💎مكتملة💎
❌حصرية على الواتباد ❌
#ممنوع_النشر_دون_أخد_إذني_وذكر_إسمي
هاي طاحت فبالي بالزربة وكتبتها بالزربة
قصة مغاداش نقول مرعبة قد ما نقول اتاخدو منها عبرة
قصتي كاملة مكمولة فيها 4 أجزاء قصيرة تكملوها فخمسة الدقايق ومنها نيت تدوزو بيها الليل
قص...
😈أنت لي 😈 👹نسرين والجن العاشق👹 ✒️: Zineb Mos 🕸️الجزء :2🕸️
واحد الليلة فقت من النعاس كنغوت وأنا خايفة من مهدي لي كان شاد لي فإيدي وكيقول "نتي تاعي بوحدي" .. باقا الحلمة مأثرة فيا وخايفة حتا كنهز راسي وكنلقاه واقف حدا ناموسيتي وكان كيبان فيه معصب هو دابا كاين فبيتي وانا فايقة مكنحلمش .. ولكن كيفاش تحولات الأحلام تاعي لحقيقة ولا فالأصل مكانتش أحلام!!
خرجت بالزربة هاربة من البيت وانا ممصدقاش داك الشي لي شفت .. مشيت عند ماما وقلت ليها كلشي لي وقع معايا قرات عليا القرآن ودوزات عليا الملحة وهيا كتقرا المعوذتين وقالت لختي تبقا تبات معايا حتا يمشي مني هاد الخوف ... وفعلا من داك النهار وختي إسراء كتبات معايا ومبقيتش كنشوف مهدي لا فالواقع ولا فالحلم
ولكن كان حل غير مؤقت وماشي دائم .. هو ممشاش ومخلانيش فراحتي كان ديما قريب مني كنت كنحس بيه شحال من مرة واخا مكنشوفوش كان كيخلعني بأي طريقة .. كنت كنشوف شي ظل كيتحرك حدايا .. واحد النهار كنت جالسة انا وماما وبابا وختي إسراء فالمراح كنتعشاو حتا كنسمعو صوت المسيقى جاي من بيتي فاللول كان الصوت ناقص بقا غادي وكيتجهد حتا طفا فخطرة انا تخلعت حيت كنت شبه متيقنة بلي مهدي هو مول هاد الفعلة ولكن عائيلتي مداو مجابو ومعطاوش للأمر شي أهمية كبيرة
🕸️يتبع.....
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
