فسَاد (مكتملة)

النـهـايـة

ما الّذي أصابَني ؟ أهو سِهام عشقُك؟ أم هو سِهام الهوس بحبك؟

* * * * * *

اليوم الثاني ..

فتح عيونه وكيف هي منفوخة من عقب صياحه وفضفضته لوحيد

وحيد عرف كل شي عنه

حط مبلغ وبعدين كتب بورقة " آسف "

وطلع وهو يتسحب بخفيف

فتح جواله وشاف رسايل من تليد ما قراها

بس كتب له " ابسافر بروح عند امي ، انتبه للشغل "

وفتح الحجوزات وشاف أقرب سفرة هي بالفجر

ومشى للبيت (بيت امه)

و يجمع لبسه

و عيونه رجعت تدمع

بيّن ضعفه لوحيد

و وحيد ما يستاهل واحد مثله

——

بعد سبع أشهر ..

نجم : وش بتسوي

مروان : محتار وش ألبس فادي

فادي اللي كان توه يمشي على رجليه ويحاول يوازن نفسه : دادا

مروان ابتسم : تعال حبيبي

نجم : لبسه ثوب احسن

مروان : أقول نسيت يوم طاح على وجهه بسببه

نجم : اليوم يوم ميلاده كمل سنتين ، وش حلو الثوب عليه

مروان : وأنت وش بتلبس

نجم : بدله عادية

مروان فتح عيونه : شف! يبي ولده يلبس ثوب وهو يبي يلبس بدلة!

نجم ضحك : وش فيك مشتط طيب ؟

مروان : المعازيم على وصول وأنتو ماجهزتوا

فادي عبس على مروان والتفت لنجم ورفع يدينه : دادييي

نجم أخذ فادي : خوفت فدوديي

فادي ضحك بدلع بسبب نجم اللي يدلعه بين يدينه

مروان : أقول جيبه بس ألبسه ، بس شاطر تدلع فادي والبابا حقه ساحب عليه

نجم ابتسم على حلطمة مروان وأعطاه فادي وبعدها أعطاه بوسة على خده

ما يدري مين البزر فادي وإلا مروان كلهم يطالبون بدلعه ودفى حضنه