fairy's love story (နတ်သားလေးရဲ့ချစ်ပုံပြင်)||Complete

အမြဲမက်နေတတ်တဲ့အိမ်မက်ဆိုး

Unicode

*ဂျောက်ဂျက်.. ဂျောက်ဂျက်... ဂျောက်ဂျက်*

နာရီရဲ့စက္ကန့်ရွေ့လျားသံတွေပြည့်နေတဲ့ အခန်းလေး အဲဒီအခန်းထဲမှာအိပ်ပျော်နေတဲ့ကောင်လေးတယောက်..

'နင်က မကောင်းတဲ့ကလေးတယောက်ပဲ နင့်ကိုငါသတ်ပစ်ရမယ်'

"မလုပ်ပါနဲ့"

ဓားနဲ့ချိန်ရွယ်ထားတဲ့လက်တစုံဟာ သူ့စီကိုဖြေးဖြေးချင်းရွေ့လျားလာလေသည်.. သို့သော်လည်းခန္ဓာကိုယ်တခုလုံးကနည်းနည်းလေးမျှပင်မရွေ့.. တဖြည်းဖြည်းချင်းစီနီးကပ်လာတဲ့ ခြေသံတွေနဲ့အတူ စကားပြောသံတွေဟာလည်းပဲ့တင်လာလေသည်..

'နင့်ကိုငါသတ်ပစ်ရမယ်'

"မလုပ်ပါနဲ့"

ချိန်ရွယ်ထားတဲ့ဓားကိုသူ့စီထိုးစိုက်ခံလိုက်ရတဲ့အချိန် မှိတ်ကျသွားတဲ့မျက်လုံးတစုံနဲ့အတူကြားလိုက်ရတဲ့အသံတစ်သံ..

*တောက်..*

သွေးစက်လေးတွေတစ်စက်ချင်းစီမြေပြင်ပေါ်သို့ကျရောက်လာခဲ့သည်.. သူ့ရဲ့မျက်လုံးတွေကိုဖွင့်ကြည့်လိုက်တော့ဝေဝါးနေတဲ့မြင်ကွင်းတခုနဲ့အတူ မြင်တွေ့လိုက်ရတဲ့တောင်ပံတစ်စုံ..

"မင်းဘယ်သူလဲ"

ထိုသူ့ကတော့သူ့ကိုပြုံးပြရင်း..

"ဘာမှမဖြစ်ဖူးနော်.. အိပ်လိုက်တော့ နိုးလာရင်အကုန်လုံးကအိမ်မက်တွေဖြစ်သွားလိမ့်မယ်.."

ထိုသူကသူ့ကိုပြုံးပြနေပေမဲ့ ထိုသူ့ရဲ့ပုခုံးပေါ်မှာစိုက်၀င်နေတဲ့ဓား အဲဒီဓားဒဏ်ရာကစီးကျနေတဲ့သွေးစက်တွေ.. ထို့အတူသူ့ထံရောက်လာတဲ့အတွေးတခုနဲ့အတူ သူ့ရဲ့ကမ္ဘာဟာအမှောင်ကျသွားခဲ့ရတယ်..

"ခင်များဘယ်သူလဲ.."
.
.
.
.
.
.
.
ဂျန်းကု အိပ်ယာပေါ်ကနေ ထိတ်လန့်တကြားနိုးလာသည်.. နာရီကိုကြည့်လိုက်တော့6နာရီ10မိနစ်.. ဂျန်းကုအသက်ကိုခပ်ဖွဖွရှူလိုက်ရင်းရေချိုးခန်းစီသို့ဦးတည်လိုက်သည်..

"ကိုကိုရေ..."

အခန်းထဲ၀င်လာတဲ့ ညီမဖြစ်သူ အန်နာကို ဂျန်းကုပွေ့ချီရင်း သူမရဲ့ပါးလေးတစ်ဖက်ကိုအသာနမ်းရှုံ့လိုက်သည်.. ထို့နောက်သူမလေးကို ဝှီးချဲပေါ်တင်ရင်း ဆေးရုံစီသို့ဦးတည်သွားလိုက်သည်..