روايه باستثناء وجودكم ل آلاء مسعود

باستثناء وجودكم ل آلاء مسعود

باستثناء وجودكم 🌺♥ "
الحلقة " 5 " ♥
•
•
•
•
•
•
•
•
فريده : اللي واقف ده !
محمد : ايوة هو
فريده : اي الهبل ده ، ده مشافنيش غير تلت مرات والمره الرابعه دلوقتي !!
( يحرك محمد شفتو بانو ميعرفش حاجه ، تطلع فريده وهي ملاحظه عيون حسن متابعاها لحد متطلع .. يفضل شاغل دماغها لحد ما م التعب تتخنق وتنام )

--------------

( تطلع ليلي البلكونه وهي بتشرب تلاقي احمد جارها ف وشها تكح وتكب كل المايه اللي ف بوقها وتشرق وتفضل تكح )
ليلي : الله يخربيت شكلك الواحد عايز يعزل من ام المنطقه بسببك
احمد : مساء الخير يا ليلي
ليلي : مساء الزفت ي احمد
احمد : لسه متحاسبناش ع اخر مره خلي بالك
ليلي ( وهي بتدخل ) : الحساب يوم الحساب اما ربنا ياخدك نبقا نتحاسب !
( وتدخل تقفل البلكونه ف وشو )
ليلي : ناقصه حرق دم !
-------------

( واقفه دهب في اوضتها وباصه لنفسها قدام المرايا وبيتردد ف دماغها كلام عبدالرحمن اللي قاله بصيغه هزار بس الكلام غرز في قلبها زي السهم ، تدمع عنيها ويتحط ف دماغها انها وحشه وانها تخينه مع ان شكلها جميل والناس بتحبها علي ماهي عليه ، تنام وهي مخنوقه ويعدي اليوم وتصحي تاني يوم الصبح تنزل تجيب الفطار ومصحباها نظرات غريبه من اهل بيتها لانها اول مره تجيب الفطار من تلقاء نفسها ، ماشيه وباصه ف الارض بتحاول تداري عنيها اللي وارمه من العياط .. متاخدش بالها من العربيه اللي ماشيه جمبها وقبل ما تخبطها يسحبها مازن من دراعها )
مازن : ي ست اصحي مش ناقصين مصايب 😂😂
( تبص حواليها وترجع تبص ف الارض وتسحب ايديها )
دهب : شكرًا يا مازن
( وتيجي تمشي يحس مازن انها مش عاديه ف يمشي وراها ويوقفها )
مازن : دهب مالِك ؟
( تكمل مشي وهي باصه ف الارض يروح يمسكها من ايديها ويقفو علي جمب بعيد عن الناس )
مازن : دهب بصيلي ؟!
( تبصلو يلاقي عنيها حمره مدمعه وتحت عنيها اسود ، يتعجب من حالتها المفاجئه لانو شافها قبلها بيوم وكانت كويسه والبهجه ماليه وشها ، ميحسش بسكوتو اللي طال وميحسش بايدو اللي مسكت ايديها وعنيه اللي باين فيها الخوف والخضه )
مازن : مالِك يا دهب متخوفينيش
دهب : مافيش يا مازن مالي
مازن : مش شايفه شكلك عامل ازاي ومش مركزه خالص
دهب : مش نايمه كويس بس
( تحس بنظرتو ليها انو عارف انها بتكدب ف ترجع تبص بعيد )
دهب : انا همشي عشان اجيب الفطار هتأخر كده
مازن : هتصل ب طارق يمشي معاكي مش هطمن تمشي لوحدك تاني
دهب : يا مازن انا كويسه متخفش عليا
مازن : خلاص هاتي الفلوس وقوليلي عايزة تجيبي اي وانا هجيب
( تفضل بصالو بأرهاق )
مازن : ياستي هاتي مش هاخد الفلوس واهرب انجزي 😂
( تبتسم دهب وتديلو الفلوس وتقولو علي اللي هي عيزاه وتفضل واقفه ف الضل بعيد ، يرن عليها عبدالرحمن تعمل التليفون صامت وتفضل واقفه بخنقه ، ترمي بنظرها بعيد تلاقي مازن بينط وبيضرب ف الناس علي طابور العيش وتفضل واقفه مسخسخه ضحك عليه لحد ما يعدي شوية وهي باصه عليه ويرجعلها تاني متبهدل )
مازن : انا بقول نقطع علاقتنا ببعض دلوقتي احسن ما نقطعها بعدين 😂
دهب : يعني كان هيرضيك اقف انا اتطحن وسط الناس دي كلها 😂
مازن : ماهو المصيبه أنو ميرضينيش الواحد عشان يعمل خير ف البلد دي بيتنفخ 😂
دهب : بقولك ايه متخلنيش اتعصب عليك ع الصبح اما تشوفني تاني ابقا اعمل متعرفنيش 😂
مازن : مقدرش 😂
دهب : لا إله الا الله شوف متناقض ازاااي !!😂
مازن : ياستي بهزر تعبك راحه بالهنا والشفا 💙
دهب : تسلم يا مازن انت جدع اوي والله 💙
مازن : مش هتقوليلي ايه اللي مزعلك بقا
( تسكت دهب وترجع تدمع تاني )
دهب : انا شكلي وحش عشان مليانه صح ؟
مازن : مين اللي قال كده
دهب : محدش بس انا بدات اتضايق من شكلي وكنت بفكر اخس
مازن : انتِ زي القمر يا دهب واللي شايف غير كده يبقا مش بيشوف اساسًا ، اتأكدي ديما ان مافيش حد زيك وانك مختلفه عن كل الناس واتأكدي انك في كل حالاتك زي القمر ❤
دهب : شكرًا ع المجامله ياعم
مازن : دي مش مجامله يا دهب ، انا عيني مبتشوفكيش غير كده فعلا !❤
( يلاحظ نظرة استفهام ف عنيها ف يحاول يمسك نفسو ويحاول يصلح اللي قالو )
مازن : انا وكل اللي بيحبوكي يعني ، بس والله ما بجامل ❤
( تبتسم دهب وتطبطبلو ع ايدو )
دهب : تسلملي يا مازن ربنا يخليك ليا يارب 💙 انا هطلع بقا عشان زمانهم مستنيني
مازن : يلا سلام
( تشاورلو وتطلع ، يستناها تطلع ويمشي ويبتسم غصب عنو ع الكلام اللي بيخرج منو تلقائي ومش قادر يتحكم فيه بس هو متاكد أن كل كلمة قالها خارجه من قلبو ويمكن كلام اكتر منو بكتير متخزن جواه بس مجتش الفرصه انو يقولو .. )