنا واتراجي فيا بالدقيقه امتي نتصل بيك انتي مستحيل اتحبي غير سامو حبيبك
اصلا مادريهاش وانا شفت في اعيونك يومها مزال قاعده اتحبني
غفران: ربي يشفيك
اسامه:الي عندي قلته ليك
غفران: بالعقل هي كيف بنوافق عليك بصفة شن
اسامه: مانبيها موفقتك انا اتصلت بيك نعطي فيك العلم عشان اتوتي روحك نبيك تطلعي جميله قدامهم وتعجبيهم
غفران: شن قالك شينه انا
اسامه: حشا والله انتي اجمل بنت فعيني
غفران: اي صدقتك وانت اا خليني ساكته خير
اسامه: كمليها علاش سكتي
غفران:تعرف راسي امصدع وتعبانه مش ناقصتك والغي الفكره من بالك تمام زي ما انت قلت قبل كل واحد فطريق
اسامه: غفران ساد تجريح راه متحملك علي خاطر انحبك بس مانبيش نخسرك مره تانيه احترميني اشويا
غفران: شن مره تانيه هي مره وحده وخسرتني منها للابد ماتعبش روحك واتحاول
اسامه: سكري خير ما نفصل عليك تصبحي علي خير
وسكر
لانه اسامه رقيله من كلام غفران سكر قبل ما يتعارك امعاها ايدير مشكله
