لايك قبل ماتقرو
#انقلاب_حياة
#الحلقه_11
الكاتبه مرام احمد
Meroo Ahmad
🌺"«قراءة ممتعة»"🌹
خاناته ادموعه بكي اي بكي حس روحه وحيد في الدينا ماعنداش حد ايحن عليه حس روحه ضايع في هل الدنيا خلاص اخسر كل شي بوه و امه وتوا غفران كل شي خسره قعد يبكي زي العيل المكسور 💔
( دمعة الراجل ماتنزل الا بعد ايكون الحمل تقيل او فقد قطعه من قلبه) بس اسامه الاتنين فقدهن 💔
ركب في سيارته وقعد ايسوق بسرعه جنونيه 😡
وفي لحظه مانتبهش قدامه وايخش في سياره تانيه
حاول يتحكم في السياره ويمسك افرينو بسبب السرعه الزايده تنقلب السياره اسامه 💔💔 والسياره التانيه خشت في عمود
مر 10 دقائق علي الحادث مافيش حد مر لانه الدنيا ليل الساعه قريب 2 كانت الطريق فاضيه
بالصدفه مرت سياره فيها مجموعه من شباب بسرعه نزلو ورفعوهم بسرعه وطلبو الاسعاف بسرعه ماتجمعو الناس مكان الحادث
نقلوهم لي المستشفي الاتنين حالتهم خطيره
دخلوهم لغرفة العمليات 💔
.
.
.
.
.
.
.
.
.
.
عند البنات
كانو كلهم راقدين الا غفران
حور: كنك مارقدتي
غفران: مضايقه نفسي ضايق
حور: بسم الله من شنو
غفران: مانعرفش قلبي قابضني
حور: صلي ركعتين توا اتريحي
غفران: توا صليت
حور:من شنو بس مضايقه
غفران: نفسي ضايق بننزل لوطه لي حاسه روحي مخنوقه
حور: شغلتيني استني ننزل امعاك
غفران: تمام
نزلو غفران وحور طلعو برا قعمزو جنب النافوره ايهدرزو
حور: شن توا احسن
غفران: ماتغير شي 💔 خايفه علي اسامه امبدري تعصب وسكر عليا بلا مايسمع باقي كلامي نتصل بيه ما ايشد الخط
حور: انتي تعرفيه اسامه راسه ايبس من راسك مستحيل ايسيبك بسهوله
غفران:بس هل المره غير حسيته
حور: بايدك درتيه الراجل اعترف باغلطته وتاسف منك وتغير علي خاطرك وعشان يتبث كلامه جا خطبك وهدا كله كنتي قاسيه امعاها وجرحتيه بكلامك كل مره
غفران تبكي: بالله عليك ماتزيديني مش ناقصه هم
حور قعدت اتهدي فيها
.
.
.
.
.
.
.
عند شاهين قعد ايحاول يتصل بروفان مش فاقد الامل
لعند احر مره شد الخط وقعد اينادي وفتح الخط
قلبه قعد ايدوق حس بشعور غريب اول مره ايحسه
روفان:اهلين
شاهين: وينك من الصبح نتصل بيك صارلك شي فيك حاجه قولي
روفان:طلعنا من الصبح لحوش خالتي كنا متغدين عندها شدتنا لي اليل تعشينا وطلعنا
شاهين 😳: خالتك الي تسكن في #$$$
روفان: اي
شاهين:علاش ماخبرتيني بتمشي ولا رديتي علي اتصالاتي من الصبح وانا نتصل خفت خوتك دارو فيك حاجه
روفان: وعلي المشيه ماكنت نعرف الصبح ماما خبرتني تليفوني نسيته في البيت هدا هو
شاهين: معاش اتعاوديها تمام لمه بتطلعي عطيني علم
روفان ضحكت: قاري عليا الفاتحه وانا مانعلم
شاهين ابتسم: ماتندريش مرات
روفان: وكيف جت هذي
شاهين: خليه كل شي في وقته حلو
روفان: مافهمت
شاهين: ماك غبيه من يومك باهي قوليلي كيف حالك
روفان:تمام الحمدلله
شاهين:كيف كان يومك
روفان: حلو ايهبل كله مشا ضحك وهدرزه
شاهين: يعني يومك حلو من غيري
روفان:لا مش هكي صح كان حلو بس في حاجه ناقصه
شاهين: لالا خلاص افهمت 😂😂
روفان سكتت
شاهين: وحتي انا تمام بخير ويومي حلو مشا ولا اروع 😏
روفان ضحكت: واضح حلو انت شادها اتصالات في جرتي لعند الهاتف قفل توا بعد فتحته اكثر 70 مكالمه فائته 😂😂😂 وانت في الدقيقه تتصل مرتين 😂😂😂
شاهين: كنت خايف عليك ياهبله
روفان: وعليش اتخاف
شاهين:خفت اهلك كشفوك اتكلمي فيا
روفان: واصلا شن في بينا 🥺 غير انك دكتوري وصديقي
شاهين: بس نحنا مش هكي
روفان: كيف
شاهين بيتكلم خش عليه رقم انتظار
شاهين:لحظه بس لنرد علي صاحبي خش انتظار
روفان بشك: صاحبك ولا بنت تانيه
شاهين ضحك: والله صاحبي انرد عليه وانكلمك
روفان: لا خلاص بنرقد تصبح ع خير
وسكرت
شاهين: مش وقتك بكل يا اسامه زعلت اهي
فتح الخط عليه
شاهين: مش ناوي اتخليني بحالي ساد عطيتك اختي بتشدها اتصالات في اخر اليل
الراجل: السلام عليكم
شاهين لحظ الصوت مش صوت اسامه: وعليكم السلام وين صاحب الهاتف
الراجل: شن تقربله
شاهين: صاحبي ونسيبي خيرا شن في
الراجل: والله انا واصحابي كنا امروحين في طريق القينا سيارتين امدايرين حادث مانعرفش اما واحد هو بس كان حادث كبير ورفعناهم لي المستشفى للاسف واحد منهم توفى في وسط العمليات والتاني خالته خطيره مزال ماطلعو منه الدكاتره انا مانعرفش اما واحد فيهم صاحب الهاتف ياريت اتجي لي المستشفى واتبلغ اهله انا لقيت رقم تاني اخر واحد متصل بيه هو اتصلت بس مايردوش عليا ياريت اتجي
شاهين بصدمه: علي اما مستشفى رفعتوهم
الراجل: مستشفى $##%
شاهين:تمام جاي
(كانت نفسها مستشفى الي يشتغل فيها شاهين)
لبس شاهين تشرته علي السريع رفع تليقونه ومفتاح السياره ونزل يجري خايف علي اسامه
طلع من البيت يجري
