السلام عليكم حبايبي
بارت طويل ان شاءالله يعجبكم
4100كلمه
اعذروني على الاخطاء الأملائيه
________________________
بعد ما وصلت شوق و الشباب لمبنى السكن كل واحد راح شقته يرتاح ويكملون نومهم لان جو للمدرسة بوقت بدري مره
تصحى من النوم على صوت تسكير باب الغرفة ناظرت فراش سطام وكان مرتب بس مهو موجود شافت الساعة بجوالها و كانت 2 الظهر قامت تغسل وجهها وتلبس طلعت من الغرفة لقت الشقة فاضيه فتحت جوالها وارسلت لقروب الشباب
شوق: (وينكم مختفين ما في احد بالشقة ؟!)
محد شاف رسالتها قوست شفتها وحطت جوالها بجيبها طلعت من الشقة تجيب لها مسليات من السوبر ماركت نزلت من السكن وكان فيه بعض الطلاب الي يتمشون ويضحكون والي جالسين بالكراسي يسولفون حطت السماعات بأذنها وشغلة اغاني وصلت السوبر ماركت اشترت لها كم شي ورجعت للمدرسة كانت تمشي
بالحديقة الخلفية متوجهه لسكن وتأكل أسكريم وقف قدامها رماح وكان جسار وحازم وراه ناظرتهم وما اهتمت لهم لفت تبي
تتعداهم بس رماح حط يده على كتفها يوقفها
رماح بابتسامه لعوبة: ما عرفتنا عليك يا حلو وش اسمك؟!
شوق وهي رافعه حاجبها على أسلوبه ردت عليه بنفس نبرته: الحلو يمديه يلعن شكلك فارق بالله
حازم وهو يحاول يكتم ضحكته: والله على طولك هذا اشك
صراحه لو نفخت عليك طرت
شوق جلست تناظر رماح من فوق لتحت وهي رافعه حاجب
رماح حسها جالسه تهينه وتنقص من قدره بنظراتها: اذا
اسيادك كلموك "حط يده على راسها ينزله" تنزل
راسك للأرض وما تناظرهم كذا
شوق تنرفزت منه بحركة سريعة شبكت اصابعها بأصابع رماح وطعجت يده على ورا تكلمت بصوت شبه عالي جاذبه
انظار الطلاب الي كانُ جالسين قريب منهم ومن ضمنهم شلة
محمد: حثالة المجتمع يخسون يصيرون أسياد حركات الابتدائي بطلها كبر الجدار وللحين تتنمر لا تفكر للحظه اني
بخاف منك انت واشكالك
حازم عقد حواجبه من كلامها وحركتها قرب بسرعه يبي يلكمها بس استوقفته اليد الي دفته على ورا بقوه كلهم ناظرو لشخص
بصدمه كان محمد واقف جنب شوق والشرار يتطاير
من عيونه وباقي الشلة واقفين ورا شوق
محمد بنبرة غضب: خلك بعيد عنه يا رماح
رماح يمثل الحزن: حمود اخيراً شفتك ما تتصور وش كثر
مشتاق لك
محمد يناظره بنظرات اشمئزاز: للأسف شعور من طرف واحد
شوق قلبت عيونها وكانت بتمشي بس رماح مسك يدها
ورجعها قدامه
