لايك قبل ماتقرو الحلقه
#انقلاب_حياة
#الحلقة_الثامنه
الكاتبه مرام احمد
Meroo Ahmad
🌹"«قراءة ممتعة»"🌺
يوسف شاف تليفونه وادكر المكالمه كان حاير بين عقله وقلبه شاف ذبلته تفكيره رفعه لمكان بعيد حط يده علي قلبه واختار قراره وبحت في الجامع للممره الاخيره وخر خطوتين
يوسف: فكر بكل شي صار في الاسبوعين الي فاتو كيف رفضاته نورسين وفي وقت الي هو مكسور فيه وقفت امعاه حياه قدام الكل وفقت عليا كانت تقدر اتقول لا وقتها كانت تقدر ترفضني زي نورسين بعد صبيت عليها وكسرتني ادكر كلام نورسين انه ماعمره حباته حبت افلوسه بس ادكر قبل يوم لمه طلع امع حياه وكل شي حلو فيه ادكر لمه حياة لبساته الدبله وقالت
((انا ضحكت: حتي انت لو سلحتها انقص رقبتك 😂😂😂
يوسف:اتردي فيها ليا يعني
انا: حاجه زي هك
يوسف: امرك مش حاتنسلح من ايدي نهائي لعند ايحطو عليا الثراب
انا: بعيد السو ))
ابتسم وقعد ايحرك في دبلته حزم قراره نهائي وتنهد من وسط خاطره وخش لي الجامع هو راضي رضا التام
قعمز جنب بوه وفي النص الشيخ وجنب التاني بابا وخوتي وقعد ايشوف في الوجوه كلها فرحانه ابتسم والشيخ كمل
.
.
.
.
طلعو من الجامع الكل ايبارك وسط الالعاب الناريه ومباركات وضرب الرصاص
بابا رفع تليفونه في نفس الحظه يوسف بعت رسالتة وسكر التليفون ماخلوش الشباب ياخد راحته
.
.
.
.
كنت جنب البنات سمعت تليفون هز جاته رساله فتحتها كانت من فرصتي الجميله(يوسف)
" الف مبروك يامرتي انقرت الفاتحه "
قريتها شعور فرحه وخوف وكل شي امخلط خلاص وليت مرته نزلو ادموعي شعور فيه رهبه قعدت نسمع في دقات قلبي بسرعه ❤️
رن هاتف ماما وسط الزحمه
بابا: انقرت الفاتحه
ماما فرحت 💔: زغرت لووووووووووووووووووووووووووولي
ماما اعيونها ادموع: انقرت الفاتحه
واعميمه فاطمه بعد سمعت قعدت اتزغرت
الكل افرح وايبارك
البنات جابو الدربوكه ودارو شوط دربوكه
لبس البودري يامحلاه 👏👏👏 كل ابنيه تتمناه
لبس البودي والحنه 👏👏👏 ربي مايحرمنا منه
لبست البودري وتهنت 👏👏👏 هذا عروسه تسمت
لبست البودري ياحنه 👏👏👏 هذا وين تسمت كنه
لبسة بوخطين توامه 👏👏👏 عروستنا تقول حمامه
غفران: جرحتونا ياعيت اقدم
اجروح كبيره ماتلتم 💔
جوري تضحك: حي حي 👏👏👏
غفران ماسكه الدربوكه: قلبي يالقديم عزقتا
ولي بدلني بدلته 💔👏
ميس: بربع جني انبيع فيه
قديم اللي يبي يشري
سهام: يا القديم ايامك بح
درت جديد وحاجه صح
البنات سخنو علي القديم 😂😂 القديم داير فيهم العمايل 😂😂😂 المهم ماخلوش لاقديم ولا جديد ولا مرهون 😂😂
