معاناة الحب//مكتملة//

البارت التاسع

كانت هاله تتصل على شهد لـ تأتى معهم وبالفعل جاءت لـ تشترى اشياء لـ نسرين

يمنى:
_بقولك يا شهد

شهد:
_ايه عايزه ايه

يمنى:
_دلوقتى هو ايه الفرق فى انى انزل اشترى لوحدى الحاجه وانزل مع كريمه

شهد:
_يمنى بصى انتى لو نزلتى لوحدك فى احتمالين الاحتمال الاول وهو انك تتسرق و بحالتك دى وغبائك دا فهتخلى السرقه اسهل الاحتمال التانى وهو انك هتجيبى للبياع شلل بغبائك

يمنى:
_طب متشكرين بس بلاش الاهانه

شهد:
_يمنى بالله عليكى لتبعدى عن وشى لانى مش طايقه حد

يمنى:
_مالك يا شهد مش على بعضك

شهد:
_لا ولا حاجه

يمنى:
_مالك يا شهد وقولى

شهد:
_هقولك بعدين

يمنى:
_طب انا راحه اشترى حاجه لماما

شهد:
_روحى

ذهبت يمنى لـ تشترى طماطم مثلما قالت كريمه ويجب ان تفاصل مع الرجل

يمنى:
_الا قولى يا حج هو الكيلو بكام

الرجل:
_بخمسه جنيه

يمنى:
_لا يا حج دا انا جيباه من عند الست الى فى اول الشارع الاتنين بعشره

الرجل:
_طب وايه الفرق فى كده

يمنى:
_ايه هو مفيش فرق ولا ايه

الرجل:
_للاسف مفيش فرق

يمنى:
_ليه مفيش فرق ليه

الرجل:
_حضرتك انا بقولك الكيلو بخمسه و انتى بتقولى الست الى فى اول الشارع بتبيع الاتنين بعشره ولو قسمنا العشره هيطلع خمسه ولو قسمنا الاتنين هيطلع واحد وبكدا هيكون الكيلو بخمسه و بعدين الست الى فى اول الشارع بتبيع فاكهه مش خضار

يمنى:
_احلف

الرجل:
_والله

يمنى:
_ على فكره انت لو اشتغلت مكانى هتاخد مرتبه عاليه جدا دا انتى اذكى مني

الرجل:
_ولا ذكى ولا حاجه انتى الى غبيه بس

يمنى:
_بص عشان نبقى متفقين انا دلوقتى هاخد كيلو الطماطم بـ تلاته ونص عشان امى ما تضرينيش

الرجل:
_تاخدى كيلو الطماطم ببلاش ومعتيش تيجى خالص