نوفيلا مالك قلبها (الرواية الأولى من سلسلة هل سيرجع عن طريقه هذا)

كشف الحقيقة(البارت الاخير)

كل باب وإن طالت مقافله يوما له من جميل الصبر مفتاح

كم من كروب ظننا لا انفراج لها حتى راينا جليل الهم ينزاح

فاصبر لربك لا تيأس فرحمته للخلق ظن والامال مصباح 🌺💝

سيدرا : خلاص بقا قربنا نوصل وفجأة قامت سيلو برفع الغطاء من على عين زياد

زياد بانبهار : وااااو ايه ده كل ده عشاني انا

سيدرا واياد بحب : اكيد احنا عندنا كام زياد يعني

فقام بضمهم وهو يشعر بسعادة بالغة

بعد قليل ابتعد عنهم وهو يقول ببعض من الحزن

زياد : أنا بحبكم بجد كل ده اكيد سيلو هي اللي اختارت الديكور ده

وكمان إياد هو اللي عمل الكيك اللي بحبه

فابتسموا له دليل على صدق كلامه

ولكن اكمل زياد بحزن بالغ : تعرفوا انكم هتوحشوني اوي

أنا مش زعلان عشان هاموت انا زعلان عشان مش هشوفكم تاني

ثم اكمل ببكاء محدش يتكلم معايا اصبروا خلاوني اتكلم براحتي

أنا عارف انه ده ابتلاء يا سيلو بس كان نفسي اتخرج الأول

كان نفسي افتح الشركة اللي كنت بحلم بيها مش عشان انا ابن مالك وهفتحها عادي لا عشان بمجهودي وتعبي اقدر افتحها

تعرفوا اكتر حاجة زعلان عليها أية عشان هتحرم من حنانها زعلان مني وعليا

لاني هبقا السبب انها تبقا حزينة ومهمومة

إياد موقفا اياه : خلاص يا زياد انت هتعيش وهتبقا كويس وهتعمل كل اللي نفسك فيه

فبلاش كلامك ده لأنه جلد للذات

سيدرا : ايوة كلامه صح انت كويس يا زياد وأن شاء الله هتعمل العملية وترجع وهتبقا احلى من اول كمان

زياد : بس انا وانتي عارفين انه نسبه نجاحها ضئيل جدا

إياد بمزاح : ايه يا بني التشاؤم اللي انت فيه ده خليها على الله

زياد : ونعمة بالله

سيدرا : خلاص بقا بلاش كلام في الموضوع ده

وانت ثم وجهت كلامها لزياد هتبقا كويس

ويلا بسرعة الكيك سااااااح قالتها بصراخ

ولكن فجأة جاء من خلفهما صوت وهو يقول مين ده اللي تعبان وخايف كمان

الشباب بصدمة : مالك 🙀🙀

سيدرا بمزاح : لا وآية كمان

زياد بخوف من كشف أمره والآخرون كذلك

زياد بارتباك : ايه ده مالك وآية ايه اللي جابكم

قصدي انتوا كويسين مين اللي تعبان كله تمام مفيش حاجة