لعبة الإنتقام

البارت 3

رجعت ملاك للداربعدما سماطلها النهار نتاعها لاقاها رمزي عند الجنان قالها اهلا عسولتي لباس ردتلو لباس وانت صافا
كي شفتك وليت لباس ،حقا ملاك عندي ليك خبر يفرح .
وشنو هو ،قالها بلي فرع من شركة بن عمران تعرض للافلاس ،وكي يفلسو عادي اصلا دراهمهم النر ومتاكلهمش وضرك يقويوها وترجع كالعادة .اف منك ديما تقطعي الهدرة قتلك بلي اعلنت الافلاس ماشي تعرضت لازمة مالية ويحوسو يدخلو شريك ليها باش يزيدو الفروع نتاعهم وثاني راح يحكمها ابنو الصغير والمدلل كان فامريكا 10سنين وهو ثم كمل قرايتو وهاذي هي فرصتنا ،مفهمتش
ياك احنا رانا فالقمة عادي ولوكان ندخلو فيها ونمدولو الدعم راح تكوني قريبة ليهم بلبزاف وثاني نشدو عليهم حوايج كبار ولهذا قررت انا بابا نعقدو اتفاق للشراكة معاهم ورح تكوني انتي الرئيسة نتاعها ،كييييفاش مستحيل انا اصلا منحملش نشوف وجوهم فالصور والتلفزيون تحبني نشوفهم كل يوم وفالواقع ابدا ،فهميني كيفاش تحوسي تنتاقمي منهم وانتي بعيدة خمي فيها مليح لازم تنقذي الشركة وترجعيها اقوى مالفروع الاخرى وهكذا تكوني محل اهتمام تخيلي برك العناوين فالصحف والمجلات والاخبار وهكذا رح يجو لعندك برجليهم وقولي مقالها رمزي نتيا اقبلي برك وتشوفي نعاونك قد مانقدر ورح نكون وراك انا وبابا والفريق نتاعنا كلو رح يكونو معاك متنسايش انتقامك حطيه مابين عينيك فهمتي وضرك هيا ندخلو نتعشاو وفليل خمي مليح .
راح ادم للشركة نتاع باباه لقاه يستنى فيه قالو بلي حاب نختبر قدراتك وقرايتك باني نصبتك رئيس لشركةالانشاءو العمران ،بصح بابا هذيك شبه مفلسة ،وعلى هاذي مديتهالك واكيد رح يكون معاك مستثمر جديد حتان تقرر نتا شكون لانو تقدمو لحد الان 2مستثمرين خمم مليح يابرني وضرك هيا نروحو لدار انا تعبت وقتاش تريحوني ،متخافش بابا رح نكون عند حسن ظنك وان شاء الله منخيبش املك فيا .

نهار جديد ناضت ملاك لبست وجدت روحها باش تروح لشركة هبطت لتحت وفطرت مع العائلة نطق باباها وش قررتي ،قاتلو  بلاك ميقبلناش حنا متنساش بلي كاين مستثمر وحداخر ، معليهش بصح انا درت حسابي ورفعت سعر الاستثمار هكذا يكون عندنا امل كبير بلي حنا اللي نربحو ،عادي نجربو وش راح نخسرو .