صلوا على سيدنا محمد
البارت الثالث
سميه ..عدي حلي فيش تراجي
منار..باهي فتحت الباب لقاته نزار عيطت و اضبطاته
نزار ضحك: كنك خلاص خليني نخش
منار..رايفنا عليك خزي متعبرنا حتى مكالمه
نزار..الله غالب مكنتش فاضي
منار..خش خش ماما شوفي من جا
امها طلعت من المطبخ ...منن هييي نزار وليدي وزغرطت كيف حالك وقربت وقعدت تبوس فيه وتسلم عليه وتسال فيهه .....
نزار..والله في موضوع هذا عليش خطرلي نروح
امه..مروح تبي مصلحه معنتها وضحكتت
نزار ضحك :لا مش هكي حاجه تفرحك
امه..باهي ي باتي قولي شنتبي
نزار..نبيك تخطبيلي
امه..زغرطت اخره :اليوم المبارك نعلي فرحانه كنت حاطه فبالي ريماس بنت خالتك لمَحتّ لريما هذك اليوم فرحت والله ملييون بنت تتمناكك
نزار..شويه يامي بطلي زغرطه ومن قالك نبي بنات خواتك العوانس
امه..مالا شنو
نزار..حقيت وحده وعجبتني نبيك تخطبيها ليا
امه..اجنبيه ههههيي عقاب عمري ولدي يزوج يهوديه
نزار..امي امي مش اجنبيه ليبيه
امه..ووين شفتها هذي
نزار..لما طلعت من عنكم مش قعدت يوم عند صاحبي وبعدها سافرت خلاص شفتها وهدرزت معاها ونبيها
امه..والله كان فبالي وحدات طول وسماحه وحرارهه مندري عليها لجايببها هذي شن طبعا ولا كي....
نزار.امي معش طولي الكلام بكرا انجيكم وتو ندوي لباتي
امه...الله غالب شن بندير لا حول الله وخلاص منين طلعتيله وكيف بكرا نجيكم متبيش تقعد هنا ....
لجين... اعع شن بكرا شن كيف بنرفض توا انا
نور..قولي لا
لجين..واللهيي تي قلتها لماما قالتلي لا احسنلك وخيرلك ومش عارفه شنو تسحاب روحها تعرف تقنع
نور ضحكت..امك يكلبه
لجين..انتي لكلبه
تاليا..ارضي بامرك الواقع
لجين...نننن انتي اسكتي متقوليش فحاجه كويسه بكل لا عرفت شن بندير بنطلعله فنظره الشرعيه ونهدده اهاا عرفت تو نعدي نرن بمنذر نفهم منه وخذت تلفونها وطلعت رنت عليه لقاته مقفل عرفاته راقد
............
منار..باهي شن حكالك عليها شن قال
امه..والله مقال حاجه حتى اسمها ماقاله
منار..تو نعدي نستفسر انا
امه..عدي
منار..نزوري
نزار..شتبيي
منار..احكيلي عليها عروستنا
نزار..تو تحقيها اطلعي
منار..تلز فيا
نزار..اها برا
منار..دور من يديرلك وكال عقاب اليل باهي
نزار.باهي
منار ..كلب وردت لامها ..مقال شي
امه...تو كيف بنعدي لناس نعرفهمش
منار..ومنين بتعرفيهم اصلا عدي وخلاص يماما
فليل نزار حكا مع باته ووافق باته وامه مش عاجبها لكن شن بتقول اختيار ولدها مش حتوقف فطريقه ومنار فرحانه تسحاب العروسه بتقعد معاها ....
.......
كلهم مقعمزين برا الشباب والبنات
نور ..تاليا خلينا نركبو نقرو مش خيرلنا
تاليا..كنك انتي جايتك علقرايا حتى اكتر مني
نور ضحكت :عديتيني
معتصم فطن لنور وهيه تضحك ابتسم وجا تلا لجين
معتصم...صار بتسيبينا
لجين..من قالك
معتصم ضحك..كنكك
لجين..مش موافقه
معتصم..وعليش كويس راه
لجين..نا عندي مش كويس
معتصم..ع راحتك
لجين..اكيد عراحتي خطرها عراحتي بنرقد نعسانه من مبدري
معتصم..عدي ارتاحي
لجين..نعدي نرتاح
تاليا..وين ماشيه
معتصم..تعدي ترتاح وضحك وصبا وراها
ونور حتى هيه كانت تبحت فمعتصم لما ضحك
تاليا..اويييي
نور..نعم
تاليا...امتى بتنهي هالهزله انتي
نور...كيفف
تاليا..نور نعرفك تحبيه
نور..اسس اسس يسمعوك
تاليا..صبي نحكو فوق
نور..لالا خلينا هنا ومعش تفتحيه لموضوع هذا
أنت تقرأ
وهـــــــم
Romanceوهل ستحبني لو أخبرتك أن السير معي ليس بنجاة إنما غرق وضياع ؟ •••••••••••••••••• نزار..حتوافقي رؤى..واللهي ماني موافقه وتو نعدي نحكي لانور تو وصبت بتطلع نزار كرها من يدها..عدي قولليله بيش نوريه اخته المحترمه المتربيه كم واحد حاكيه معاه وضاحكه عليه ب...
