فسَاد (مكتملة)

التشابتر الثالث

وعشقتُ مجنونًا يشهقُ بِ اسمِي

* * * * * *

استغرب داؤود بسبب انه تليد موقف في المطعم

تليد ابتسم لداؤود : جوعان مره من أمس ما أكلت شي وما أحب آكل لحالي

السايق نزل ونزل الكرسي المتحرك وجلس تليد فيه

تليد عبس : ترا بزعل اذا مانزلت تتغداء معي اعتبره شكر مني لك

داؤود : مشكور بس ما يحتاج

تليد : ترا بعلم امي عليك

نزل داؤود وهو منحرج من هالطفل

جلسو بالمطعم

تليد طلب له كذا شي ونفس الشي داؤود بعد ما أصر تليد عليه

داؤود: كيفك الحين ؟

تليد : الجبيره تحك مره ودي اشيلها

داؤود : طبيعي ترا بسبب انك اول مره تلبسها وان شاءالله اخر مره

تليد : ايه

لحظة صمت صغيرك بينهم

داؤود : تشتغل انت ولا ايش؟

تليد ابتسم: انا وأخوي مسويين بزنس صغير وقاعد يكبر

داؤود: ماشاءالله موفق

تليد : شكرًا ، وأنت وش تشتغل؟

داؤود: موظف بشركة خاصة لك عليها يعني

تليد : حركات

داؤود: ايوه

جاء اكلهم وبدو ياكلون

تليد : عندك حساسية من اي شي ؟

داؤود : لا

تليد ابتسم : زين لأن أغلب الاكل اللي هنا من اللي يتحسسون منها الناس

داؤود : و انت؟

تليد : بس من الأكلات البحرية من اشمها علطول اتحسس

داؤود : عاد الأكلات البحرية من ألذ الأكلات الي اكلتها

تليد سكت

بعد ما خلصوا دفع تليد و ركبوا السيارة

ورن جوال داؤود رد بسرعه من شاف بأنها من زوجته " زوجتي الحبيبة"

زوجته : طارت عليّ الطيارة بسبب فيزتك الغبية مو راضية تنقبل