حبيته وچنت طفله

بارت جديد 2

خلي احجيلكم عن فقدان الاب

.... أّلَکْأّتٌـبًهّ ميرال ال حمد

... خلي نرجع قبل عشر سنوات يعني من كان عمري اربع سنوات

خلي اعرفكم عن اهلي.

ابوي اسمه احمد عمره من بعد وفاة 37 يعني عمره 28 سنه مواصفاته حنطاوي على ابيض لون عيونه خضر طوله 187 وزنه 70 جان عصبي بس كلش حنون شغله ظابط.

نبدي بأحداث القصه

جانت حياتنه كلش حلوه بس تغيرت من بعد هذا اليوم المشئوم

امي جانت حامل بشهر التاسع يعني على باب ولده صار موعد ولدته يوم 2006/9/10 ولدت امي احلى بنوته الي هيه غزل جان فرحان بذيج اللخضه وره يوم من الولده رجعت امي لبيت جان البيت مليان فرح، وره ثلاث ايام من الولده اجه اتصال لـ بابا انو لازم يجي فورن ابوي راح على ماما وغزل يودعهم وبعدين اجه عليه ودعني وعلى صكر جان اخر يوم يكون ويانه

راح وره ست ايام اجى الخبر الي كسر ضهري اتصلو على امي من تليفون ابوي امي عباله ابوي

صديق ابوي: الو السلام عليكم

امي: وعليكم السلام ورحمة الله وبركاته منو ياي

صديق ابوي: ام صكر

امي: نعم تفضل

صديق ابوي: البقية بحياتج ابو صكر استشهد

غرام: توني نازله وجان اشوف امي متخربطه جان بوقته عمري خمس سنين بسرعه صحت صكر كتله ماما وكعت هو اجه ركض بهل أثناء اتصل الفون مره ثانيه جاوب صكر

صكر: الو منو

صديق بابا: راح يجوبون الجثه بعد شويه

صكر: ياجثه

صديق بابا: مالت ابو صكر

صكر: لك انت شنو كاعد تحجي

صديق بابا: الله يكون بعونك ابني والبقيه بحياتك

صكر: من الصدمه وكع التلفون من ايدي واني بحالة النهيار رحت على امي احجي وياه امي معقوله ابوي يعوفنه امي يعني هسه اني يتيم يعني راح سندي راح عامود بيته امي كومي احجي وياه خلي يرجع حبابه كومي خلي يرجع ماكاعد اصدك عافني قبل ايام جان يلعب ويانه ليش هسه راح كمت اصيح مو كلت اضل وياكم ليش هاا ليش عفتنه مااحس غير صوت غرام وهيه تبجي واتصيح ماما صكر ماما ماتكعد رجعت لحالتي واني اباوع امي متخربطه بوقته جان عمري 12 سنه بس مابين عليه 12 سنه بوقته ابوي علمني اسوق سياره واني بعمر العشر سنين فـ حاولت اشيل امي ماكدرت رحت على حارتنه مره جبيره تطلع بعمر الربعين سنه كتله خاله امي اتخربطة اجت المره تركض وياي ساعدتني اشيله واحطه بل سيارة وصلت المستشفى واني بحاله كلش صعبه بسرعه صحت الممرضين واجو اخذو امي لغرفة العمليات واني اتنظر وره شويه اجت الصدمه الثانيه طلع الدكتور وكال

الدكتور: ابني البقية بحياتك

صكر: شنو كاعد تحجي دكتور امي ماتموت

الدكتور: اجته جلطه دماغيه وصار عده نزيف داخلي فـ ماكدرنه ان سيطر عليه

صكر: يحجي الدكتور واني ابجي معقوله امي وابوي ماتو وعاوفني بهل أثناء اجو بيت جدي الي هم عمامي وجدي رايحين بس غرام وغزل بل بيت كاعد غرام كلتلهم انو امي تخربطت اجو حجو ويا الدكتور جدي خله واحد من عمامي ياخذني للبيت واني ماجنت اريد اروح اريد اضل لحد ما اشوف امي لااخر مره رجعت للبيت اول مادخلت اجت غرام تبجّي اتريد امي

غرام: صكر ماما وين اشو مااجت هاا

صكر: اخخخ خضنته وكتله ماما راحت ويا بابا

غرام: وين راحو هاا ليش مااخذوني

صكر: اجيت اجاوبه طلعت مره باوعت عليه وكالت

ام اسد: حبيبتي غرام ماما وبابا فوك مايكدرون يجون

غرام: خاله بس اني اريدهم خلي يجون حبابه

ام اسد: لاتبجي يروحي مو كسرتي كلبي والله تعالي جوه تعالي خلي انطيج شي

غرام: مسحت ادموعي ورحت وياه

صكر: دخلت لكيت زوجات عامي ام اسد وام زهراء
اباوع ام اسد اتسكت بغرام الي بس تبجي واباوع على ام زهراء الي اتحاول اتسكت غزل لان تبجي

بعد ثلاث ايام من الوفاء

صكر: بعد ماخلصت الفاتحه عمامي فتحو وياي الموضوع انو نعيش وياهم بل بصره

خلي اعرفكم على عمامي

عمي الجبير اسمه محمد عنده اربعه ولد وبنيه اسد الجبير عمره 18 وفهد عمره 17 وكيان عمره 16 وازد عمر 14 وفاطمه 5 سنوات طبعن هذا الحجي من عشر سنوات من اخلص تتعرفون على ابطال بل بارت الجاي

وعمي الثاني اسمه ايمن عنده بنات تؤم خمس سنوات الي هنه زهراء وبنان

طبعن احنه جنه عايشن بغداد وهمه بل بصره

صكر: خلصت الفاتحه واجو عمامي

ابو اسد: ابني صكر انتو لازم تجون اتعيشون بيت ابوكم بل بصره

صكر: هسه تذكرتو عدكم ولد ابن من مات مو تعالو عيشو ويانه وين جنتو من جانو عايشين

ابو اسد وابو زهراء: والله ياابني جنت انحبكم وانريدكم بس

صكر: بس شنو لان ابوي ماقبل ياخذ بنت عمك واخذ امي علمود هاي

الجد الي هو شيخ العشيره: صكر وغرام وغزل يروحون يعشون بل بصره هذا اخر كلام

صكر: حاضر شيخ، بابا جان يعلمنه انو نحتوم الي اكبر منه اذا راد شي فـ قبلت

طبعن مرت عمو محمد ومرت عمو ايمن كلش حبات وهتمن بغرام وغزل كلش عبالك بناتهن

هذا اختصار عن الي صار وياهم بل طفوله

انتضروني بارت جديد واحداث جديدة

باي

الكاتبه: ميرال ال محد