Khafa hai ae hawa kyu bata
kisi ne tera dil dukhaya hai?
Kya raaz hai aakhir esa
bade dino baad ye
manzar nazar aaya hai.
Dhoop me jalne ki aadat si hai,
tu kyun taap se hod lene lagi?
Jo raakh ho chuke hain tan saare,
tu kyun ab ek nayi or dene lagi?
Jo bhool chuke hain palkein
jhapkaana, unki aankhon me
aansu hain kyun tere aane pe...
Kyun chhaton pe khade kuch
muskuraa rahe hain tere unke
maathe ko sehraane pe...
Akele khade, aankhein band,
aaj khud ko kuch
pehchaan rahe hain.
Ek jagah khade khade kuch
aakash ki seemayein
laang rahe hain.
Kisine arse baad aaj kisi ko
khud se milwaaya hai.
Kya raaz hai aakhir esa
bade dino baad ye
manzar nazar aaya hai.
-Listless Awake
