كتاب متكامل (اذكار سنن احاديث ونصائح مهمه للبنات) ❤

اياك واليأس❌

👈  لما تبقى ناوي تعمل ذنب وعارف إن اللي بتعمله ده غلط وحرام وتقول هتوب بعدها وربنا هيغفرلي ، اعرف وقتها إن ده من تزيين الشيطان علشان يخلّيك تعمل خطوة يسحب رجلك منها للمعصية ، وبعدين يغرّقك في بحورها لحد ما تدمنها وتعيش أسير وعبد لها  !

👈وبعدين يودّيك لمعصية تانية أكبر ، وهكذا ... لحد ما تموت وإنت على معصية وسوء خاتمة في نهاية الأمر ! وهي دي خطِّته المحفوظة اللي ربنا حذرّنا منها ومع ذلك محدش عايز يتعظ!*

👈 لما توصل لمرحلة إنك خلاص مش قادر تقاوم وخلاص هتعمل المعصية ، اركب تاكسي الزمن واطلع به للمستقبل ، لقدام ساعتين من عمرك ، وشوف بعد المعصية إيه اللي حصل!!!! ولا أي شئ !!!

👈😖المعصية اتعملت واللذة انتهت ومبقاش غير الحسرة والذنب !! وبس!! كل اللي إنت عملته كانت آخرته شهوة وعدّت وانتهت من غير أي فايدة!!

👈وطالما الموضوع كده .. كلم نفسك وقولَّها : ببساطة هعتبر نفسي زي ما بعملها كل مرة وبتعدي وتنتهي ،كأني عملتها المرة دي وشبعت منها وعدّت خلاص ..!

👌 أول ما تقع في أي معصية .. اجري على التوبة .. أتبع السيئة الحسنة تَمحُها ! زي ما ربنا  قال: (ثُمَّ يَتُوبُونَ مِنْ قَرِيبٍ)

👌 فـ متستناش لحظة بعد الذنب.. متفكَّرش كتير.. متروحش حتة ، قوم فوراً ، اتوضا أو اغتسل ، وهات السجادة وصلّي ركعتين توبة لله ..

🌟واسجد وابكي..  اسجد لربك وقولِّه : 😖"ياربي أذنبت .. وقعت غصب عني يارب .. وجايلك وأنا معترف وندمان وذليل .. رجعتلك يارب لأني عبدك الضعيف  ومليش رب غيرك .. وكلي أمل ويقين إنك هتقبلني وتتوب عليا وتغفر لي يا أرحم الراحمين "

👈 اثبت على الطريق وإوعى تفكَّر تسيب أي طاعة بسبب الذنوب اللي بتعملها .. واعرف إن فعلك للمعصية مش معناها إنك انتكست ؛ لأن مصطلح الانتكاس معناه إنك سيبت الطريق خالص ورميت طوبة الموضوع !!

👈إنما الضعف والعودة للذنب معصية زي أي معصية ، هتتوب منها وبإذن الله هتقدر تبعد عنها في يوم ما..

👈  متجلدش نفسك .. متحطّمش حياتك .. طبيعي إنك ممكن تقعد فترة كويس جدًا وبايمانيات عالية كمان ، ولكن تقع بعدها في أي معصية .. كل بني آدم خطاء .. كل الناس بتغلط .. مفيش حد معصوم من الغلط .. كلنا بشر وبنغلط ..

👈ومش معنى الكلام إني بهوّن الموضوع أو بقولك إعمل اللي إنت عايزه ، لأ طبعاً ، المقصد هو إنك مش المطلوب منك إنك متغلطش ، المطلوب إنك تجاهد نفسك على قد ما تقدر ، ولو وقعت في أي وقت تقبل الواقع وتقوم بسرعة وتكمل طريقك..

🌺  إيااااااااك واليأس .. إياك والإحباط .. إياك والقنوط .. إياااااك تقول مفيش فايدة !! إياااااااك تقول أنا مش نافع !!  إياااااااااااااك تقول تعبت وكرهت نفسى وكرهت حياتى !!

👈 اليأس ده أكبر جريمة وأبشع ذنب ممكن تعمله في حياتك !!

👈فـإوعى تيأس حتى لو وقعت في جميع الكبائر.. ارجع وتوب وربك هيقبلك مهما عملت .. وافضل كده لحد آخــــــــر نفس في عمرك..  لحد ما تلقى الله وإنت بتجاهد نفسك وبتتوب.. اغلط وتوب.. واغلط وتوب .. واغلط وتوب مليـــــون مرّة .. وافضل كده طول عمرك تتوب وتندم وتستغفر .. بس المهم إنك لا تتمادى في أي ذنب وتتوب بسرعة أول ما تقع فيه ..

👈  خليها لازمة على لسانك "اللهم طهّرني" ، اللهم "قِنِي شرَّ نفسي وألهِمْنِي رُشدي" ، وصدقني هييجي الوقت وربنا هيتقبل منك ..
___

#حياتي_دعوة