كتاب متكامل (اذكار سنن احاديث ونصائح مهمه للبنات) ❤

الحجاب

د حازم شومان قال ف الحجاب حاجه حلوة اوي الي اهلها مش موافقين علي الخمار او النقاب لو شايفه انه فرض او حتي فضل🤝♥️
بيقولك اي لو اهلك مش موافقين اصمدي ومتقعيش وافتكرى انه *لا طاعه لمخلوق في معصية الخالق*
اقفي قدام اهلك كلهم لو مش موافقين ✋🧡
لو عايزة تلبسي النقاب روحي عند واحده صحبتك والبسيه هناك وروحي بيه البيت
هتلاقي حل من اتنين يا اما هيفرحو والدنيا تبقا حلوة
او ميوافقوش وفي النقاب هيبقا غالبا الحل التاني
هنعمل اي بقا 🙄👏
لما بنعوز حاجه كـ بنات بنعمل اي!!؟
  بنعيط ... عيطي عادي اسبوع واتنين ومتنزليش من غيره بردو
باباكي هيقعدك من الدراسة؟
بركه أهو هيريحك من همها 👏👀
وهكذا .. وادعي بقا وعيطي كتير اوي لربنا ان انتي عايزة تتشبهي بامهات المؤمنين وبتحاولي ع قد اما تقدري🌸💙
عايزة اقولكو ان الدعاء ده مفعولها زي السحر او مصباح علاء الدين مثلا وبالذات في الثلث الاخير من الليل 💛✨
بجد اي حاجه مهما كانت ادعيه بيها وهتلاقيها اتحققت حتي لو مستحيله اصل انتي واخده بالك انتي  بتدعي مين ..
ربنا يعني الملك .. وكمان بتدعيه بالحاجه اللي هو أمرك بيها واللي فيها رضاه أتُراه يخذلكِ .. حاشاه✋😌
اهم حاجه ف الدعاء انك تبقي واثقه انه هيستجاب رغم استحالة الأسباب🤝💜
وفي الاخر اوعدك ان ربنا ان شاء الله يحققلك اللي بتتمنيه واللي كان مستحيل عند باباكي عشان العريس اللي مش هييجي مثلا ف اعرفي ان الرزق من عند ربنا *وما عند الله لا ينال الا بطاعته* ♥️🤍
ولو مجاش ... بركه اديكي قاعده ف بيت ابوكي حاطه رجل ع رجل ومتهنيه ومش شايله هم حاجه 😌🖤
اهم حاجه تنفذي اللي ربنا أمرك بيه باي طريقه وايا كان اللي هتتنازلي عنه ف الطريق ده 🤍👏
انتو غاليين ... انتو غاليين اووي والله 🥺♥️
مش اي حد يشوفك ولا يعرف تفاصيلك 🌸
انتي ملكه .. انتي لو تعرفي مقامك عند ربنا اي عمرك ما هتقفي لحظه واحده وعمرك ما هتلبسي بنطلون ولا تخرجي بذرة مكياج وهتضحي بكل زينة الدنيا عشان انتي عارفه ان مكانك ف الجنة مش هنا 🙈💛
انتي اللي العالم كله عارفه انك المجتمع كله ف بيحاول يضيعك ف اثبتي بالله عليكي 🥺💔
بلاش تقولي انا احسن من غيري وكلنا كده ... مش مضيعنا غير كلمه كله بيعمل كده والله 👌💔
اللي بشعرها ولابسه بنطلون ضيق زي اللي لابسه بنطلون واسع زي اللي لابسه طرحه قصيرة ع بنطلون ضيق زي بالظبط اللي لابسه بلوزة ضيقه ع جيبه او دريس ضيق مش بيتكتبلك نص سيئه صدقيني 👀
كل ده بينطبق عليهم ان هم مش لابسين الحجاب الشرعي ✋😅
الحجاب الشرعي صفاته معروفه لو شايفه ان هي تنطبقي عليكي وموافقه الدين يبقا تمام لكن لو فيها حاجه غلط متبرريش لنفسك وتقولي انا احسن من غيري .. عشان كده هتفضلي ف مكانك 🙂🤝
لا من دلوقتي قررى ومهما كانت الظروف او اللي هيواجهك  .. والله كله عشان ربنا يهون وربنا هيسهلك كل حاجه بس كملي واثبتي ومتقعيش 🖤✨
نيجي كمان بقا الي لابسه حجاب بس بتحط ميكب ازااااي قوليلي ازاي تبقي لابسه نقاب بس حاطه ايلاينر مثلا او كحل او حتي مسكره عشان تبقا عينيكي شكلها حلو مثلا 🤔
طيب انتي واخده بالك ان اصلا الغرض منه اخفاء الزينة طيب اي يا جماعه بقا 😅✋
فوقو بالله عليكي انا خايفه عليكو خايفه عليكي تبقي من الملعونات عشان شوية هدوم .. خايفه تطردي من رحمه ربنا عشان اتطبق عليكي انك من الكاسيات العاريات لابسين اه بس لبسهم مجسم وضيق🥺💔
خايفه عليكي تتحرمي من الجنة 😔
والله مفيش حاجه تستاهل .. الجنة تستاهل تسيبي متاع الدنيا كله عشانها 😍♥️
ياريت متجمعوش بين المعصبه والطاعه ف نفس الوقت مينفعش تبقي لابسه خمار وحاطه مكياج وتقولي احسن من غيري .. والله انتي كده مش احسن ولا حاجه ..
تخيلي انتي لو عملتي حاجه من دول ونزلتي عارفه ان عداد سيئاتك شغال مع كل واحد بصلك ومع كل واحده شافتك وقالت هبقا زيها ..
لا يا جماعه لازم واقفه ونبطل كل ده وتقرري هلبس الحجاب الصح ومنتحججش بالظروف عشان ده امر ربنا يعني ولو فعلا في عقبات كتير لازم تواجهيها واوعدك هتلاقي حياتك اتغيرت والمستحيل بقا ممكن ♥️🤝
طيب ازاي !!؟ كل حاجه اتقفلت
هقولك بالدعاء بردو .. افتحي لنفسك أبواب خير كتير أدعي لغيرك واي حد ييجي ع بالك ادعيله .. اجبرى بخاطر اي حد .. فرحي اللي حواليكي .. خليكي انتي الشمعه اللي بتنور طريقهم 👏🖤
لما تتمتي الخير لغيرك هتلاقي اللي انتي عايزاه بيتحقق بس اصدقي الله يصدقك .. خليكي صادقه مع ربنا انك نفسك فعلا تلبسي حجاب الأسلام الصح مش بتاع اليومين دول .. انك عايزة رضا ربنا بجد مش كلام ومش انك عملتي اللي عليكي وكل حاجه حواليا هي اللي متقفله .. اعمل اي يعني !؟😅
هقول تاني سلاحك القران والدعاء وقيام الليل 🌸💙
وبإذن الله هتجبرى وكل حاجه هتتحل..
ألحّوا فقد أوشك السهم أن يُصيب🤝♥️
وافتكرى ان مكاننا مش هنا ✋💛