فسَاد (مكتملة)

التشابتر السابع عشر

الحُب حلوٌ كالحلوى و مؤلم مؤذي ولكنّه سيجعلنا اقوى

* * * * * *

داوود " حلوي موجود؟"

راجح " ح- حلوي ؟ "

ورسل معها ايموجي مفتح عيونه وخدينه محمره

داوود " فيه احد حلوي غيرك؟"

راجح " لاتقول كذا "

داوود " افا ليش تستحي مني (؛ "

راجح " لاترسل ايموجي غمزة "

داوود " (؛ (؛ (؛ (؛ (؛ (؛ (؛ "

تليد ضحك من وراء راس داوود اللي انفجع

داوود : عيونك ليش تقرأ ليش؟

تليد : حسونه ما توقعت اخوك يعرف يتغزل بس غزله بزراني شوي

داوود : ليش غلط اني اناديه حلوي وصغيري ؟

حسن : لحظة بقيس حرارتك

داوود : خير وش فيه؟

حسن : لا مافيك حراره ، انت تتغزل!

داوود : طايح من عينكم انا؟ طيب ما رديتوا علي ليش لحجي اني اناديه حلوي وصغيري؟

تليد : امممم لا عادي يناسب بالنسبة لراجح عندك

داوود : راجح هادي ورزين مدري شلون عنده صديق مثل ذا

حسن : احنا قلنا لك تكلم عن راجح ؟

داوود رفع اصبعينه الاوسط : هذا لكم وتعرفون وش تسوون فيه

تليد : حسونه حبيبي ابي سيارتك بروح للام

حسن : ماتبيني اوصلك

تليد : لا حبي داوود قاعد لحاله واحسه بينهبل اقعد معه احسن بس بسوي له شغلة وبجي

راح تليد للامي

داوود رجع يذوب على الكنب بعد ما قرأ رسايله : عرفت شي زياده عنه انه يعزف بيانو هذا مثالي ولا غلطة

حسن : بجهز جوالي على الاسعاف اخاف يوقف قلبك

داوود : ههه سامج

ورجع يتكلم مع راجح ويحاول فيه يرسل اي شي من عزفه

حسن ابتسم وهو يشوفه يحسه صغر كثير وابتسامته الكبيره ولا مره شافه كذا كله مهموم بحياته