هاربان من الحب

بدون عنوان ❤

شاغله تفكيري وهاممني أمرك الكل شايفك بطريقه

تانيه غير أللي انا شايفها قادر أشوف ضعفك

وأحساسك بالظلم علي عكس القوه والقسوه أللي

بتحاولي تباني بيها يا تري أيه حكايتك هيكون أيه

أللي مستخبي ورا ملامحك البريئه.

شويه شويه بدأت تفوق وتفتح عنيها.

مالك: المره الجايه أبقي قولي انك ناويه تودعي قبل

ما توقفي قلبي عليكي.

غزل بتعب: انا لازم امشي.

مالك: أيه حيلك حيلك رايحه علي فين بس أستهدي

بالله كده وأترزعي مش ناقصين كوارث.

وغزل بتحاول تقوم علشان تمشي لكن بتقع بين يديه

(وعارفين انتو بقي جو المسلسلات التركي لما يفضلو

باصين لبعض وهي تتخيل ابو ادم بالبدله وهو

يتخيل ام ادم بالفستان 😂.)

نرجع لموصوعنا.

غزل بكسوف بعد ما وشها بقي طماطم: انا أسفه انا...

مالك مسك ايديها: مدام مستعجله أوي كده ياله

امشي.

غزل: لا أنا همشي لوحدي لو سمحت امشي انا مش

عايزه مشاكل.

مالك: لا مهو متفتكريش اني هسيبك تمشي وانتي

في الحاله دي تطبي ساكته ونروح كلنا في داهيه. 

غزل بغضب: وانت مالك خليك في حالك

ومتتحشرش في أللي ملكش فيه وعلي رأي المثل

قالو لفرعون ايه فرعنك قال ملقبتش حد يلمني.

مالك بأستغراب: ايه انتي بتقولي ايه !!

غزل: اتلحلح كده خلينا نخلص احسن انا عارفه انك

لازقلي بغرا.

مالك بيحاول يجمع جمله واحده من كلامها ومش

عارف وبعدها لقاها ماشيه وعماله تقوله اتلحلح يا

اخويا....... وبعدها ركبو العربيه.

غزل: ها ناوي توديني فين.

مالك باستغراب: علي البيت.

غزل: نعم.....علي راي اللي قالو أسمع كلامك أصدقك

اشوف أمورك أستعجب.

مالك: مين عمل ايه !!

غزل بتفتح باب العربيه وبتزعق : أقف هنا نزلني

نزلني بقولك .

مالك بعد ما وقف العربيه : ايه يا بنت الناس الكويسه