لعبة الإنتقام

تعريف بالشخصيات

ملاك بنت كبرت غير وقت الانتقام خلاها تكبروتعفس على مشاعرها تبان باردة من برا بصح حنينة ورقيقة مالداخل ذكية بزاف وتقرأ الانسان من عينيه وبالأخص الرجال دارت دراسة عليهم تعرف اللي نواياه مليحة ملي نواياه خايبة  بعد ماتو والديها واختها بابشع طريقة دارت الانتقام مابين عينيها تحرمت من حاجات بزاف بصح بابا ها مالك وماماها زهرة عوضوها كلش بالاخص رمزي وريحان عمرها20سنة

العم مالك راجل عندو شخصية طيبة وقوية رجل اعمال قدو قد روحو بصح خدمتو الاصلية نخليها غامضة رح تتعرفو عليها فالبارتات الجاية ربى  ملاك ملي كان عمرها 10سنين وعلمها بزاف حوايج علمها فنون القتال والدفاع ع النفس وبالاخص حمل السلاح رغم انو منعها اما اصرارها وعنادها خلاوه يرضخ لطلباتها ياما حاول ينحي فكرة الانتقام من راسها الاانو لقى روحو يعاون فيها عمرو 50سنة.
مرتو زهرة مرأة طيبة وحنينة تكره العنف والسلاح بصح طاحت فيهم بنها يخدم عميل سري وراجلها يعلم في ملاك السلاح ياما حاولت تبعدهم عليه بصح والو هي ثاني تكره العايلة اللي دمرت عايلة ملاك بصح معندها مدير مهمش غير هوما الضحايا الاف من الناس تمرمدو على يدين هاذي العائلة ،عندهم زوج ولاد وبنت ،ومع ملاك اللي يعتبروها بنتهم ثاني اصلا مسجلها باسمو ،عمرها 42سنة.

ابنهم رمزي شاب عاقل وطيوب ويحب خدمتو بزاف يخدم مع باباه فالادارة بصح يخدم عميل سري لمكافحة الاجرام والمخدرات عمرو 25سنة عندو خوه اكبر منو بصح مات وهو صغير هذا وش قالولو لخاطر كان عمرو3سنين بصح يشفالو لانو عندو ذكاء خارق ويحسب الف حساب لكلش ورث الذكاء من ابوه عندو زين يخلي اي بنت طيح في شباكو بصح هو معلابالو بحتى وحدة من غير ملاك وريحان ويماه ميهتم لحتى وحدة .

ريحان مدللة العايلة عمرها 12سنة ورثت الجمال من بوها ضحايكية الدار وتفهم حوايج اكبر من سنها

باقي الشخصيات رح نكملهم استناوني