كتاب متكامل (اذكار سنن احاديث ونصائح مهمه للبنات) ❤

....

اقروها يا بنات بالله عليكم 💔
لكل البنات + صدقينى مش هتندمي لما تقرايها " إني أخافُ أن يَمَسَّكِ عذابٌ من الرحمٰن "
آسفة مشوفتش الرسالة غير حالا.. مزعلتيش صح؟! آيةة؟ يابنتي ردي بقا بالله.. آيااااةةة فات ساعتين علي معاد الرسالة ولسة مفتحتش بعتلها تاني،، آيةة المفروض ان حضرتك تبقي صاحية دلوقتي الفجر بيأذن أهو... ردي عليا بقا يا بنتي..!* هصلي سنة الفجر لو رديتي عليا علي فكرة وهخليكي تاخدي ثواب! _ لا رد _ آية صاحبتي من 3سنين...اتقابلنا في درس عربي.. في 3ث.... وقربنا من بعض جدا... ودخلنا نفس الكلية كمان.. من سنتين آية قربت من ربنا... بتحاول معايا بكل الطرق اني البس فساتين، بس انا مرتاحة في البناطيل اكتر،، ممكن اقول برضو اني بصلي بسببها،، لولا رسالتها ليا وقت كل فرض اني اقوم اصلي مظنش اني كنت هحافظ علي الصلاة،، عقدة حياتها مروان.. بحبه اوي.. بس هيا مصرة ان ده مش حب... وان كلامنا حرام،، مش هنكر انها قسيت عليا اوقات بس معظم الوقت لينة معايا جدا... وده اللي مخلينا مكملين في كل حاجة... وخلاني ابطل كلام معاه... وبدعي وهيا بتدعيلي انه يكون من نصيبي... منكرش برضو اني بتريق علي لبسها اوقات كتير وعلي جمالها اللي دارته تحت النقاب،، بس هيا جميلة حتي في النقاب سبحان الله،، هنزل بكره اروح ليها احاول اراضيها بأي شكل... لو عرفت اني مرديتش علي الرسايل بسبب الاغاني اللي كنت بسمعها هتقفش فهحاول أفلت منها بأي شكل ان شاء الله وأفرحها اني صليت الفجر بالسنة منمتش قبله زي كل يوم... وهوعدها كمان اني هحافظ عالفروض والله بس المهم ترد علي أمي بقا_ تاني يوم قومت بدري علي غير العادة... كانت الساعة 10 لبست وعرفت ماما اني رايحالها... ووافقت... _ ازيك يا طنط صباح الخيرات = صباح القمر يا قمر _فين آية؟! = لسه نايمة، انا كنت لسه هدخلها دلوقتي ادخلي شوفيها.. _ فوريرة.. بقا أنا تتقمصي مني يا بسنننن! لقيت آية قاعدة في ركن المسجد بتاعها... ومصحفها في ايدها...حسيت بغيرة مش هكذب عليكم... نامت وهيا بتقرأ قرآن... ابتسمتلها.. وقربت علشان اصحيها...بالراحة علي عكس نيتي خالص.. آيةة..اية يلا قو.. _ ايدك متلجة ليه كده_ آيةة حبيبتي انتي تعبانه... اصحي.. _ دخلت مامتها علي صوتي_ مالها آيةة؟ شكلها تعبانه يا طنط.. آيةة قومي يا بنتي علي سريرك طيب.... _ طنط مسكت ايديها ودموعها بتنزل... اوعي توجعي قلبي عليكي يا بنتي... اوعي... وحضنتها وهيا بتعيط اوي... انا في دموع بتنزل من عيني و عماله اضغط علي ايدها...مش هتمشي وتسيبيني يا آيةة مش هتمشي صح _ صريخ مامتها رن في الاوضه وثواني، صوت الخبط علي عالباب،، الجيران جم... واختها الصغيرة شوفتها بتجري تفتح الباب.. .سمعت صوت رجاله برة... والستات دخلو علينا... صرخوا جامد... زعقت فيهم بعلو صوتي بس بس بالله محدش يصرخ حرااام... متعذبوهااش.. مامتها بصتلي قالتلي لا لا لا اا د دي دي تعبانة... شوية بس... وهتقوم دلوقتي... قومي يا حبيبتي يللا علشان الضحي... قربت من مامتها وأخدتها في حضني... قولتلها اثبتي.. كانت بتعلمنا الثبات... هزت دماغها.. وفضلت تكرر انا لله وانا اليه راجعون.. انا لله وانا اليه راجعون ** صدقوني انا نفسي مستغربه صبري في الوقت ده... بس كلامها كان في بالي وصوتها بيتردد جوايا... " أنا حاسة اني هموت في العشرينات يا سارة والله ... نفسي ربنا يتوفاني وهو راضي عني... ياااه لو اموت وانا ساجدة.. او وانا بقرأ قرآن... ينهار ابيض يا جدعان... هيبقا يوم فرحي والله يابنتي" كنت بقولها بعيد الشر عنك.. يا حلوفة متجيبيش سيرة الموت.. ترد تقول " الموت عمره ما كان شر يا سارة.. دا أول يوم لقا بحبيبك... وان كانت روحي بس الللي هتصعد عند الله عز وجل.. مش جسدي كله ولا هشوفه زي الجنة... بس برضو ياااه " يا آية اخرسي بقا والله هزعل... متزعليش ياستي حقك عليا وبعدين شوفتيني مت.. ولا هعرف اوصل للدرجة دي... يا بنتي حسن الخاتمة ده لا يناله الا الصادقين... بصت للسما وهيا بتقول وانا نفسي اكون منهم اوي يا سارة.." ** = فوقت علي صوت والدها وهو جايب الدكتور.... كان بيبكي بكسرة يتم... كأنها أمه مش بنته،،.. كان لسه هيقول للدكتور ادخل.. قولتله ثواني بالله عليك يا عمو... لقيت نقابها علي التسريحة... لبستهولها ودخلو... احنا كنا متأكدين انها ماتت.. بس مش قادرين نصدق...عاوزين اي امل... دخل الدكتور وقال انها ماتت من 7ساعات... بعد ما بعتتلي الرسالة بنص ساعة..!! " إني أخافُ أن يمسَّكِ عذاب من الرحمٰن" اااااه يا آياااااة جم يشيلوها علشان يغسلوها... مكنتش عوزه اسيبها... بوست ايدها ودماغها وحضنتها... سبحتها كانت ملفوفه علي معصم ايدها اليمين شيلتها ولفيتها علي ايدي.. وحضنتها اوي.. صلاة الجنازة كانت حشد عظيم...صغار وكبار كانو بيبكو عليها... وقفت قدام القبر بعد ما الكل مشي... قولتلها صدقتي يا آية صدقتي يا حبيبتي... مبارك يا عروسة زمانك مبسوطه دلوقتي صح؟ انا همشي اهو علشان الملايكة يجولك.... أسأل الله أن يثبتك يا روحي... متخافيش انا مش هسيبك ابدا... بس أنا مش عوزاكي تزعلي مني بالله عليكي..اناا ا انا هعمل كل حاجه ربنا بيحبها والله لحد ما اقابلك عنده... ب ببس س أنا اللي زعلانه منك... غصب عني يا نور عيني والله.. مش انتي وعدتيني مش هتسيبيني غير علي باب الجنة.. طب انا لو مت كده هروح النار يا آية... يارب... يارب أخويا أخدني وروحت البيت...فضلت طول الليل اقلب في الشات... وصورنا... المصحف اللي جابتهولي هديه من سنة لما لبست النقاب.. فضلت اقرألها قرآن لحد ماجه الفجر... استنيت رسالة منها علشان اقوم اصلي... مبعتتش! لقيتني بمسك تلفوني وببعتلها " قومي يا أستاذة علشان الصلاة.." افتكرت... افتكرت خلاص.... جريت اصلي وانا قلبي مفطور... كانت ديما تقولي الجأي لربنا ياسارة... اسجدي وطولي السجود.. هو عالم بيكي اكتر منك انتي والله... هيشيل همك من قلبك.. هيصبرك.... بصي انتي هتدخلي الصلاة بحالة هتخرجي بحالة تانية خالص.. صدقتِ يا آية والله... صدقتِ... كنت بصلي معظم الوقت اطلب من ربنا الصبر... انا مكنتش متخيلة اني بحبها كده! روحت بيتها تاني يوم... بوست ايد مامتها... وحضنتها... كانت صابرة جدا... وقاعدة تقرأ قرآن... استأذنت ودخلت اوضتها... لقيت الأجندة اللي بتكتب فيها مذكراتها... ربي لا تتوفاني الا وانت راضٍ عني... كانت كتباها في أول صفحة.. حاكية مواقف لينا كتير... أيام حست فيها بالفتور...دموعها علي الورق بتطلب من ربنا لا يتوافها وهي في الحالة دي.. أمنيتها! ' نفسي اكون داعية... عوزه اعرف الناس كلها بربنا... واتكلم عن حبيبي طول الوقت... يمكن انا مش مؤهلة لده دلوقتي... بس نفسي فعلا... اسيب أثر طيب...! ويااه لو اكون انا وسارة... ونعمل حلقات في المسجد...ياااربي...هو عليگ هين' اخدت الأجندة في حضني وبكيت.... انفطرت... كانت ديما تقول وهيا مبتسمة " هو عليه هين، اطلبي بقلب جامد يابنتي كل اللي تتمنيه" فات اسبوع علي موت آية... روحت بيتها وطلبت من مامتها هدومها... عوزه نقاباتها... آه هنتقب.. مش علشان آية والله... لله! الأسبوع اللي فات عرفت معني اللجوء لله... اللي كانت ديما توصيني بيه... استعنت بالله... وصبرني وقواني... صاحبة ربنا.. وحسيت بكلامها... " هو صاحبي وحبيبي وأنيسي" ... قدمت في معهد لدراسة العلوم الشرعية... ودرستها... ختمت القرآن بعد وفاة آية بسنتين... بقيت أبر ماما بكل ما تعنيه الكلمة... كانت توصيني ديما وتقولي الا مامتك يا سارة بالله عليكي... عارفة يا سارة لما الصحابة راحوا سألوا الرسول عليه الصلاة والسلام ما أحب الأعمال الي الله قال لهم " الصلاة علي وقتها" قالوا ثم ماذا يا رسول الله؟ قال " بر الوالدين" ده أحب الأعمال الي الله يا سارة... اوعي تزعليها مهما حصل.. قربوا من ربنا يا بنات... بصدق.. واطلبوا الصدق...لولا آية وصبرها عليا انا كنت ضيعت... اغاني وبناطيل وحب... الصحبة الصالحة اتشعلقوا فيها... مفيش حواليكي صحبة؟ ابقي انتي الصحبة الصالحة للي حواليكي...هاتي صاحبتك واصبري عليها.... وقربوا سوا.. العمر هينتهي في لحظه... في اللي هيجيلها الموت وهيا بتصلي... وفي اللي هتكون بتقرأ قرآن.. فيه اللي هيجي وهيا نايمة بعد أغنية أو شات لا يُرضي الله..ولا خناقه مع مامتها.. فيه اللي هيجي وهيا خارجة ببنطلون وميكب.. واللي هتبقا خارجه بخمار ساتر.... بصي لعملك كده وهتعرفي موتك هتبقا ازاي...!! توبوا... ان الله يغفر الذنوب جميعاً والله... مهما أسرفتوا... ارجعوا وهيقبلكم... أتبعوا سيئاتكم حسنات... أجروا علي ربنا ياولاد....التزموا بالفروض والقرآن... والقيام... كل حاجه حلوه هتحصل بعد كده..! بصيت للبنات... لقيتهم بيعيطوا.... ابتسمت مابين دموعي.. وقولتلها...حققت أمنيتك يا آيةة أهو :'')) _
اى الجمال دا والله انا عيطت🥺🥺♥️
اللهم لا تتوفانى إلا وأنت راض عنى
اللهم لا تتوفاني إلا وانت راض عني❤🙌