😈أنت لي 😈
👹نسرين والجن العاشق👹
✒️: Zineb Mos
🕸️الجزء :3🕸️
واحد النهار كانت ماما وبابا وإسراء عند جداتي وأنا ممشيتش معاهم بحكم أني كنت قارية فالعشية وهوما كانو غيتعطلو ويجيو حتال الليل هادا علاش طلبت من شي صحباتي يجيو معايا للدار ويبقاو معايا
كنا جالسين كنتفرجو فالصالون فأمان الله حتا بدينا كنسمعو صوت شي راجل كيهدر فالطواليط حاشاكم بدا الصوت كيرتفع كثر وكتر وهاداك الصوت كان فايت سامعاه او بالأحرى كنت عارفاه ولكن كنكدب راسي
هزات وحدة من صحباتي التيليكوموند نقصات الصوت للتلفازة باش نتأكدو حتا كنسمعو كيقول "نتي تاعي بوحدي" قفزت من بلاصتي كنغوت .."هو هو مهدي " صحباتي مسمعو والو واستغربو من التصرف تاعي بداو كيسولوني مالك شكون هاد مهدي ... وباش ميعيقوش بيا وميعرفو والو ويتخلعو حتا هوما ويمشيو اخليوني بوحدي درت ضحكة صفرا "هيهيهي لا والو غير تفكرت واحد الحاجة كانت وقعات معايا وعرفت بلي ولد جيرانا مهدي هو مول الفعلة صافي والو نساو" ... محكروش عليا بزاف ودارو كملو الفيلم وانا الخلعة كتاكل فيا
بدا الظلام كيطيح وعائيلتي باقي مرجعو وصاحبتي اللخرة قربات حتا هي تمشي باباها مخلاهاش تبات معايا ... مشات وبقيت بوحدي فالدار كانت الساعة 10 تاع الليل بدا كيجيني النعاس وبالأخص هاد الأيام مبقيتش كنعس بكري من نهار وليت كنخاف فيه مهدي ..ولكن فاللخر مقديتش نزيد مازال نقاوم استسلمت للنعاس مشيت لبيتي ونعست وياريتني منعستش رجعت شفت مهدي مرة أخرى فحلمي ... كنت كنشطح معاه بزز مني وهو كان شاد فيا ومزير عليا وكيهمس ليا فودني بواحد الصوت مخيف وكيشبه لفحيح الافعى "نتي ديالي ومغتكوني لحتا واحد من غيري"
🕸️يتبع.....
أنت تقرأ
أنت لي "نسرين والجن العاشق" 🦋مكتملة🦋
Horror💎مكتملة💎 ❌حصرية على الواتباد ❌ #ممنوع_النشر_دون_أخد_إذني_وذكر_إسمي هاي طاحت فبالي بالزربة وكتبتها بالزربة قصة مغاداش نقول مرعبة قد ما نقول اتاخدو منها عبرة قصتي كاملة مكمولة فيها 4 أجزاء قصيرة تكملوها فخمسة الدقايق ومنها نيت تدوزو بيها الليل قص...
