اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
باستثناء وجودكم 🌺♥ "
الحلقة " 13 " ♥
•
•
•
•
•
•
•
•
نسرين : مقولتليش بقا اي حكايتك مع البنت اللي عامله شبه الرجاله دي
إياد : نسرين ! اتكلمي عن ليلي بطريقه احسن من كده فضلًا عشان مقلبش تاني !
نسرين : خلاص خلاص ، قولي اي حكايتك معاها
إياد : ميخصكيش واصلا ... احيه ده انا نسيتها خالص !
( ويسيبها إياد ويطلع علي بره يدور يلاقي المجموعه كلها مشيت ، يتصل عليها متردش عليه ف يبعتلها رساله متردش .... )
دهب : خلاص بقا يا مازن متزعلش مني متبقاش حمقي كده
مازن : انتي مبتشوفيش المشكله غير من ناحيتك انتي يا دهب مبتعترفيش بغلطك
دهب : طب خلاص انا اسفه بقا
مازن ( ويبتسم ) : خلاص مش زعلان بس متكرريهاش تاني
دهب : اوعدك ( وتسرح وتتكلم ف سرها ) تقريبًا ..
فريده : خلاص يا عم روميو وچوليت اتصافيتو 😂
مازن : ايوة ياختي اتصافينا احنا ملناش غير بعض اساسًا 😂
فريده : اه يا خاين من اولها بعتونا انا والغلبانه دي ومبقاش ليكو غير بعض 😂
مازن : صح هي الغلبانه دي مالها كده انهارده فيها اي
فريده : مش عارفه
دهب : كانت كويسه الصبح
ليلي : انا كويسة يا جماعه مافييش حاجه
مازن : مُتأكده ؟
ليلي : اه تقريبًا كده
مازن : تقريبًا ؟ مالك يا بت انا مش مطمنلك 😂😑
ليلي : خلاص يا مازن مافيش حاجه انا هطلع اقعد مع العيال شوية بقالنا كتير ملعبتش معاهم
( وتطلع ليلي )
دهب : وانا هطلع بقا
فريده : وانا كمان
مازن : وانا هصيع شوية عادي 😂
( يطلعو دهب وفريده ويفضل مازن قاعد ، يرن تليفون مازن يلاقي إياد ف يرد عليه )
مازن : استاذ إياد ازيك ؟
إياد : تمام الحمدلله كنت عايز أسألك انتو فاضيين انهارده اجي ل ليلي عشان مش هبقا فاضي بعد كده
مازن : اه تمام هي موجوده وخالتي صباح فوق وانا موارييش حاجه
إياد : خلاص تمام نص ساعه وهكون عندك
---------------
ليلي : بصو بقا انا مش فايقه خالص ، ف انتو بالادب ومن غير زعيق كل واحد يطلع الشيبسي والبسكوت اللي معاه واللي معهوش يحط مصروفو هي عافيه ، روح ياض يا يوسف لملي الحاجه !
( يطلعو العيال كل اللي معاهم وينزل يوسف يجيب الكورة ويلعبو سوا بالكوره ويقعدو يجرو ، يطلع مازن يخبط علي ام ليلي )
مازن : خالتي صباح استاذ إياد نصايه وجاي
صباح : يخربيتك يا جلاب المصايب الشقه تضرب تقلب مقولتش ليه من بدري !
مازن : وانا ايش عرفني يا خالتي بس !😂
صباح : طب حاول تأخر فيه يا زفت عبال مروق جتك نيلة !
( وتقفل صباح ف وش مازن )
مازن : حاسس اني اوحرجت سيكا 😂
( ينزل مازن ويروح يقابل إياد ويرن علي صباح يلاقيها بتزعق ف التليفون انها لسه مخلصتش )
مازن : تعالي نقعد ع السطح شوية عبال ما خالتي تخلص تحضير
إياد : مافيش مشكله
( يطلع مازن الاول وإياد وراه يطلع مازن يلاقي ليلي بتجري علي اخرها وبتلعب كورة قدم ع اخر مافيها مع الاطفال )
مازن : احم ليلي
ليلي ( وهي بتكمل لعب ) : خير
مازن : عندك حصة مع استاذ إياد دلوقت
ليلي : بطل هري يا مازن مش انهارده اصلا يعني وبعدين هو استاذ إياد فاكر وجودي اساسًا ؟!
( يبص مازن ل إياد ف يقولو إياد يكمل )
مازن : ليه بتقولي كده
ليلي : محصلش حاجه وامشي بقا عشان مديكش بالكوره ف وشك
( يبتسم مازن ويبص ل إياد )
مازن : بتحترمني اوي 😂🙂
ليلي : العب ياااااض !
إياد : طب لو قولتلك متزعليش مني ؟
( تبطل ليلي لعب وتقف مكانها وتلف تلاقي إياد يحمر وشها )
ليلي : إياد انت هنا بجد !
( يضحك إياد ف يبتسم مازن ولسه هيركز معاهم يسمع صباح بتنادي عليه )
صباح : ولا يا مااااازن
مازن : في ايييه
صباح : انزل يا ولا عيزاك
مازن : حرام عليكي يا خالتي دي لو الشقه مهجورة مش هتعملي فينا كده !
( وينزل )
إياد : متزعليش مني انا منستكيش والله
ليلي : لا نستني يا إياد ، انا مبقتش فارقه معاك
إياد : متقوليش كده يا ليلي متزعلينيش منك
ليلي : وانت زعلتني منك ! انا حسيت بكل حاجه وحشه وقتها انت نسيتني بجد
إياد : عُمري يا ليلي
ليلي : حصل وعملتها نستني عشان سندوتشين بطاطس وبانيه !
( ميقدرش إياد ويحاول يكتم ضحكتو علي غيرتها عليه وتفضل ليلي واقفه متغاظة ومتعصبه )
إياد : والله منسيتك ده انتي ديمًا في بالي يا ليلي
ليلي : ماهو واضح
إياد : عارف انا سهيت عشان في طلبة قبلك كانو بيسألوني عن اسأله برضو
ليلي : مينفعش ! مينفعش تسهي عني ابقي بجري عليك وفرحانه عشان اتحسنت بسببك بسبب انك معايا واستناك انت حتي ملاحظتش اني واقفه
إياد : خلاص انا اسف اوعدك عمري ما هنساكي ولا هسهي عنك ولا هسيبك تاني 🖤
( تبتسم ليلي لما تحس براحه يبص إياد يلاقي اللي بيشد ف رجل البنطلون واللي بيشد ف القميص )
الاطفال : انت مين !
ليلي : ولا عيب كده سيبو ياض !
يوسف : انتي واقفه بتضحكي لمين ده يابت !
ليلي : ده الاستاذ إياد يا بغل
يوسف : هجوم يا رجاااله
ليلي : يا مصيبتي اجري يا إياد !
( تجري ليلي وتمسك ايد إياد وينزلو جري ومسخسخين ضحك وقبل ما يدخلو الشقه تضحك ليلي بطفولية ل إياد ف يبتسم اكتر بفرحه )
إياد : اظن كده صافي يا لبن
ليلي : حليب يا قشطه 😂♥
( يضحك إياد وتضحك هي كمان وتلف تخبط علي الباب وتفتح صباح تحس ليلي أن الشقه بتلمع ف يدخل إياد وتدخل ليلي لامها )
ليلي : هو اي ف اي يا ماما من امتي النشاط ده
صباح : الراجل لازم يجي يلاقي بيتنا علي سنجة عشره
ليلي : ده من امتي ده
صباح : من انهارده وخشي احضري حصتك يلا
( تبصلها ليلي بغموض وتروح تقعد مع إياد )
ليلي : مش قصدي حاجه بس ليه جيت انهارده ليه مجتش ف معادنا ؟
إياد : لما حسيت انك زعلانه فضلت ارن عليكي وابعتلك ف رسايل وانتي مبترديش قولت اما اجيلك بنفسي
ليلي : جيت عشان زعلانه ؟
إياد : عشان زعلانه .
ليلي : خليك معايا وانا عمري ما هكون زعلانه
إياد : بوعدك هفضل معاكي ديمًا يا ليلي ♥
أنت تقرأ
روايه باستثناء وجودكم ل آلاء مسعود
Romanceعندنا استثنائات لبعض الاشخاص ، الحياه متكملش الا بوجودهم ، مهما كانت التشابهات والتطابق اللي الايام بتعدي بيه ، وجودهم بيغير احداث اليوم كلها ، وممكن كمان تغير احداث حياتنا !🤍
