عندنا استثنائات لبعض الاشخاص ، الحياه متكملش الا بوجودهم ، مهما كانت التشابهات والتطابق اللي الايام بتعدي بيه ، وجودهم بيغير احداث اليوم كلها ، وممكن كمان تغير احداث حياتنا !🤍
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
باستثناء وجودكم 🌺♥ " الحلقة " 8 " ♥ • • • • • • • • حسن : عمي انا عايز اطلب ايد فريدة من حضرتك محمد : تاني يابني !!! هي مش رفضتك !! حسن : رفضتني من غير سبب واضح ياعمي وبعدين لو فضلت ترفضني ف انا هزهقكو مني لاني مش هبطل احاول اتقدملها لحد ما توافق عليا 🤷♂️ محمد : لا حول ولا قوه الا بالله حسن : معلش يا عمي استحملني.. اصل انا مش بيأس 🤷♂️
--------------
( قاعده ليلي بتتفرج علي فيلم وجمبها فريدة ماسكة صورة مروان ومدمعه ودهب الناحية التانيه ماسكة صورة عبدالرحمن وبتعيط ) ليلي : قاعده مع شلة مُطلقات في ايه يا جماعه 😑 دهب : الخيانة وحشة اوي فريدة : وانك تطلعي ولا حاجه بالنسبة للي قدامك اوحش 💔 ليلي : طب يا جماعه مانتو مش هتفضلو بوزكو شبرين كده طول عمركو هما طلعو زبالة ميستاهلوش دهب : قلبي واجعني 💔 هو سبب كل حاجه وحشة حصلتلي وبرضو محبنيش 💔 ( تنزل دمعه من عين فريدة وتسحب وراها دمعه تانيه ) فريدة : خلاص يا جماعه اقفلو الموضوع ده مش عايزين ننكد ع نفسنا الحبة اللي قاعدينهم دهب : اول ما ضحي قالت انها مستنيه عبدالرحمن حبيبها كنت متشوقة اشوفو عشان اقولها عبدالرحمن حبيبي احلي طبعا ونضحك سوا ، اول ما شوفتو جاي علينا قلبي اتقبض 💔 اتمنيت يطلع اللي ف دماغي غلط 💔 ونظرة عتاب ضحي ليه وجعتني اكتر 💔 انهارده كان اصعب يوم في حياتي مش قادره اوصفلكو اللي حسيت بيه كأن قلبي اتخلع من مكانو ومبقتش عارفه اتنفس ومخنوقة وعنيا بتعيط لوحدها وكأني ف غيبوبة مش عارفه افوق منها وفعلًا مافوقتش غير والناس بتتلم عليا بعد ما العربية خبطتني .. ( يقريو منها ليلي وفريده ويحضنوها بوجع ) ليلي : خلاص يا دهب عشان خاطري هوني علي نفسك شوية دهب : اتمنيت بعد ما اروح المستشفي يا اموت يا افقد الذاكرة .. وبعد مفتكرت اللي حصل عيطت وكنت عايزة اقولكم لحقتوني ليه 💔 ( تزعل ليلي عليهم وتحاول تفك عنهم ) ليلي : يا جماعه احنا مش بنبات مع بعض كل يوم الله يقرفكو ويخربيتكو وبيت ابو نكدكو ( وتزق فيهم ف تتوجع دهب ) دهب : دراعي يا جحشه !! ليلي : اسفه مش متعوده لسه 😂😂 فريده : عايزة اكل محشي 💔 دهب : انسي لو قولت كده لنهله هتيجي تطردنا من هنا دي لو عملتلكو فول تحمدو ربنا 😂😂 ليلي : يومكو زي وشكو 😑 انا هتخمد 😑 ( وتنام ليلي وبعدها فريده وتفضل دهب سهرانه مش عارفه تنام من كتر العياط ... وفي الناحية التانيه بعد الشارع بشارع ، واقف مازن في البلكونه باصص في السما ومغمض عنيه وبياخد نَفس من تيار الهوا الجامد اللي زود الجو بالهدوء والراحه .. ماسِك مج القهوه في ايدو ومش جاي في بالو غير دهب ، واجمل اوقاتو مع دهب ، واصعب اوقات شاف فيها دهب ، مش قادر يفكر غير فيها .. يا يفتكر مواقفهم ويبتسم ، يا يفتكر كلامها وحبها لعبدالرحمن واللي جرالها وتتشال الابتسامه ويبدأ وجع قلبو يزيد .. ) طارق : يابني انت مش طايقني يابني ريحتي وحشه ؟ عندي مرض مُعدي ؟ مازن : يابني لا 😂😂 طارق : متقل عليك ياعم عشان بِت عندكو انهارده ، اقوم امشي ؟ مازن : ياجدع مالك في ايه 😂😂 طارق : ما انت سايبني وقاعد باصص للسما ماهي هي بنفس النجوم اللي فيها بتشوفها كل يوم انا مش معاك كل يووووم !!! مازن : تفتكر قدرو يهونو علي دهب شوية ؟ طارق : مفتكرش انا عارف اختي نكدية لما بتبوز مستحيل يروح بالساهل مازن : طب ما تيجي نساعد 🌚 طارق : نساعد ازاي 🌚 مازن : هقولك بس التنفيذ مش هيبقى دلوقت خالص 🌚
