روايه باستثناء وجودكم ل آلاء مسعود

باستثناء وجودكم ل آلاء مسعود

باستثناء وجودكم 🌺♥️ "
الحلقة "3" ♥️
•
•
•
•
•
•
•
•
ليلي : يا نهار اللي جابوك اسود !!!
احمد : ليلي انا اسف مكنتش اقصد امسك ايدك بس انا لما بنادي عليكي مش بتردي ليا !
ليلي : ما ماردش عليك انا حره يا اخي مش طيقاك انما تمسك ايدي بالشكل ده لا هنا وتقف بقا !
احمد : ليلي وطي صوتك احنا ف نص الشارع مكانتش مسكة ايد يعني !!
ليلي : ده هيقولي مكانتش مسكة ايد ده انت يومك مش معدي انهارده !!
( يكون مازن معدي رايح الكلية يسمع ليلي بتزعق ف يجري عليها وطارق يكون راجع البيت بس يشوفهم يجري عليهم برضو )
مازن : ايه يا ليلي فيه ايه
طارق : صوتك عالي ليه يا بت انتي في ايه
( وداخل علي احمد علي طول ف تبعدو ليلي )
ليلي : سيبلي انا الطلعه دي يا طارق
طارق : انطقي يا بت انا مش اراجوز واقف ايه اللي حصل
ليلي : البيه مسك ايدي وبيقولي وطي صوتك مكانتش مسكة ايد ! 🤷‍♀
( يبصلها طارق ويمسك ايد احمد جامد )
طارق ( وهو بيتصنع الغضب ) : رِچال وبيدور علي حج اخوه هذا حجو ! ، بس مش من حجك تمس يد حورمة عندينا ..
( يسكت الكل مره واحده ويبصو لطارق بنظرة استخفاف )
ليلي : سي احمد عز معلش هقطع عليك تصوير مشهد فيلم المصلحه ، ممكن تمشي عشان مهزقكش انت كمان ؟!
دهب : والمصحف تستاهل انت كاسفني ف كل حته كده 😂
مازن : خلصنا هزار نتكلم جد شوية بقا ( ويقف قدام احمد ) عايز ايه منها
احمد : وانت يخصك ف ايه انا عايز اكلم ليلي هو انت اسمك ليلي وانا معرفش !
مازن : لما يبقا ف رجالة واقفه معاها يبقا توجه كلامك ليهم مش ليها
احمد : هما فين الرجاله دي مش شايفهم !
مازن : انا هوريهملك يا روح امك !
( وبسرعه يديلو مازن بالدماغ ويوقعو ع الارض ويضربو بالبوكس يجي واحد من صحاب احمد يجري عليه عشان يضرب مازن يجري عليه طارق ويضرب فيه يبص عليهم مازن يروح احمد ضارب مازن بالبوكس مرتين يسلكو الناس بينهم وليلي ودهب وفريده واقفين قاعدين يصوتو وليلي تدخل بين الناس تشد مازن ودهب تروح تجري وتشد طارق ويروحو عند دخلة بيت ليلي وتروح فريده تجيب مايه وليلي ماسكه قطنه بتمسح الدم اللي علي وش طارق ودهب بتساعد مازن )
طارق ( بوجع ) : اااااه ما براحه يا جاموسه انتي !
ليلي : لو اعرف الموضوع هيكبر كده كنت عديتها والله مكنش هيعملي حاجه عشان انا بنت
مازن : عيب تقولي اعديها يا ليلي انتي وراكي رجالة
طارق : ايوة وراكي رجالة اااااه يخربيت ايدك دي !
فريده : ياعم اتنيل وبعدين المفروض ان دي خناقة داخل عاملي فيها احمد عز ف المصلحه ! 😂
طارق : طب والله المشهد لايق 😂
( تمسك دهب اللزق الطبي وتلزقو ع تعويرة مازن ف يتوجع شوية )
دهب : اسفه وجعتك
مازن : ولا يهمك موجعتينيش ولا حاجه
( تكمل وتمسحلو وشو تتقابل عنيهم ويفضلو باصين لبعض كام ثانيه ف تتكسف دهب وتسيب وشو وتديه مناديل يبتسم وياخدها منها ويبصو لبعيد )
ليلي : بس طلعت رجولة ياض يا مازن طول عمري اقول عليك جدع اه بس انهارده اثبتلي انك راجل شهم وسند بجد تسلملي يسطا 🖤
مازن : عيب يا ليلي انتي اختي واللي يقربلك كأنو قربلي بالظبط
طارق : احم احم مش سامع اسمي ف الحوار يعني 😒
فريده : ياشيخ اتنيل انت عملت ايه 😂
طارق : عملت ايه ! ولما انا معملتش حاجه ايه اللي ف وشي ده ! شربات !
مازن : انت دافعت عني يسطا مكنتش هعرف اصد ع البغلين دول لوحدي 😂🖤
ليلي : رغم انك تافه ومُهزق بس رجولة ياض انت كمان مش هنساهالكو عُمري
طارق : يا جماعه ده واجبي والله كفاية مدح ☺
دهب : مش هيهدي علي نفسو انهارده 😂
فريده : طب ايه احنا اتأخرنا اوي ع الدرس وده اول يوم ها 🙂
ليلي : الله يخربيت شكلك انا نسيت خالص !
فريده : اديني فكرتك ياختي يلا بينا
ليلي : لاموأخذه يا رجاله بقا متأخرين ، يلا سلام
( ويجرو ويفضل مازن باصص علي دهب وهي بتمشي لحد ما تختفي )
طارق : انا طارق
مازن : وانا مازن ، جار ليلي من زمان بس لسه راجع من السفر
طارق : وانا اخو دهب صحبتها بس بعتبرهم هما التلاته اخواتي
مازن : تسلم ع انك دافعت عني انهارده 🤝
طارق : علي ايه يا عم انا معملتش حاجه ، قولي انت ف كلية ايه بقا
--------------