كتاب متكامل (اذكار سنن احاديث ونصائح مهمه للبنات) ❤

معلومات مفيدة

اللي هيعرف المعلومات دي  بسببك " صدقني " هتتفاجئ باذن الله يوم القيامه بجبال حسنات .. وفـ الدُنيا بشلال أمُنيات متحققه :)) !!

أمي تقولي لما تحب تطلب حاجه من ابوك اطلبها منه وهو رايق اول لما تلاقيه بيضحك ومزاجه حلو اهجم بطلباتك .. أخش عليه بالشويتين بتوعي حبيبي يابابا وألين دماغه بكلمتين حلوين وبيوافق  ;D ..

طب انا عاوز حاجات كتير  " أنجح .. أفرح .. أبقي غني .. احلامي تتحقق .. اتجوز .. ارتاح ف حياتي .. "
اطلب دا من ربنا امتي ؟! ولله المثل الاعلي طبعًا في اوقات برضه لو طلبت فيها حاجه من ربنا يستحيل يردك ويكسفك .. هيلبيلك طلباتك المُستحيله ف نظرك ! ..
معقوله ؟!
أيوه والله في اوقات الدُعاء فيها بيكون مُستجاب ..
طب ايه هي الحقني بيها الله يباركلك !

- لما تلاقي الدُنيا بتمطر ادعي دعوتك مستجابه   ..
- ادعي لما تسمع الاذان لحد لما يقيموا الصلاه الدُعاء بين الاذان والاقامه باذن الله مُستجاب !
- ادعي وانت ساجد الدُعاء بيكون واصل للسما ومستجاب .
- ادعي وانت بتطلع جنيه او اتنين لاي حد مسكين دعوتك وقتها مُستجابه .
- ادعي وانت صايم " للصائم عند فطره دعوه لا تُرد " !
- ادعي طول النهار يوم الجُمعه في ساعه بيكون مستجاب فيها الدُعاء 100%
- ادعي بعد الساعه 1 بالليل لحد الفجر ربنا بيكون وقتها مستنيلك دعوه او امنيه تطلبها يحققهالك !
- لما حد يجيبلك مية زمزم ادعي وانت بتشربها دعوتك باذن الله مستجابه
- قول لا اله الا انت سُبحانك اني كنت من الظالمين وادعي بعدها النبي قال الدُعاء مستجاب بعد لما تقولها .
- ادعي لما تزور مريض الملايكه هتأمن وراك دعوتك مستجابه باذن الله .
- ادعي وانت مسافر لاي بلد حتي ولو رايح كليتك او شغلك ادعي دعوة المسافر مستجابه .
- ساعات بتقوم من النوم تشرب او تدخل الحمام او تقلق .. ادعي وقتها دعوتك مستجابه باذن الله .

يمكن لما تطلب حاجه من حد يوافق مره ويكسفك مره .. لكن ربنا لايمكن يكسفك والدُعاء بيغير القدر علي فكره ! .. فمهما كنت عاصي و مهما  شفت الامور متلعبكه زي سلك سماعة موبايلك وصعب تتفك ربنا هيحلها ويدبرها " وقال ربكم ادعوني استجب لكم  ..

وماتنساش اي حد هيدعي في الاوقات دي لما يعرفها بسببك الملايكه هتقول ولك ايضًا مثل مادعي لنفسه لان

#الدال_علي_الخير_كفاعلِه