واقفة عند حافة الجبل تخزر لبعيد كل يوم تجي لنفس البلاصة نقولو والفتها بصح اليوم وككل عام تحب تكون وحدها تبقى طول النهار ثما معندها وين تفرغ همها من 10سنين وهي تخطط للانتقام وملقاتش الوقت المناسب كلش متوفر عندها وكلش بالحساب بصح الخصم واعر بزاف اشهر المحققين فالبلاد ومحكمو عليه والو عندو قوة غير مستهان بيها كل ماتعمل مشكل تقول تغرقو يطلع كالشعرة مالعجين لكن هذي المرة خلاف رايحة تضربو فالصميم صح الطريق طويل ورح تتعب وتضحي بزاف بروحها ويمكن بأعز الناس ليها مش مشكل عندها الأهم انها تقضي عليه وثقتها فروحها وصحابها هوما اللي داعمينها .
مسحت دمعة من عينهاطاحت بعدما جفت دموعها مالبكاء طول 10سنين وهي تبكي كبرت غير وقت الشيء لعاشاتو متتمناه حتى لعدوها قطع تفكيرها صوت خطوات خفاف تكلمت معاه من غير متشوفو .
****:علاش ديما لاحقني يخي علابالك نحب نبقى وحدي محستش غير بيد جبدتها من ذراعها وتخبطت في صدر حسباتو حيط كون مسمعتش دقات قلبو طلعت راسها شافت شاب طويل وزين كور ديكور كيما يقولو وهي فكراتو رمزي فطنت على صوتو كي قال وقيلا عجباتك التحضانة نتاعي ،طبعاتو بكل قوة وبعدت عليه وقاتلو شكون انتا ؟وش تحوس من عندي ؟وعلاه جيت ؟....
****:تبسم على جهة وقالها وقيلا الحياة عندك ساهلة باش ضيعيها الناس تتمنى ترجع مالموت وتعيش الحياة وانتي مستهترة فيها عالاقل خمي فحبيبك اللي ديما لاحقك .
****:عاودت رجعت لبلاصتها وقعدت فالارض وقاتلو وفر نصايحك لروحك ومعندو مدخلك فيا .
عالاقل اشكريني لاني منعتك مالانتحار وقعد معاها ومنيش رح نخليك ديريها وخزر للمنظر اللي قدامو وتنفس بعمق وقالها محلاه هذا المنظر يرد الروح فالعباد ماشي يغمهم .
خزرت فيه بتفاهة وجات نايضة شدها من يدها وقالها رايحة لبلاصة اخرى تنتاحري فيها هههههه.
قاتلو ونتا واش دخلك وراحت تتافف وتلعن فيه .
أنت تقرأ
لعبة الإنتقام
Misterio / Suspensoجبتلكم قصة فيها كل انواع الألم الحزن وتضحية حب الإنتقام والكره . فتاة تنتقم فهل تستطيع انهاء الإنتقام ؟ -هل ستتخلى عن حبها من أجل الإنتقام ؟ ملاحظة :اي تشابه بين هذه القصة وغيرها يكون محض الصدفة فقط والكرونيك نتاعي من نسج الخيال وان شاء الله تعجبك...
